Sélimɛ 10
10
Tári syɛɛnfeleye kéele
1 #
1Cán 1:4-27; Sél 11:10-32 Lònɛʔɛgi sɔ̀lɔlɔ kàdoʔo ma, Nowe jáabèle be lè Sɛmi, ní Kami, ní Zyafɛti, a poro nànbiigéle see. Nowe jáabèle bee yòdaʔaya yi nyɛ yee naa:
2Zyafɛti jáabèle be nyɛ Gomɛɛri, ní Magɔgi, ní Madayi, ní Yavan, ní Tubali, ní Mesyɛki, ní Tiirasi. 3Gomɛɛri jáabèle si be nyɛ Asyikenazi, ní Irifati, ní Togarima. 4Yavan jáabèle si i nyɛ Elisya, ní Tarisiisi, ní Kitiimi, ní Dodanimi#10:4 Dodanimi: Pe wɔ́ɔ i mɛ́ɛgi bee yiri Worodanimi, syɛɛnnijanw si wii (1Cán 1:7).. 5Poro ni syɛ̀ɛnnɛ yiri n tɛ́ɛn syɛɛnfeleyi lòyo nínge tátɛɛgéle ni, be tátɛɛyi ni n yɛlɛ ní be syɛɛnfeleri, ní be túluyi, ní be syɛɛnfeleyi ni.
6Kami jáabèle be nyɛ Kusyi, ní Misirayimi, ní Puti, ní Kanaan. 7Kusyi jáabèle si i nyɛ Seba, ní Havila, ní Sabita, ní Arayema, ní Sabiteka. Arayema jáabèle si i nyɛ Saba, ní Dedan. 8Kusyi wi Nimurɔdi see. Nimurɔdi si wi fǎngi séli ni kpéʔele tári na. 9Wi maa pye tòzoo-sànbali Yawe yɛ́ʔɛ ma. Koro na pe gi nyuu níì jo: «Amɛɛ Nimurɔdi da pye lè tòzoo-sànbali Yawe yɛ́ʔɛ ma.» 10Wi fǎngi sélimɛ keye yi pye Babɛli#10:10 Babɛli: Mɔ ga lóʔo Babɛli, Babilɔni wonijanw be yiri nya., ní Erɛki, ní Akadi, ní Kaline, Syineyari tári ni. 11Wi yiri tári bee ni lè a wi kári Asuuri ma, ní sáà Niniivi ye faan, n fàra Erehobɔti-Iri, ní Kala na, 12ní wɔ́ɔ̀ Eresɛn faan, kèkpɔɔgi gi lè Niniivi ní Kala níngi ni.
13Misirayimi wi nyɛ Ludi ye, ní Anami ye, ní Leyabi ye, ní Nafitu ye syɛɛnfeleyi tóolɛʔɛ, 14n fàra Paturɔsi ye, ní Kasilu ye, ní Kafitɔri ye na, poro bele ni Filisitini ye syɛ́ɛnbèle yiri lè.
15Kanaan wi Siidɔn see, woro wi pye wi pìilɛɛw, ní wɔ́ɔ̀ Hɛti see, 16ní Yebusi ye, ní Amɔri ye, ní Giirigasi ye, 17n fàra Hɛvi ye, ní Ariki ye, ní Sinii ye, 18ní Arivadi ye, ní Semari ye, ní Hamati ye na. Koro kàdoʔo ma Kanaan túlugi wòolo cariga. 19Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na. 20Poro be nyɛ Kami jáabèle, n yɛlɛ ní be túluyi, ní be syɛɛnfeleri ní, be tátɛɛyi, ní be syɛɛnfeleyi ni.
21Zyafɛti yɛʔɛfɔw Sɛmi maa wɔ́ɔ̀ nànbiigéle see. Woro wi nyɛ Hebɛɛri yòdaʔayi myɛ tóolɛʔɛ. 22Sɛmi jáabèle mɛ́ɛyɛ yi nyɛ Elami, ní Asuuri, ní Aripakisyadi, ní Ludi, ní Arami. 23Arami jáabèle si i nyɛ Usi, ní Huli, ní Getɛɛri, ní Masyi. 24Aripakisyadi wi Syela see, á Syela Hebɛɛri see. 25A Hebɛɛri nànbiigéle siin see, pe maa ni wozeliw yiri Pelegi#10:25 Pelegi: Pelegi mɛ́ɛgi kɔ́rɔ wi nyɛ tílala., níì cán woro lǎli ni tári tíla, ní i wi senyɛnw yiri Yokitan. 26A Yokitan Alimodadi see, ní wɔ́ɔ̀ Syelɛfi, ní Hasarimavɛti, ní Yera see, 27n fàra Hadorami, ní Uzali, ní Dikila, 28ní Obali, ní Abimayɛli, ní Saba, 29ní Ofiiri, ní Havila, ní Yobabi na. Bele bee myɛ n pye Yokitan jàala. 30Pe tɛɛ̀tɛ́ɛnni li pye nlaa yaà Mesya na, Sefari kàbangi na fwɔɔ n sáà nan canʔafolomɔ nyanbeleyi na. 31Poro be nyɛ Sɛmi jáabèle n yɛlɛ ní be túluyi, ní be syɛɛnfeleri, ní be tátɛɛyi, ní be syɛɛnfeleyi ní.
32Yee bee si yi pye Nowe jáabèle túluyo woolo n yɛlɛ ní be yòdaʔayi, ní be syɛɛnfeleyi ní. Poro ni syɛɛnfeleyi yiri n cariga n màʔa lònɛʔɛgi sɔ̀lɔlɔ kàdoʔo ma.
Currently Selected:
Sélimɛ 10: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.