Mateo̱ 1
1
Xu̱ta̱ xi tje̱ꞌe̱ kumá Jesuu̱
(Lk 3.23-38)
1Kui xu̱ju̱n sindutꞌa ngieje jínꞌen xu̱ta̱ xi tje̱ꞌe̱ Jesuu̱ kumá, xi kisꞌema nga̱sunde nga kjie tjukjaji kuí, xi tje̱ꞌe̱ Ndabi ku tje̱ꞌe̱ Abran kumá:
2Janda Abran ku janda Ndabi jaꞌa ngieje kui xu̱ta̱:
Abran,
Isa,
Jako,
Juda̱ kju̱ ngieje ja tsꞌe̱,
3Fare̱ ku Sera̱ (na kumáre xi ꞌmí Tama),
Eron,
Aran,
4Aminada,
Nason,
Salmon,
5Bo (Na kumáre Raa),
Obe (Ru̱ kumá naꞌe̱n),
Isai,
6Xu̱ta̱xá Ndabi.
Janda Ndabi ku janda nga tsangijuꞌñu xu̱ta̱ judío̱ nga kitsiꞌin xi chja̱ Babiloni̱a̱, kui jínꞌen xu̱ta̱ xi kumá tje̱ꞌe̱ Jesuu̱:
Ndabi,
Salomo (chjunꞌen Uría̱ kumáma naꞌe̱n)
7Roboa̱n,
Abia̱,
Asa,
8Josafa
Jora̱n,
Osia̱,
9Jotan
Aka,
Esekia̱
10Manase
Amon,
Josia̱,
11Juakin ku jatsꞌe.
12Janda kui ni̱tjin nga tsangijuꞌñu Babiloni̱a̱ xu̱ta̱ judío̱ ku janda nga kitjukja Jesuu̱, kui xu̱ta̱ xi xikjin kumá:
Juakin,
Salatie̱,
Sorobabe,
13Abiu,
Eliakin,
Aso,
14Sado,
Akin,
Eliu,
15Eleasa,
Matan,
Jako,
16Kuse, xꞌinꞌe̱n Maria̱, naꞌe̱n Jesuu̱, xi jajin Namiña Diuu̱ nga ꞌBatsjengiña.
17Janda Abran ku janda Ndabi teñujún tje̱ jaꞌa. Janda Ndabi ku janda nga tsangijuꞌñu xu̱ta̱ judío̱ jma ꞌmí Babiloni̱a̱ tekuácha teñujún tje̱ jaꞌa, ku ngi teñujún jaꞌa janda kui ni̱tjin ku janda nga kitsin xi jajin Namiña Diuu̱ nga ꞌBatsjengiña.
Nga kitsin Jesuu̱
(Lk 2.1-7)
18-20Ku̱i̱cha kumá nga kitsín Jesuu̱, xi jajin Namiña Diuu̱ nga ꞌBatsjengiña: naꞌe̱n xi ꞌmi Maria̱, je kitjianchꞌaore̱ Kuse nga bixantsjaju. Ta̱nga tekjié nga jña ꞌbendu, tsejen kisꞌe nga kjindi tsaꞌa. Xu̱ta̱ ndá xu̱ta̱ Kuse ku tꞌeꞌénre kju̱a̱kixiꞌe̱ Namiña Diuu̱. Ta̱nga mejínre nga ngixku̱n na̱xi̱nanda itejené Maria̱, kui nga najmí xi tsitꞌe nga kitsikjiere̱ kju̱a̱.
Kꞌi̱a̱ma nga tjitsikjao Kuse ngieje kui najmi, ngu xi tsixatꞌare Namiña Diuu̱ tsꞌachi̱nire̱ xi ku̱i̱cha kitsúre̱: «Kuse, nga tu̱ tkinjín nga bixantsjaji Maria̱. Ngayaꞌa̱sen xi Tjse xi ku̱a̱cha kitsiꞌin nga kjindi tsaꞌa. 21Nga tjukja kjindi Jesuu̱ tikꞌín. Kuí xi kꞌu̱a̱tsjengi na̱xi̱nanda nga nijére nga̱tꞌaꞌe jee xi inchatsiꞌin.»
22-25Nga jaꞌáre Kuse, tsitꞌeꞌénre xi tsixatꞌare Namiña Diuu̱ ku ixantsaju̱ Maria̱. Ta̱nga jña kisꞌendufejí, xi mejénre tsú nga kiskingajunjín Kuse, ngieje ni̱tjin janda nga kitjukja kjindi. Ku nga kitjukja kjindi, Jesuu̱ ꞌyetꞌajínre Kuse.
Ngieje kui najmi kumá, tuxi itjusún enꞌen Namiña Diuu̱ xukúcha tsú én xi kitsingiyaju Isaia̱:
«¡Nuꞌyájnu ngu kju̱a̱ndá!
Ngu chjun xungu xi tsje ngisa
kjindi kuaꞌa,
ku kjindi kꞌuere.
Ku kui kjindi
Emanue̱ tsubáre nga nikꞌin.»
Ku kui jín ku̱i̱cha mejénre tsú «Namiña Diuu̱ kjitjianju̱nña kꞌui.»
Currently Selected:
Mateo̱ 1: MZI
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO