Génesis 44
44
Joseypa copanmanta
1Joseymi wasinpi mayordomonta khaynata kamachiran:
—Kay runakunapa costalninman trigota hunt'ay hayk'a apay atinankuta. Hinaspa trigomanta pagasqanku qolqeta, sapankamankupa costalninkupa siminman churapuy. 2Hinaspapas churallaytaq qolqemanta copayta hinallataq trigomanta pagasqan qolqetawan sullk'a kaqpa costalninpa siminman, nispa.
Chaymi chay mayordomonqa Joseypa kamachisqanman hina ruwaran. 3Achikharamuqtinmi Joseypa wawqenkunaqa asnonkupi cargayukuspanku ripuranku. 4Ichaqa Joseypa wawqenkunaqa manaraqmi karutaraqchu llaqtamantaqa risharanku. Hinaqtinmi Joseyqa mayordomonta khaynata kamachiran:
—Chay runakunapa qepanta qatiy. Hinaspa paykunaman aypaspayki khaynata ninki:
“¿Imanaqtintaq qankunari allin ruwasuqniykichis patronniyta, mana allin ruwaykunawan kutichishankichís? ¿Imanaqtintaq qolqemanta copatapas suwarakamunkichisrí? 5Chay copaqa patronniypa tomanan copan hinallataq adivinananpaq ima. ¡Chay ruwasqaykichisqa manan allinchu!” nispa.
6Hinaqtinmi chay mayordomoqa Joseypa wawqenkunaman tariparan. Hinaspan Joseypa nisqanman hina, paykunata niran. 7Ichaqa paykunañataqmi khaynata contestaranku:
—Señorllayku, ¿imanaqtintaq chaykunatari niwashankikú? ¡Noqaykuqa manan ni hayk'aqpas chaykunataqa ruwaykumanchu! 8Noqaykuqa costalniykupa siminpi qolqeta tarisqaykutapas, Canaán nación lawmantaraqmi kutichinpurayku. ¿Chaychu patronniykipa wasinmanta suwakamuykuman qolqetapas, qoritapas? 9Sichus mayqen kaq serviqniykikunapipas chay qolqemanta copata tarinki chayqa, chay runaqa wañuchunyá. Wakinniykuñataq señorniypa esclavon kasaqku, nispa.
10Chaymi chay mayordomoqa khaynata niran:
—Saynaqa qankunapa nisqaykichisman hinayá kachun. Ichaqa mayqenniykichispichus chay copata tarisaq chayqa, payllan *esclavoy runaqa kanqa. Wakinniykichistaqmi ichaqa libre kankichis, mana culpayoq kasqaykichisrayku, nispa.
11Hinaqtinmi sapankamanku apurayllamanña costalninkuta pampaman urayachispa kichariranku. 12Hinaqtinmi chay mayordomoqa sapankamankupa costalninkuta mashkaran, kurak kaqmanta qallarispa, asta sullk'a kaqpi tukunankama. Hinaspan Benjaminpa costalninpi chay qolqemanta copataqa tariran. 13Hinaqtinmi paykunaqa mana ni imatapas ruwayta atirankuchu. Hinaspan llakikuymanta p'achankutaraq llik'iranku. Chaymantan sapankamanku asnonkuman costalninkuta cargaspa, llapallanku kutiranku Egipto llaqtaman. 14Hinaspan Judaqa wawqenkunapiwan Joseypa wasinman chayaranku. Ichaqa Joseyqa chayllapiraqmi kashasqa. Hinaqtinmi Joseypa wawqenkunaqa Joseypa ñawpaqninpi qonqorikuspa, pampakama k'umuyuranku. 15Chaymi Joseyqa paykunata khaynata niran:
—Qankunari, ¿imatataq kaytari ruwarunkichís? ¿Manachu yacharankichis, noqaqa adivinaq runa kasqayta? nispa.
16Hinaqtinmi Judaqa khaynata niran:
—Señorlláy, ¿ima nispataq nisqaykikurí? ¿Imaynatataq inocente kasqaykutari pruebaykuman? Noqayku sirvienteykikunapa mana allin ruwasqankutan Dios rikhurirachin. Chaymi noqaykuqa llapallayku qan señorniykupa esclavonña kasaqku, copaykita hap'iq wawqeykupiwan ima, nispa.
17Hinaqtinmi Joseyqa khaynata niran:
—Manan noqaqa ni hayk'aqpas chaytaqa ruwaymanchu. Noqapa copayta suwakuspa apasqanta tarichikuqllan esclavoyqa kanqa. Wakinniykichisqa papaykichispa kasqanman hawkalla kutipuychis, nispa.
Benjaminpa favorninpi wawqen Judá ruegakusqanmanta
18Hinaqtinmi Joseyman ashuyuspa Judaqa khaynata niran:
—Señorlláy, qanqa *rey Faraón hina ancha atiyniyoqmi kanki. Chaymi qanta ruegakuyki rimasqayta secretollapi uyariykuwanaykipaq. Ichaqa amayá noqawanqa phiñarukuychu. 19Señorlláy kayman ñawpaqta hamuqtiykun, qanqa khaynata tapuwarankiku: “¿Kanraqchu papaykichis hinallataq huk wawqeykichispas?” nispa. 20Hinaqtinmi noqaykuqa khaynata contestaraykiku: “Arí, kawsashanraqmi papaykuqa; payqa ancianoñan kashan. Hinaspapas kanraqmi huk sullk'a wawqeykupas; payqa papayku ancianoña kashaqtinmi naceran. Chay sullk'a wawqeykupa wawqenqa wañukapunñan. Chay sullk'a kaq wawqeykuqa papaykupa ancha munakusqan warmimanta nacemuqmi. Chayraykun sapallanña qeparuqtin, papaykuqa anchata paytaqa munakun”, nispa. 21Qanqa niwarankikun: “Chay sullk'a wawqeykichista pusamuychis, noqa reqsinaypaq”, nispa. 22Chaymi noqaykuqa niraykiku: “Chay sullk'a kaq wawqeykuqa manan papaykutaqa saqemunmanchu. Sichus papaykuta sapallanta saqeramunman chayqa, llakikuymantan papaykuqa wañurunman”, nispa. 23Ichaqa qan señorniykuqa niwarankikun khaynata: “Sichus sullk'a kaq wawqeykichista mana pusamunkichishchu chayqa, manañan noqaqa chashkisqaykichishñachu”, nispa.
24Hinaqtinmi noqaykuqa papaykupa kasqanman kutispayku, qan señorniykupa niwasqaykikuman hina, papaykumanqa willarayku. 25Chaymantan huk tiempo pasaruqtin, papaykuqa yapamanta niwaranku: “Kutiychis yapamanta. Hinaspa mikhunapaq kawsayta rantimuychis”, nispa. Saynata papayku niwaqtinkun, 26noqaykuqa contestarayku khaynata: “Manan riykumanchu, sichus sullk'a kaq wawqeyku noqaykuwan mana riqtinqa. Chay wiraqochamanqa manan presentakuyta atiykumanchu, sichus sullk'a kaq wawqeyku noqaykuwan mana riqtinqa”, nispa.
27Hinaqtinmi papaykuqa niwaranku: “Qankunaqa yachankichismi, warmiy Raquelpiqa ishkaylla wawaykuna kasqanta. 28Hukninmi noqapa ladoymanta lloqsispa chinkaran. Chaymi kunankama paytaqa manaña rikuniñachu. Cheqaqtapunichá ima salqa animalpas llik'ipiyaspa wañuchiran. 29Sichus qankuna kay waway Benjamintapas, noqapa ladoymanta pusarunkichis chayqa, ima mana allinpas payta pasaruqtinqa, qankunan culpable kankichis, noqa anciano kashaspa, llakikuymanta wañurunaypaq”, nispa.
30Señorlláy, papaykupa vidanqa kay sullk'a kaq wawqeykumantan dependen. Sichus noqayku kutipuqtiyku, kay wawqeyku mana noqaykuwan kushkachu rinqa chayqa, 31papaykuchá kay sullk'a kaq wawqeykuta mana rikuspa, llakikuymanta wañurunqa. Hinaqtinmi noqayku culpable kasaqku, papayku wañusqanmanta. 32Noqa serviqniykin papaytaqa khaynata nirani: “Noqan kay wawaykimantaqa responsable kasaq. Sichus kay wawaykita mana kutichinpusqaykichu chayqa, noqan wiñaypaq culpable kasaq”, nispay. 33Señorlláy, chayraykun ruegakuyki, kay sullk'a kaq wawqeypa rantinta noqa qanpa serviqniyki kanaypaq. Hinaspa paytañataq permitiykuy, wawqenkunapiwan kushka kutipunanpaq. 34Noqari, ¿imaynataq papaypa kasqanmanri kutipuyman, mana sullk'a kaq wawqeypiwanrí? Noqaqa manan aguantaymanchu, papaypa llakikusqanta rikuspayqa, nispa.
Currently Selected:
Génesis 44: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 44
44
Joseypa copanmanta
1Joseymi wasinpi mayordomonta khaynata kamachiran:
—Kay runakunapa costalninman trigota hunt'ay hayk'a apay atinankuta. Hinaspa trigomanta pagasqanku qolqeta, sapankamankupa costalninkupa siminman churapuy. 2Hinaspapas churallaytaq qolqemanta copayta hinallataq trigomanta pagasqan qolqetawan sullk'a kaqpa costalninpa siminman, nispa.
Chaymi chay mayordomonqa Joseypa kamachisqanman hina ruwaran. 3Achikharamuqtinmi Joseypa wawqenkunaqa asnonkupi cargayukuspanku ripuranku. 4Ichaqa Joseypa wawqenkunaqa manaraqmi karutaraqchu llaqtamantaqa risharanku. Hinaqtinmi Joseyqa mayordomonta khaynata kamachiran:
—Chay runakunapa qepanta qatiy. Hinaspa paykunaman aypaspayki khaynata ninki:
“¿Imanaqtintaq qankunari allin ruwasuqniykichis patronniyta, mana allin ruwaykunawan kutichishankichís? ¿Imanaqtintaq qolqemanta copatapas suwarakamunkichisrí? 5Chay copaqa patronniypa tomanan copan hinallataq adivinananpaq ima. ¡Chay ruwasqaykichisqa manan allinchu!” nispa.
6Hinaqtinmi chay mayordomoqa Joseypa wawqenkunaman tariparan. Hinaspan Joseypa nisqanman hina, paykunata niran. 7Ichaqa paykunañataqmi khaynata contestaranku:
—Señorllayku, ¿imanaqtintaq chaykunatari niwashankikú? ¡Noqaykuqa manan ni hayk'aqpas chaykunataqa ruwaykumanchu! 8Noqaykuqa costalniykupa siminpi qolqeta tarisqaykutapas, Canaán nación lawmantaraqmi kutichinpurayku. ¿Chaychu patronniykipa wasinmanta suwakamuykuman qolqetapas, qoritapas? 9Sichus mayqen kaq serviqniykikunapipas chay qolqemanta copata tarinki chayqa, chay runaqa wañuchunyá. Wakinniykuñataq señorniypa esclavon kasaqku, nispa.
10Chaymi chay mayordomoqa khaynata niran:
—Saynaqa qankunapa nisqaykichisman hinayá kachun. Ichaqa mayqenniykichispichus chay copata tarisaq chayqa, payllan *esclavoy runaqa kanqa. Wakinniykichistaqmi ichaqa libre kankichis, mana culpayoq kasqaykichisrayku, nispa.
11Hinaqtinmi sapankamanku apurayllamanña costalninkuta pampaman urayachispa kichariranku. 12Hinaqtinmi chay mayordomoqa sapankamankupa costalninkuta mashkaran, kurak kaqmanta qallarispa, asta sullk'a kaqpi tukunankama. Hinaspan Benjaminpa costalninpi chay qolqemanta copataqa tariran. 13Hinaqtinmi paykunaqa mana ni imatapas ruwayta atirankuchu. Hinaspan llakikuymanta p'achankutaraq llik'iranku. Chaymantan sapankamanku asnonkuman costalninkuta cargaspa, llapallanku kutiranku Egipto llaqtaman. 14Hinaspan Judaqa wawqenkunapiwan Joseypa wasinman chayaranku. Ichaqa Joseyqa chayllapiraqmi kashasqa. Hinaqtinmi Joseypa wawqenkunaqa Joseypa ñawpaqninpi qonqorikuspa, pampakama k'umuyuranku. 15Chaymi Joseyqa paykunata khaynata niran:
—Qankunari, ¿imatataq kaytari ruwarunkichís? ¿Manachu yacharankichis, noqaqa adivinaq runa kasqayta? nispa.
16Hinaqtinmi Judaqa khaynata niran:
—Señorlláy, ¿ima nispataq nisqaykikurí? ¿Imaynatataq inocente kasqaykutari pruebaykuman? Noqayku sirvienteykikunapa mana allin ruwasqankutan Dios rikhurirachin. Chaymi noqaykuqa llapallayku qan señorniykupa esclavonña kasaqku, copaykita hap'iq wawqeykupiwan ima, nispa.
17Hinaqtinmi Joseyqa khaynata niran:
—Manan noqaqa ni hayk'aqpas chaytaqa ruwaymanchu. Noqapa copayta suwakuspa apasqanta tarichikuqllan esclavoyqa kanqa. Wakinniykichisqa papaykichispa kasqanman hawkalla kutipuychis, nispa.
Benjaminpa favorninpi wawqen Judá ruegakusqanmanta
18Hinaqtinmi Joseyman ashuyuspa Judaqa khaynata niran:
—Señorlláy, qanqa *rey Faraón hina ancha atiyniyoqmi kanki. Chaymi qanta ruegakuyki rimasqayta secretollapi uyariykuwanaykipaq. Ichaqa amayá noqawanqa phiñarukuychu. 19Señorlláy kayman ñawpaqta hamuqtiykun, qanqa khaynata tapuwarankiku: “¿Kanraqchu papaykichis hinallataq huk wawqeykichispas?” nispa. 20Hinaqtinmi noqaykuqa khaynata contestaraykiku: “Arí, kawsashanraqmi papaykuqa; payqa ancianoñan kashan. Hinaspapas kanraqmi huk sullk'a wawqeykupas; payqa papayku ancianoña kashaqtinmi naceran. Chay sullk'a wawqeykupa wawqenqa wañukapunñan. Chay sullk'a kaq wawqeykuqa papaykupa ancha munakusqan warmimanta nacemuqmi. Chayraykun sapallanña qeparuqtin, papaykuqa anchata paytaqa munakun”, nispa. 21Qanqa niwarankikun: “Chay sullk'a wawqeykichista pusamuychis, noqa reqsinaypaq”, nispa. 22Chaymi noqaykuqa niraykiku: “Chay sullk'a kaq wawqeykuqa manan papaykutaqa saqemunmanchu. Sichus papaykuta sapallanta saqeramunman chayqa, llakikuymantan papaykuqa wañurunman”, nispa. 23Ichaqa qan señorniykuqa niwarankikun khaynata: “Sichus sullk'a kaq wawqeykichista mana pusamunkichishchu chayqa, manañan noqaqa chashkisqaykichishñachu”, nispa.
24Hinaqtinmi noqaykuqa papaykupa kasqanman kutispayku, qan señorniykupa niwasqaykikuman hina, papaykumanqa willarayku. 25Chaymantan huk tiempo pasaruqtin, papaykuqa yapamanta niwaranku: “Kutiychis yapamanta. Hinaspa mikhunapaq kawsayta rantimuychis”, nispa. Saynata papayku niwaqtinkun, 26noqaykuqa contestarayku khaynata: “Manan riykumanchu, sichus sullk'a kaq wawqeyku noqaykuwan mana riqtinqa. Chay wiraqochamanqa manan presentakuyta atiykumanchu, sichus sullk'a kaq wawqeyku noqaykuwan mana riqtinqa”, nispa.
27Hinaqtinmi papaykuqa niwaranku: “Qankunaqa yachankichismi, warmiy Raquelpiqa ishkaylla wawaykuna kasqanta. 28Hukninmi noqapa ladoymanta lloqsispa chinkaran. Chaymi kunankama paytaqa manaña rikuniñachu. Cheqaqtapunichá ima salqa animalpas llik'ipiyaspa wañuchiran. 29Sichus qankuna kay waway Benjamintapas, noqapa ladoymanta pusarunkichis chayqa, ima mana allinpas payta pasaruqtinqa, qankunan culpable kankichis, noqa anciano kashaspa, llakikuymanta wañurunaypaq”, nispa.
30Señorlláy, papaykupa vidanqa kay sullk'a kaq wawqeykumantan dependen. Sichus noqayku kutipuqtiyku, kay wawqeyku mana noqaykuwan kushkachu rinqa chayqa, 31papaykuchá kay sullk'a kaq wawqeykuta mana rikuspa, llakikuymanta wañurunqa. Hinaqtinmi noqayku culpable kasaqku, papayku wañusqanmanta. 32Noqa serviqniykin papaytaqa khaynata nirani: “Noqan kay wawaykimantaqa responsable kasaq. Sichus kay wawaykita mana kutichinpusqaykichu chayqa, noqan wiñaypaq culpable kasaq”, nispay. 33Señorlláy, chayraykun ruegakuyki, kay sullk'a kaq wawqeypa rantinta noqa qanpa serviqniyki kanaypaq. Hinaspa paytañataq permitiykuy, wawqenkunapiwan kushka kutipunanpaq. 34Noqari, ¿imaynataq papaypa kasqanmanri kutipuyman, mana sullk'a kaq wawqeypiwanrí? Noqaqa manan aguantaymanchu, papaypa llakikusqanta rikuspayqa, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional