Eclesiastés 1
1
Naca no'ox ta xac' pich' o'ntonal scotol
1Ti xnich'on David ti ech' ta ajvalil ta Jerusalén ti c'otem ta jvolvanej ta j'alc'ope, laj yal ec ti xi x'ale ti c'ope:
2Naca pich' o'ntonal, pich' o'ntonal ta xac' no'ox,
scotol naca pich' o'ntonal.
3¿C'usi la ta sbalinbe ti vinic smiloj sba ta abtel ta x'ech' li' ta banomile?
4Yacalic ta voq'uel, yacal ta xcham,
staoj yav ma' ti banomil une.
5Ti c'ac'ale xojobin no'ox ta xloc' talel, ta xch'ay batel;
ta xc'ot ta ch'ayel ti bu ta x'ech'e, xojobin no'ox ta vulel xtoc un.
6Xjumet no'ox ta xtal ti ic' ta yac'ol ti yolon xocon sloq'ueb c'ac'ale,
xjumet no'ox batel ta stuq'uil yolon ti yolon xocon sloq'ueb c'ac'ale;
xjumet, xjumet no'ox ti iq'ue; xjumet, xjumet no'ox liquel un.
7Scotol ti uc'umetic ta xbat stsob sba ta muc' ta nab, mu xnoj xtoc un;
ta sutic batel ti uc'umetic bu lic batele, x'oquin no'ox ech'el ta stamel batel ti sbe une.
8Ta xlubtsanvan ta snopel ma' ti c'opetic taje, mu xa xtal ta sjol ti vinic c'usi ta xal xchi'uque;
mu'yuc buch'u junuc ta xil ta stael jutebuc ti xpatet yo'nton ta xcom xchi'uque.
9Ti c'u s'elan c'otem ta pasel ta vo'nee, mu xa xc'ot ta pasel xtoc un;
ma'uc ti ta to xlic yich' meltsanel ti c'usi pasbil xae,
mu'yuc xa c'usi jtosucal ach' ta xc'ot ta pasel li' ta banomile.
10Oy ono'ox ma' ti buch'u xu' xi ta xale:
“Li' cac'tic une, ach' to no'ox lic meltsajuc.”
Le' une, vo'ne xa ono'ox sliquel talel c'alal ch'abalotic to oxe.
11Ch'ay ta o'ntonal ma' ti oy c'usitic meltsajem talel ta vo'nee;
ta xlic ch'ayuc ta o'ntonal ti c'usitic ts'acal ta xc'ot ta pasele.
Ti c'u s'elan laj ya'i ti jvolvanej j'alc'ope
12Ti jvolvanej j'alc'opune li'ech' ta ajvalilal yu'un Israel ta Jerusalén. 13Lic jsa'ilan ta st'unel ta sjunul jbijil scotol ti c'usitic ta xich' pasel li' ta banomile. Ti buch'uuc no'oxe, muc'ul icatsil ac'bat sbainic yu'un Dios yo' ta sbic'tajes sbaic ta stojol un. 14Scotol ti c'usitic ta xich' pasel li' ta banomile, lic quil ti naca pich' o'ntonal no'ox ta xaq'ue, co'ol s'elan ti ic' ti mu xjav ta tsaquele.
15Mu xa stac' tuq'uibtasel ma' ti c'usi xot-xot ta xbate, ti xich' xa cajchapel ti c'usi mu'yuc to chapale.
16Va'i un, xichi laj calbe jbae: “Laj jta ti cajal c'ot jc'oplale. Laj jta ti com ta be sbijilic cu'un scotol ti buch'utic laj ech'uc ta ajvalilal ta Jerusalene.#1 R 4.29-31. C'alal laj jtij co'nton ta stabel smelol ti bijilile xchi'uc ti snopbenale, 17vinaj xtoc ti bolibel pimubel xal o ti xlaj no'ox xcha'tosale, ti naca vul o'nton sna' ti co'ol s'elan jech c'u cha'al ti buch'u ta smac ta tsaquel ya'i ti iq'ue.” 18Mi yepal oy ti bijilile, yepal oy ti vocole. Mi yepal no'ox xana'e, yepal no'ox mu xata jun avo'nton xchi'uc.
Currently Selected:
Eclesiastés 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000