Matie 1
1
Jesu yaajanba, o madi leni tanpoli diema maama
1—4
Jesu yaajanba
(Luk 3.23-38)
1Jesu Kilisiti yaajanba yela togida n tie ne: Jesu Kilisiti tie Davidi bijua,#1.1 Davidi den tie Isidayeli buolu bado yua n ki pia lie. Jufinba n den guu yaa Candaano den baa yaa tie o yaa puoliŋuanu yo. ke Davidi mo tie Abalahama puoliŋuanu.
2Abalahama den mali Isaaka, Isaaka n maa Jakob, Jakob n maa Juda leni o kpeliba leni o waamu. 3Juda den taa Tamari ki mali Peretisi leni Sela, Peretisi n maa Etisilomo, Etisilomo n maa Arami, 4Arami n maa Aminadabi, Aminadabi n maa Nasoni, Nasoni n maa Salimon. 5Salimon den taa Rahabi ki mali Boasi. Boasi den taa Ruti ki mali Obedi, 6Obedi n maa Isayi, Isayi n maa o bado Davidi.
Davidi den taa Uri pua ki mali Salomon, 7Salomon n maa Roboami, Roboami n maa Abia, Abia n maa Asa, 8Asa n maa Josafati, Josafati n maa Jorami, Jorami n maa Osiasi, 9Osiasi n maa Yotam, Yotam n maa Akasi, Akasi n maa Esekiasi, 10Esekiasi n maa Manase, Manase n maa Anmoni, Anmoni n maa Josiasi, 11Josiasi n maa Jekonia leni o waamu. Li den tie Babilonni yaaba n den paadi Isidayeli yaaba yaa yogunu, ki cuo ba ki gedini ti yonbidi bi diema nni.#2Bad 24.14-15; 2Baj 36.10; Jer 27.20.
12Isidayeli yaaba yonbidi Babilonni diema nni n pendi, Jekonia den mali Salatieli, Salatieli n maa Sorobabeli, 13Sorobabeli n maa Abiyudi, Abiyudi n maa Eliakim, Eliakim n maa Asori, 14Asori n maa Sadoki, Sadoki n maa Akima, Akima n maa Eliyudi, 15Eliyudi n maa Eleasari, Eleasari n maa Matana, Matana n maa Jakob, 16Jakob n maa Josefi, Mariyama yua n den mali Jesu Kilisiti#1.16 Kilisiti: tie Gireki maama. Hebilu maama nni li tie Mesiya, U Tienu n gandi ki soani yaa Candaano. calo.
17Ki cili Abalahama ki yaa caa hali Davidi, li pia piiga n nifiiminaa. Ki cili Davidi ki yaa caa hali Babilonni cuonu mo, piiga n nifiiminaa. Ki cili Isidayeli yaaba yonbidi Babilonni diema nni ki yaa caa hali U Tienu n Gandi Yua cuama, mo tie piiga n nifiiminaa.
Jesu Kilisiti madi
(Luk 2.1-7)
18Diidi Jesu Kilisiti madi n den tua maama. O naa Mariyama n da den tie Josefi toginaa hali ke bi daa den taani leni biyaba, Mariyama den ti sua ke o punbi kelima U Tienu Fuoma Yua paalu po. #Luk 1.27. 19O togibaa Josefi yua n den tie niteginka, naa den bua ki fiagi o asala nni. Lani yaa po, o den jagi ke o baa paadi leni o ŋasiili nni. 20Wan den maliti yeni yaa yogunu, o Diedo maleki den doagidi o kani ti dangidi nni, ki yedi o: «Josefi, Davidi bijua, ŋan da jie ki taa Mariyama wan tua a pua, kelima wan punbi yaa biga, o punbi ga kelima U Tienu Fuoma Yua paalu po yo. 21O baa maa bonjaga, ŋan yini o Jesu,#1.21 Hebilu maama nni Jesu bundima tie: “U Tienu tie o Candaano.” kelima wani n baa faabi o buolu yaaba leni bi tuonbiadi.» #Luk 1.31.
22Lani kuli den tieni ki bua ki kuani o Diedo n den tuodi ki teni ke o saawalipualo pua yaa saawalo:
23«Diidi, li puowandiali baa punbi ki maa bonjaga.
Bi baa yini o Emanueli.»
Laa yeli bundima n tie “U Tienu ye leni ti.” #Esa 7.14.
24Josefi n den fundi, o den tieni o Diedo maleki n waani o yaala. O den taa o pua. 25Ama waa den taani leni o hali wan ban mali o biga. Josefi den yini o Jesu. #Luk 2.21.
Currently Selected:
Matie 1: BGP
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.