MATTHAI Thuhmaihoi
Thuhmaihoi
Matthew thuthangpha songah Jesuh tu Thukham Hlun laibu songai thu a khamciahnak otu Bawipa i, ti larruai in nganhnak i. Pathian in Jesuh songin a minungte hnenah a thukham khimruai i ti lar i. Jesuh tu Judah mi songin suak ai khanghnak i, ikhalselai a Thuthangpha khiah Judah mite ca ian ilo ai, laivum pumpuhluk hrang i.
Matthew laibu tu ralring ngai in a sangsang in nganhnak i. Jesuh tehnak in a hampan ai cia hnuaah baptisma a langhnak, sualsawm a tuarhnak le a thurelhnak, a thuzirhhnak le Galilee ai miur cakruaihnak thute i. Hemi thute a ngan hnuaah Jesuh tu Jerusalem lamai khual a tlawnghnak le a nun songai zarh hnuataber thula i ai thinglamteh vumah khenhnak le a tholehhnak thulate i.
Matthew Thuthangpha in Jesuh tu zirhtu thiam ngai i ti larruai ai Pathian pehnak dan khai a relfiangthaitu i ai Pathian ukhnak thu khai zirh i, ti larruai fawn i. A thuzirhhnak hmuahhmuah heh khan nga in khan thai i.
(1) Tlang vum thuzirhhnak songah vancung Ukhnak songai a songteltute ziaza, ṭuanvo, covo le tumtek tuhhnakte rel i (A lian 5-7)
(2) Nalangte hlaihnih ai lingkulhnakte (A lian 10)
(3) Vancung Ukhnak thu santehhnakte (A lian 13)
(4) Nalangte tihnak sullam zirhhnak le (A lian 18)
(5) Tun san bohnak le a hleng tuh vancung Ukhnak thute (A lian 24-25)
A Song Umhnak Thutlangpui
Jesuh ai sentute le a tehnak (1:1—2:23)
Baptisma petu John ai naruaihhnak (3:1-12)
Jesuh Baptisma langhnak le sualsawmhnak (3:13—4:11)
Galilee ramai Jesuh naruaihhnak (4:12—18:35)
Galilee in Jerusalem tian (19:1—20:35)
Jerusalem khuasong le a hiangah (21:1—27:66)
Jesuh tholehhnak le a larhnak (28:1-20)
Currently Selected:
MATTHAI Thuhmaihoi: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.