Cantares 8
8
1¡Quexi'i wa in sucu'uneche',
quexi' wa tzéenta'anech yéetel u kaab u yiim in maamae'!
beyo' le quéen in nuptáantech te j bejo'
mix máac bíin u p'a'asten le quéen in dzu'udzeche';
2je'el u páajtal loobal in bisiquech tu yootoch in maama,
je'el in wocsiquech loobal ichile',
teech bíin a beetabáa in aj ca'anbesaje'.
Tene' in dzáic loobal a wuk u ma'alobil vino yéetel u kaab in pakal granadaobe'.
3¡Ca u dzáa u x dzíic kab u ti'al in káan jo'olte,
yéetel u x no'oje' ca u lóochen!
Íichamtzil
4U co'olelile'ex Jerusalén séebchite'ex ti' teen ma'atáan a wajse'ex in aj yaabilaji'.
¡Cha'ex u wenel, tu juunal cun j ajal!
U seis kaay
Aj kaayo'ob
5¿Máax le cu taal tu tojil le x tocoy lu'umo',
u chéen chicunsmaj u pool tu queléembal u aj yaabilaj?
Íichamtzil
Yáanal jun cúul manzano tin wajsaj;
te tu'ux yanchaj u ki'inamilo'ob tu síijsajiquech a maama.
te tu'ux tu síijsajecho'.
Atantzil
6Bisen bey dzalab ta pucsi'ikale'
¡Bisen bey dzalab ta kab!
Yaacunaje' ma' tu pa'abal u muuk, bey quíimile';
dzíibolaje' mina'an kéexel ti' bey mucnale'.
¡U tóoch'bal káakil yaacunaje' jun p'éel quili'ich káak!
7U ja'il tuláacal ka'anabo'obe' ma' tu páajtal u tupico'ob yaacunaji'
mix xan áalcab ja'ob.
Wa yaan máax ca u yóolt dzáa u ayikalil tu yo'olal yaacunaje'
chéen p'a'as bin u kam wale'.
Aj kaayo'ob
8U yiimo'ob c íidzine' ma'a cúuluqui'.
¿Ba'ax bíin c beet yéetel quéen talac káatbil?
9Wa tuulum lobale' je'el c beetic wal yóokole' u tiich' pako'ob yéetel plata;
wa jool naj lobale', je'el c pixic yéetel u xéet'elo'ob kuulche'e'.
Atantzil
10Tene' beyen jun p'éel tuulume',
in wiimo'obe' beyo'ob witzo'obe',
le t óolale' tu yich leti'e', dzo'oc in caxtic qui'imac óolal.
11Salomone' yaan ca'ach ti' jun p'éel u x péet paachil uva tu lu'umil Baal-hamón.
tu p'ataj u ti'al u meyajto'ob wa jay túul aj canano'ob,
p'elac u yúuchul jooche' cu kubico'ob tu jujun túulil mil u taakinil plata.
12Le mil u p'éelel taakino'obo' u ti'al ca'ach Salomón,
yéetel doscientose' u ti'al le j canano'obo';
¡Tene' quin canantic u x péet pachil in pakal uva!
Íichamtzil
13¡Cha'a' in wu'uyic a t'aan,
u x ajaw u x péet pachil nicte'ob!
¡C wéet bisajba'obe' taac u yu'ubico'ob t'aan!
Atantzil
14¡Áalcabnen, in aj yaabilaj, áalcabnen je'el bix jun túul quéeje',
bey u yaal jun túul x quéej
yóokol le pu'uco'ob chuuptaco'ob yéetel qui'iboquilo'ob!
Currently Selected:
Cantares 8: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992