SOLOMON HLA 2
2
Ngaknu
1Kei cu Sharon bingbir le maw
Nelrawn lili pangpar ngai ka si.
Tlangval
2Lungthli ka tum a leng hawi lakah,
Lili pangpar iang ngei hling lak een.
Ngaknu
3Ka duh dah ngai a val hawi lakah
hnak thlai rem,
Hung lang ai ngai thing ṭha hmawng
lakin epalte khi bang,
Hei ei ning law a thladem tangah
thlum riangmang tein.
4A ka hruai i mitsur dum chungah,
Ka veeng dah ngai mitsir thli tein.
5Zuun in ka zaw nang vang
hraam ah cun
Rak ka hnem law epal thei le mitsur
tlai thlum in.
6Kehlei na baan ka tlinh tawn rih law,
Hei ka kup na orhlei kut in.
Tlangval
7Maw Jerusalem leng rual hna,
Ram hlum sazuk le maw saza min
cem chih in chiat an ser bang,
Ka dawtte cu tho law i hlau ko tiin,
Ṭhangh lai ka senh hna lo cu.
Fung Hnihnak
Ngaknu
8Lungthli ka tum a anka thawng cu
ngai ai u,
Fing le tlang sang cungin her liaimai
rung ai cang.
9Ka tum lung duhte nih saza le
neng note ko khi lo ai,
Cuan cio u law pang leng dir hrat in,
Thlalang awng le thing kharvar lakin
Inn chung run bih ai.
10Lungkil ka nawl nih ee, “Tho in
run rih law sam thlai rem dawhte,
11Fur nih aa lim, lungrawn khuate nih
pau ai cang,
Ramlak thingtian par ṭha nih a en;
12Khua pawngkap ah
a een cang pangpar,
Kaileng va zaihla tin an remh
cu ai cang,
Kan lai lungrawn khua zel in.
13Theipi kung nih a thei hmin aa zal,
Mitsur ruang nih rimhmui thaw he zel
chialmal in par ai hna,
Tho in rung law dawh hlei
ka pawngah,
Khei nawn rem dawh te,” a ti.
Tlangval
14Dai zirziar in lungpang kua a hlum,
nang ka ṭhuro,
Na hmel dawh cu ka hmuhter rih law,
na anka thlum zong,
Na awte nih i zel ngiaimai in
na mui zong dawh ai.
A hawile hna
15Par ṭha en lio kan mitsur dum kha,
A hrawk tawntu hngartlaitum le maw
a fano rual cu tlai u.
Ngaknu
16Ka dawtte aw nang ka ta si i kei zong
nang ta si ve ci,
Lenter hna law na tuurun hna cu
lili pangpar hna lakah.
17Ni nih liam lai aa zal, thlizil nih
hrang siarmar,
Ka dawtte aw nakzik fing thuk hlum,
Saza le maw nengno bang lang ṭhan
ai law.
Currently Selected:
SOLOMON HLA 2: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006