Zacarías 2
2
Qaiuana so ñic naloqojnaxanaxat
1Qam qaiyiita 'ue so liỹa iuanaxanaxac, ca seuane'ta so ỹale lo'qoota'a so ñic laloqojnaxanaxat. 2Ca' senat: ¿Negue' ca 'itegue?
Ca so'maxare 'naac caỹim: Shicpegue' na na'a' lodegaxat Jerusalén, ñaloqochin, qaiyi sa'den da ladogaxa chaqai da leca'gue.
3Ca' seuane'tegue pil so nelaatec piguim le'ec só'maq retaqata'pegue' aỹim, ca' 'ue so liỹa nelaatec naqta'guit. 4Ca' 'neetapega: Mo'e', ni'guiñite', 'ñirapega so ne'necoqui' só'maq lo'qoota'a so ñic laloqojnaxanaxat: Yi Jerusalén liỹa 'xoic ma'le ca qom neetaugui, qam ma' ỹapaguelec ma'le ca qom chaqai na laloipi isecỹac, ca' tot ỹouen ma'le ca lapoxonaxat. 5Qam ñi qara'gaxala' i'taxajñi da la'qaatec: Ỹim shintari' ma'le ca nquepaqataxanaxat 'ec norec nahiquinchiguiñi yi na'a' lodegaxat Jerusalén, ca' quiyi lavinñi, ca' sachaxan da ỹauaq.
Ñi qara'gaxala' nca'laxatec ma'le yi lalamaxareteripi
6-7Ñi qara'gaxala' i'taxajñi da la'qaatec: Ỹim so'uet quiyim qareuagaxachitac quenaua'que naua lahil na 'laua. Qam nagui shinac caqamiri: ¡'Iichii, nanalochaxañii quena 'laua queda rapiguim, leenaxat Babilonia, quená'maq ỹoqa'a 'laua ñiitalec qamiri nauá'maq ñiitalec na'le yi Sión! Ỹim na'gaxala', se'taxajñi da ỹa'qaatec.
8-9Ñi qara'gaxala' sqaica lqalanec yila', yilarelec da la'qaatec quiyim npa'guene'e' ná'ogue ná'maq ỹoreta'oguit qomyipi quená'maq rouootaxana'gue ca rouenaxahipi, 'naac: Canchaqaica se ỹa'maxata'gue na ỹalamaxareteripi, se ỹa'maxata'gue ná'maq ỹauochaqateripi. Vichiguiño', ca' ỹim ñco'ỹa'e' ná'ogue ná'maq ỹoreta'oguit qomyipi, ca so'uet quiyim ná'maq chi la'aquipi rouootaxana'gue na louenqaipi.
Ca' chaqaida 'neeta ma' ỹachaxan ma'le da lauaq ñí'maq qara'gaxala' sqaica lqalanec, qaiyi qamiri 'yiiñii ma'le quiyim chaqaiñi ñí'maq yila'.
(2.10-13 Qaiuana da lca'laqataxanaxac ñi qota'olec.)
Currently Selected:
Zacarías 2: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.