Job Thupatna
Thupatna
Job Thubu sia tuasiatna a thuakcip mihing pha khat ii taanghthu hi a, ama in a tate theampo le a neisa theampo sumcip hi, tuaciang a kiihuai natna khat veei hi. Tua zawkciang Job le a lawmte in hi tuasiatna te bangbangin thuk kik ziam ci sia thubu at pa in kipaupuina lakam nguite thum taw lak hi. A tawpna ah ama ii mihing taw a kizopna thu kikup belin a neisak tua Pathian mama Job tungah kilangh hi.
Job ii lawmte in ama thuakna sia taangh biakna paiziate taw kizui in sonpui hi. Pathian in miphate tel pia a, misiate daan thuaksak tawntung hi ci in amate in ngaisun ahikom Job ii ngim thuaknate ama ii mawna khialna a vawt hang hi thei bek hi ci uh hi. Ahihang Job in hi bang vazeang hi sa ngawl hi; ama sia mipha tangtuam le thutang khat ahikom, tuabangin daan nasia mama piak tu kilawm ngawl hi. Pathian in ama bangte banghang nasia takin tuasiasak thei ziam ci sia ama in tel zo ngawl ahikom, ama in hangsan takin Pathian thato hi. Job in a upna thasua ngawl hi, ahihang Pathian mai ah thutang pa khat a hina le mihing pha khat in a kizatakna a nga kik tu thangai hi.
Pathian in Job ii doknate zo kik ngawl hi, ahizong Pathian in Job ii upna a thuk kikna in a Pathian ii vaangletna le a ciimna lim taw uap in musak hi. Tuasia ciang Job in Pathian sia ciim a lian hi ci in saang thei a, kamham le thin uukna kammal a zakte kisiik kik hi.
Thukhupna sungah Job sia nidang a om ngei bang kisuaksak kik a, nidang sang zong a nopsak zawknate kiciamtee hi. Job ii lawmte in ama ngim ngana ii a khiakna a tel ngawl hu in Pathian in teih hi. Pathian sia taangh biakna sangin lianzaw ahi hunlam Job bekma in telthiang hi.
A kihel Thulute
Thu phuanna 1:1—2:13
Job le a lawmte 3:1—31:40
a. Job ii phunna 3:1-26
b. A khatvei kipaupuina 4:1—14:22
c. A niivei kipaupuina 15:1—21:34
d. A thumvei kipaupuina 22:1—27:23
e. Ciimna a kipokna 28:1-28
f. Job ii a pau khakbel 29:1—31:40
Elihu ii thusonte 32:1—37:24
Topa in Job kam zo kik 38:1—42:6
Thukhupna 42:7-17
Currently Selected:
Job Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016