Sawltakte Thupatna
Thupatna
Sawltakte ii Ngamtatna sia Luke at Lungdamna Thupha taw a kizom to ahi hi. Tupna le sawmna thubulpi pan, Jesus nungzui ciilte in ama ii Lungdamna Thupha sia Thaa Thiangtho ii lampuina taw, Jerusalem, Judea ngam bup Samaria le leimong dongin, bangbangin kizelsak ziam ci thu ahi hi. (1:8). Tua thu in Jew mite sung pan hong kipan a, leitung bup ii upna, a suak tu in a kizop suak natu in Tapidaw te ii kalsuanzia taanghthu ahi hi. Lai atpa in, laisimte tungah Tapidawte sia Rome Kumpi ngamlian a langpante hi ngawl hi ci thu zongh pualaak nuam hi. Tuaciang Tapidaw upna sia Jew te biakna a cialcinna hi ci in lak hi.
Sawltakte sia khen thum in kikhen thei hi. Jesus huvau Lungdamna Thupha a zai vaial a, a kizelna le pawlpite a kiphuna hi a, (1) Jesus van kaa zawkciang Tapidawte ii Jerusalem ah a tukna a dianna, (2) Palestine ngam mundang ah tua thu a kikeau zia le (3) Mediterranean ngam Rome dongin a kikeauna thu hi.
Sawltakte sung a thupi khat sia Pentecost ni in Jerusalem khua ah thu umte tungah hong pai Thaa Thiangtho ii nasepna hi a, tua Thaa Thiangtho in pawlpi le a lampuite ii hi laibu sungah a ki at thu le la te theampo sungah, lampui in tha a piakna thu ahi hi. Tapidaw thu masa sia thuhilna pawlkhat sungah kitom son a, tuaciang Sawltak sungah a kikhum thute in, a umte ii nuntakna sung le, pawlpi sung kipawlna ah thahatna om hi ci thu lak hi.
A kihel Thulute
Tetti pan natu a kithoai kholna 1:1-26
a. Jesus ii a khakbel a thupiakna le a kamciam 1:1-14
b. Judas a laihpa ii thu 1:15-26
Jerusalem ah tetti panna 2:1—8:3.
Judea le Samaria a tetti panna 8:4—12:25
Paul ii Pathian nasepna 13:1—28:31
a. Thupha puak khualhaw masak phitbelna thu 13:1—14:28
b. Jerusalem ah kikhopna 15:1-35
c. A niivei thupha puak khualhawna 15:36—18:22
d. A thumvei thupha puak khualhawna 18:23—21:16
e. Jerusalem, Caesarea le Rome ah Paul ii thongtaakna 21:17—28:31
Currently Selected:
Sawltakte Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016