2 Samuel Thupatna
Thupatna
Samuel niina sia Samuel khatna taw a kizom hi a, a masa in thangsang ah Judah ngam (1-4), tua zawkciang saksang ah Israel a kihel ngam buppi (5-24) a ukna sungah David sia kumpi in a maanna taanghthu hi. David in a ngamkeau natu le ama dinmun a kipsak natu in ngam sungah tualngalte ahizong, ngam puasia ngalte pan ahizong, bangbangin a kisaan kul hi ci thu a kitelthiang vaset in a sonna ahi hi. David sia upna thuk nei in Pathian tungah a kipia mama mihing khat hi a, a mite in thumaanna taw a nung a zuisak thei mihing khat a hina kilak hi. Ahihang khat vevei sia ama ii uukna le tupna lianpite a taangtun natu in cizat nei ngawl a, lipkhaphuai mawna khialna zongh vawt nuam si hi. Ahihang Topa ii kamsaang pa Nathan in a mawna taw a maitang ah a sua ciangin, a mawna teng pualaak in, Pathian ii daan piak babang a saanna thu kimu hi.
David ii nuntakna le ama zawna tuatuamte in Israel mite ii thin nasia takin khoi ahikom, ama khan zawk a nungciangin ngam bup ii ngim nga haksat hunte hong theng a, kumpi dang khat a lungngul uh ciang, “David ii tapa” ci tu khat, David taw a kibang ama suan le paal khat hi thei le ci in thangai uh hi.
A kihel Thulute
Judah ngam ah David ii maanna 1:1—4:12
Israel ngam bup ah David ii maanna 5:1—24:25
a. A hunte kipat sawng 5:1—10:19
b. David le Bathsheba 11:1—12:25
c. Ngimnate le Haksatnate 12:26—20:26
d. A khaksang hunte 21:1—24:25
Currently Selected:
2 Samuel Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016