Zakarii 9
9
ISIRAYƐLI NI SYƐƐNFELEYI WOZANYA
(9:1—11:17)
Syɛɛnfeleyi yi nyɛ Isirayɛli ye taana lè yoro kútiiw ní yi syɔɔli
1 #
Eza 17:1-3; Zyer 49:23-27; Am 1:3-5 #Eza 23:1-18; Ezek 26:1—28:26; Zyow 4:4-8; Am 1:9-10; Mat 11:21-22; Luk 10:12-14Joogbanna, Yawe syɛ́ɛnri Hadiraki tári kéele na.
Ti n baa kòro Damasi na,
níì cán Yawe má syɔɔn ye nyɛ,
àmɛɛ Isirayɛli syɛɛnfeleyi myɛ nyɛ lè.
2Ti n wɔ́ɔ̀ kòro Hamati na,
wi lè Damasi láʔagologi na,
ní Tiiri, ní Siidɔn na,
yi ní yi sícilimi myɛ ní.
3Tíiri n kènirige faan wiyɛɛ
kéeli na.
Wi n wálifiiw fàari n kpóʔoro
àmɛɛ támiige nyɛ lè,
níì tɛ́ɛw kpóʔoro àmɛɛ kàlari-kóloyi fáriga nyɛ lè.
4Wéle, Kàfɔw a gi nɛnɛ syɔɔ,
wi a wi fǎngi wáa sólomi lɔ̀ʔɔ ni,
náagi a gi lìi.
5 #
Eza 14:29-31; Zyer 47:1-7; Ezek 25:15-17; Zyow 4:4-8; Am 1:6-8; Sof 2:4-7 Asikalɔn a gee bee nyaa, fyáara si wi cò.
Gaza a wɔ́ɔ gi nyaa, sáā cɛ̀lɛ́ gbanʔama,
ní Ekurɔn wɔ́ɔgēle,
níì cán wi sɔ̀ngumi tɛɛtaʔaga a fɛ̀ɛrɛ wáa wi na.
Fànʔafɔlɔ a ní pye Gaza ni í.
Syɔɔn faala a ní pye Asikalɔn ni í.
6Syɛɛnfele-nyáʔamiga a tɛ́ɛn Asidɔdi ni,
mii a Filisitini ye nɛ̀ɛnyɛnɛgi yáriga kwɔ́ɔ yirige yaà.
7Mii a sìsyaanw láʔa wi nyɔ́ɔgi na
bi wi kapeekpoloyi yirige wi gǎngèle lariga ni.
Woro a wɔ́ɔ kòro wolo Kolocɔlɔw wóo.
Wi a pye àmɛɛ kùndigi nyɛ lè Zyuda ni,
Ekurɔn a pye àmɛɛ Yebusi ye nyɛ lè.
8Mii a tɛ́ɛn bi mii kpáagi màʔa jàngó kapɛɛnkpumɔnbéle a kɔ́ nan gi na í,
bi gi syɔɔ wee má wi sɔ̀lɔ́ ni
syée lè,
ní wee má wi lúru ni maa lè,
syɔɔn faala a ní pan ba fǎngi gbàn mii syɛ́ɛnbèle na í.
Níì cán tɔ́ɔliw ni mii nyɛ́nɛ i be na.
Fànʔafɔw wi a ba yɛɛ̀nyingi kaan lè
9 #
Mat 21:5; Zyan 12:15 Siyɔn calipili, da yegi fundaanri báriga ni!
Da fundaanra yákpolo wáa, Zyerusalɛmi calipili!
Mɔ fanʔafɔw wéle wee, wi i maa mɔ ma.
Wi n sín, ní i nyɛ fàndaaɔ,
wi n wiyɛɛ jɛ́rɛ, níì lúgu jòfani na,
jòfanipile na, jòfanicaa pyà na.
10 #
Ŋún 72:8
Mii a kapɛɛnkpumɔn-wòtorobèle kwɔ́ɔ yirige
Efirayimi ni,
bi syɔ́ɔnyi kwɔ́ɔ yirige Zyerusalɛmi ni.
Kapɛɛnkpumɔn-sedeyi a kwɔ́ɔ yiri yaà.
Wi a yɛɛ̀nyinge kéele joo syɛɛnfeleyi ma,
wi kùndigiri a séli solomɔ lógaa na bàā syée kàa ma,
ti a séli Ufurati cábigi na bi sa nan tári láʔagéle na.
Kàsolebèle yaʔala kéele
11 #
Yir 24:8
Mɔ si na, mɔ joogaanni sìsyaan kéele na,
mii n mɔ kasolebèle yirige weecurugi ni,
ki lè lɔ̀ʔɔ fun.
12Ye lúru yaa syée kènirigi ma, kàsolebèle,
yele bele má sɔ̀ngumɔ tɛɛtaʔaga nyɛ lè saʔa!
Mii ní i gi nyuu níjanʔa
níì jo mii a gi tɛɛyɛ siin lúrugo
mɔ ma.
13Níì cán mii i mii sedegi pwoo, koro gi nyɛ Zyuda,
mii i Efirayimi kpéʔele ki ŋaaŋɔɔnyi,
ee Siyɔn, mii a mɔ jáabèle sɔ́ɔn wáa Yavan pìíbèle na!
Mii a mɔ kpéʔele àmɛɛ kapɛɛnkpumɔn-nànnirio ŋɔsée nyɛ lè.
14Yawe a wiyɛɛ dɛ̀ɛn pe ǹjogi ni,
wi wɛ̀ɛ́li a kári àmɛɛ nyɛ̀ʔɛni nyɛ́ʔɛnɛmɛ nyɛ lè.
Kàfɔw Yawe a búruw wìi,
wi a pan wòrogulo kàbangi káfalakpɔʔɔ ni.
15Yawe wi lè Nyɛ̀ʔɛni Sùlasiibéle Kafɔlɔ wi a ra be kpáaw wéle.
Pe a ra káa, pe a ra kàvɔrɔdɛnɛyi tɔ́nʔɔnɔ.
Pe a ra gbo, pe a ra tugu da yìrigí àmɛɛ dùvɛɛn nyɛ lè,
pe a nyìn àmɛɛ yalele nyɛ lè,
ní àmɛɛ sáriga-wòlo-yafaangi jɛ̀ɛ́ngéle nyɛ lè.
16Yawe be Kolocɔlɔw a be syɔɔ cángi bee na
àmɛɛ bàala nyɛ pe lè wi syɛ́ɛnbèle.
Níì cán pe i nyɛ fànʔafɔ-nyùndɔnnɔ kadɛɛngèlē,
gele ge daragi wi tásaligi na lè.
17Ki a tɔ̀nɔ́ pye kataanna!
Ki a tɔ̀nɔ́ nyɔɔ!
Bilew a ra fànʔa kaangi nìgɔcaripiigèle ma,
duvɛɛnfɔnw sáā fànʔa kaangi pìcaapiigèle ma.
Currently Selected:
Zakarii 9: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zakarii 9
9
ISIRAYƐLI NI SYƐƐNFELEYI WOZANYA
(9:1—11:17)
Syɛɛnfeleyi yi nyɛ Isirayɛli ye taana lè yoro kútiiw ní yi syɔɔli
1 #
Eza 17:1-3; Zyer 49:23-27; Am 1:3-5 #Eza 23:1-18; Ezek 26:1—28:26; Zyow 4:4-8; Am 1:9-10; Mat 11:21-22; Luk 10:12-14Joogbanna, Yawe syɛ́ɛnri Hadiraki tári kéele na.
Ti n baa kòro Damasi na,
níì cán Yawe má syɔɔn ye nyɛ,
àmɛɛ Isirayɛli syɛɛnfeleyi myɛ nyɛ lè.
2Ti n wɔ́ɔ̀ kòro Hamati na,
wi lè Damasi láʔagologi na,
ní Tiiri, ní Siidɔn na,
yi ní yi sícilimi myɛ ní.
3Tíiri n kènirige faan wiyɛɛ
kéeli na.
Wi n wálifiiw fàari n kpóʔoro
àmɛɛ támiige nyɛ lè,
níì tɛ́ɛw kpóʔoro àmɛɛ kàlari-kóloyi fáriga nyɛ lè.
4Wéle, Kàfɔw a gi nɛnɛ syɔɔ,
wi a wi fǎngi wáa sólomi lɔ̀ʔɔ ni,
náagi a gi lìi.
5 #
Eza 14:29-31; Zyer 47:1-7; Ezek 25:15-17; Zyow 4:4-8; Am 1:6-8; Sof 2:4-7 Asikalɔn a gee bee nyaa, fyáara si wi cò.
Gaza a wɔ́ɔ gi nyaa, sáā cɛ̀lɛ́ gbanʔama,
ní Ekurɔn wɔ́ɔgēle,
níì cán wi sɔ̀ngumi tɛɛtaʔaga a fɛ̀ɛrɛ wáa wi na.
Fànʔafɔlɔ a ní pye Gaza ni í.
Syɔɔn faala a ní pye Asikalɔn ni í.
6Syɛɛnfele-nyáʔamiga a tɛ́ɛn Asidɔdi ni,
mii a Filisitini ye nɛ̀ɛnyɛnɛgi yáriga kwɔ́ɔ yirige yaà.
7Mii a sìsyaanw láʔa wi nyɔ́ɔgi na
bi wi kapeekpoloyi yirige wi gǎngèle lariga ni.
Woro a wɔ́ɔ kòro wolo Kolocɔlɔw wóo.
Wi a pye àmɛɛ kùndigi nyɛ lè Zyuda ni,
Ekurɔn a pye àmɛɛ Yebusi ye nyɛ lè.
8Mii a tɛ́ɛn bi mii kpáagi màʔa jàngó kapɛɛnkpumɔnbéle a kɔ́ nan gi na í,
bi gi syɔɔ wee má wi sɔ̀lɔ́ ni
syée lè,
ní wee má wi lúru ni maa lè,
syɔɔn faala a ní pan ba fǎngi gbàn mii syɛ́ɛnbèle na í.
Níì cán tɔ́ɔliw ni mii nyɛ́nɛ i be na.
Fànʔafɔw wi a ba yɛɛ̀nyingi kaan lè
9 #
Mat 21:5; Zyan 12:15 Siyɔn calipili, da yegi fundaanri báriga ni!
Da fundaanra yákpolo wáa, Zyerusalɛmi calipili!
Mɔ fanʔafɔw wéle wee, wi i maa mɔ ma.
Wi n sín, ní i nyɛ fàndaaɔ,
wi n wiyɛɛ jɛ́rɛ, níì lúgu jòfani na,
jòfanipile na, jòfanicaa pyà na.
10 #
Ŋún 72:8
Mii a kapɛɛnkpumɔn-wòtorobèle kwɔ́ɔ yirige
Efirayimi ni,
bi syɔ́ɔnyi kwɔ́ɔ yirige Zyerusalɛmi ni.
Kapɛɛnkpumɔn-sedeyi a kwɔ́ɔ yiri yaà.
Wi a yɛɛ̀nyinge kéele joo syɛɛnfeleyi ma,
wi kùndigiri a séli solomɔ lógaa na bàā syée kàa ma,
ti a séli Ufurati cábigi na bi sa nan tári láʔagéle na.
Kàsolebèle yaʔala kéele
11 #
Yir 24:8
Mɔ si na, mɔ joogaanni sìsyaan kéele na,
mii n mɔ kasolebèle yirige weecurugi ni,
ki lè lɔ̀ʔɔ fun.
12Ye lúru yaa syée kènirigi ma, kàsolebèle,
yele bele má sɔ̀ngumɔ tɛɛtaʔaga nyɛ lè saʔa!
Mii ní i gi nyuu níjanʔa
níì jo mii a gi tɛɛyɛ siin lúrugo
mɔ ma.
13Níì cán mii i mii sedegi pwoo, koro gi nyɛ Zyuda,
mii i Efirayimi kpéʔele ki ŋaaŋɔɔnyi,
ee Siyɔn, mii a mɔ jáabèle sɔ́ɔn wáa Yavan pìíbèle na!
Mii a mɔ kpéʔele àmɛɛ kapɛɛnkpumɔn-nànnirio ŋɔsée nyɛ lè.
14Yawe a wiyɛɛ dɛ̀ɛn pe ǹjogi ni,
wi wɛ̀ɛ́li a kári àmɛɛ nyɛ̀ʔɛni nyɛ́ʔɛnɛmɛ nyɛ lè.
Kàfɔw Yawe a búruw wìi,
wi a pan wòrogulo kàbangi káfalakpɔʔɔ ni.
15Yawe wi lè Nyɛ̀ʔɛni Sùlasiibéle Kafɔlɔ wi a ra be kpáaw wéle.
Pe a ra káa, pe a ra kàvɔrɔdɛnɛyi tɔ́nʔɔnɔ.
Pe a ra gbo, pe a ra tugu da yìrigí àmɛɛ dùvɛɛn nyɛ lè,
pe a nyìn àmɛɛ yalele nyɛ lè,
ní àmɛɛ sáriga-wòlo-yafaangi jɛ̀ɛ́ngéle nyɛ lè.
16Yawe be Kolocɔlɔw a be syɔɔ cángi bee na
àmɛɛ bàala nyɛ pe lè wi syɛ́ɛnbèle.
Níì cán pe i nyɛ fànʔafɔ-nyùndɔnnɔ kadɛɛngèlē,
gele ge daragi wi tásaligi na lè.
17Ki a tɔ̀nɔ́ pye kataanna!
Ki a tɔ̀nɔ́ nyɔɔ!
Bilew a ra fànʔa kaangi nìgɔcaripiigèle ma,
duvɛɛnfɔnw sáā fànʔa kaangi pìcaapiigèle ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.