Luka 3
3
Matanantyo a mwa Yohana Mubadisi
(Mat 3:1-12; Mrk 1:1-8; Yoh 1:19-28)
1Mwakha wa ikumi na gatano wa utemi wa mwa Tiberia Kaisari, Pontio Pilato arë müküü wa u Yahudi. Herode arë mutëmi wa uGalilaya, na Filipo muuna wakwe arë mutemi wa uIturea na Trakoniti, na Lisania arë mwibali wa Abilene. 2Ikhondo ramwa Lisania arë mutëmi wa Abilene, ikhondo ra mwa mukumbëki në müküü Anasi na Kayafa, ukhani wa Muungu ukamujëa Yohana mwana wamwa Sakaria kuuko gihaka, 3na agaenda ung'ë oong'e a u Yorodani, utanantya ubadiso wa ufei wa iheywa ra mahutye. 4Na mwino munyagëdaghu wandëkie Isaya.
“Ruri wa muntu në ugurëa ihaka,
Ghondanëyi njëa a Müküü,
ghori vekëëro vyakwe,
5mu ikhombogho rëtuhiwe,
na gëtanto na gaagëtanto vifanantwe,
na kunë gwibëdie guughorwe,
na njëa nëina madandi ëtendwe ëtende ëcheera,
6na anya mëërë voong'e vinjë uvoona utyoi wa Muungu.”
7Na gwa uvii mweeso agaukhanëa mwirundo wa antu narë vaja vabadiswe na, “Nyee në mwë mwino njoka! Anyu në wamuhinëe nyee mutëje ikuo nërëjie? 8Fii nkharë nëikhwete na ufei, na mutaandie nyee aghonjo, uhanya, ‘Sese gwina tata witu Ibrahimu.’ Ngumukhanëa nyee Muungu udahite ufuma umagwe ayai uhumbua vana kunë Ibrahimu. 9Mbesa itungwee gëhendo gaikiwe umatina a mëëtë, mumutë nëutiufaa nkhari në njija ugutemwa na ughumëwa u moto.”
10Na mwirundo ugaamuwëëya, “Uvii sese gutende urë?” 11Na mweeso agavasucha, “Wasuu në ukweti makoti avëë, amwaghanie wasuu në atikweti, na wasuu nëukweti malëwa atende viuyi viuyi.” 12Akhua kotinoo#3:12 Akhua kooti: Antu nëvëuhangwëëya kooti nëinankëe nëitiraghëëywe na sirikali. Vëutenda wuu gusoko vedahe uhanga mësahara awe. vëgaja vëbadiswe, na vëgamukhanëa, “Musëyi na see gutende urë?” 13Na mweeso agavakhanëa, “Mutahangwëëye utambukëa mwino nyee mwaraghëëywe.” 14Asikai#3:14 Asikai: Aghoji va antu mung'e namba antu nëvëgwendaa ufëta gihoma. noo vëgamuwëëya, “Na seenoo gutende urë?” Na mweeso agavakhanëa, “Mutaamuheeye muntu mpa umwe gwa nguu nampa umusitaka gwa uregheghe, muyanje mësahara anyu.”
15Na antu voong'e arë vaindie na voong'e arë vëgiwëëya unkho yao sayu amwa Yohana, fangëja mweeso arë Kristo. 16Yohana agavasucha voong'e, “Nene ngumubadisa nyenye gwa majë, ëgweeso wasuu në müküü ukëa nene ujie unyuma anë. Nene ntinoneye unyonyoa mëkhua a maatu akwe#3:16 Unyonyoa mëkhua a mantu akwe: Uruu na mwëmo nënaa ugutendwa na atughwa. Mweeso ujie umubadisa nyee gwa Mwahu Mweru na gwa moto#3:16 Gwa Mwahu Mweru na gwa moto: Antu vangëja vëjieubadiswa gwa Mwahu Mweru, na antu vangëja vejie ufësiwa moto. 17Nampa ifenenteo rëumëkhono, akwe na mweeso ugufyaghua, gëhawa gakwe ija, na iyo uguihangweeya ukiu gakwe na mafafee ugurëghwa moto në utiurimaa.” 18Uvii itambërëmwedu na uvafa maonyo#3:18 Maonyo: Masëyo a umughondaneya muntu nëuhutiye. maingë mweeso agatanantya sayu në njija gwa antu. 19Ëgweeso Yohana agamukenea mutemi, Herode gusoko wamuroghoe Herodia mukhema, wa muunakwe na gusoko a mantu maingë në mavë në Herode waatendie. 20Gongeeya ërëë gunto a oong'e, Herode agamuutëa Yohana ujëra.
Ubadiso wamwa Yesu
(Mat 3:13-17; Mrk 1:9-11)
21Itungwee narë voong'e vabadiswa, na Yesu noo në arë wabadiswa, 22na uguromba, irunde rëgarughuuka, na Mwahu Mweru agamusimia mweeso gwa ikeru, ra mwëërë gënyankuwi, na ruri ugafuma girunde, “Veve wë Mwana në muyajwi, na unë nene nëyanjisiwe na vee.”
Mwaango wamwa Yesu
(Mat 1:1-17)
23Yesu narë waandya mwëmo wakwe arë wina mëakha makumi a tatu. (antu vëgaghema) arë mwana wamwa Yosefu mwana wamwa Heli, 24mwana wa mwa Mathati, mwana wamwa Lawi, mwana wa mwa Meliki, mwana wamwa Yonai, mwana wamwa Yosefu, 25mwana wamwa Matatia, mwana mwa Amosi, mwana wa mwa Nahumu, mwana wa mwa Hesili, mwana wamwa Nagai, 26narë mwana wamwa Maathi, mwana wamwa Matathia, mwana wamwa Shemeni, mwana wa Yoseki, mwana wamwa Yuda, 27mwana wamwa Yoana, mwana wamwa Resa, mwana wamwa Serubabeli, 28Mwana wamwa Meliki, mwana wamwa Adi, mwana wa mwa Kosamu, mwana wamwa Elimodamu, mwana wa mwa Evi, 29mwana wa Yosua, mwana wamwa Eliazeri, mwana wamwa Yorimu, mwana wamwa Mathati, mwana wamwa Lawi, 30narë mwana wamwa Simioni mwana wamwa Yuda, mwana wa Yosefu, 31narë mwana wamwa Melea, mwana wamwa Mena, mwana wamwa Matatha, mwana wamwa Natani, mwana wamwa Daudi, 32mwana wamwa Yese, mwana wamwa Obedi, mwana wa Boazi mwana wamwa Sala mwana wamwa Nashoni, 33mwana wamwa Aminadabu, mwana wamwa Adimini, mwana wamwa Arni, mwana wamwa Hesironi, mwana wamwa Faresi mwana wamwa Yuda, 34mwana wamwa Yakobo, mwana wamwa Isaki mwana wamwa Ibirahimu, mwana wamwa Tera, mwana wamwa Nahori, 35mwana wamwa Serugi, mwana wamwa Reu, mwana wamwa Pelegi, mwana wamwa Eberi, mwana wamwa Sheli, 36mwana wamwa Kainani, mwana wamwa Arifokisadi, mwana wamwa Shemu, wamwa Noa, mwana wamwa Lameki, 37mwana wamwa Metusela, mwana wamwa Enoki, mwana wamwa Yaredi, mwana wamwa Mahalaleli, mwana wamwa Kainani, 38mwana wamwa Enosi mwana wamwa Seti, mwana wamwa Adamu mwana wamwa Muungu.
Currently Selected:
Luka 3: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.