Matayo 3
3
Ilomon ooinosua Yohana Olaibatisani
(Mk 1.1-8; Lk 3.1-18; Yhn 1.9-28)
1Ore te nena olong'i nelotu Yohana Olaibatisani elikioo ti ong'ata e Yudea, ejo, 2#Mat 4.17; Mk 1.15“Erridutu, amu etinyikua enkitoria e keper.” 3#Isa 40.3Amu ore ele, ninye eimaka oloiboni le Nkai oji Isaya pee ejo,
“Etii oltoilo obuaku ti ong'ata
Entobiraki Olaitoriani enkoitoi nalala
entorioi inkoitoi enyena.”
4 #
2 Ilai 1.8
Neishopito apa ninye Yohana enkila oo lpapit le ntames, o enkeene te mpolos enye; ore endaa enye na lmaat o naishi e ong'ata. 5Nepuo apa enetii ninye ina kata Yerusalem o Yudea pooki o lkirinen pooki lo lkeju Yordan; 6neibatisai pooki to lkejule le Yordan neirridu ing'ok enye.
7 #
Mat 12.34; 23.33 Ore pee edolu Yohana Ilfarisayo kumok o Sadukayo epuonu meibatisae nejoki ninche, “Naishoi oo lasuriaa ai ng'ae otoroja intae elanya engoro nalotu? 8Entoiu ilng'anayio ooishiaakinore enkirridunoto. 9#Yhn 8.33Nimijojo tiatua ate, ‘Kiaata iyiook Abraham aa papa lang; amu ajoki intae, keidim Enkai aishoo Abraham inkera te kulo soito. 10#Mat 7.19Neiteleikiaki taata entolu intona oo lkeek naa ore pooki shani lemeiu lng'anayio sidain, nedung'i aanang'aki enkima.’ ”
11“Kaibatisa nanu intae te nkare pee eitodolu nchere irridutua ing'ok; kake ore olaasujita, naa kegol ninye, aalang nanu, maaishiaakino hoo nanu te nanapaki inamuka enyena, naa ninye oibatisa intae te Nkiyang'et Sinyati o te nkima. 12#Eng'e 5.14,23Neeta esilet enye te nkaina enye, naa keor asip olkurroto lenye oidong'ishoreki, nesotoki enkano enye olkompe, ore isuut nepej te nkima nemearayu.”
Enkibatisa e Yesu
(Mk 1.9-11; Lk 3.21-22)
13Ore te siadi ina nelotu Yesu eing'uaa Galilaya enetii Yohana meibatisa to lkeju le Yordan. 14Neyieu Yohana neany eibatisa Yesu, nejoki, “Keishiaakino naa iyie likimbatisa nanu, paa nilotu iyie enatii?”
15Newaliki Yesu ajoki, “Tonyorrai taata iyie, amu teina eishiakino nikintabaya naayieu Enkai pooki.” Nenyorraa Yohana.
16Ore pee eidipi aaibatisa Yesu, neilepu nabo kata aing'uaa enkare; ng'ura, nebolo shumata nedol ninye Enkiyang'et Sinyati e Nkai edou anaa enturkuluo, elotu shumata ninye; 17#Enk 22.2; Olk 2.7; Isa 42.1; Mat 12.18; 17.5; Mk 1.11; Lk 9.35neningi oltoilo te shumata ejo, “Enkerai ai ena nanyor, natishipe te ninye.”
Currently Selected:
Matayo 3: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018