Nte 1
1
1Muyajwi wane müküü Teofilo, mu gëtabu ga mwandyo naandëkie mantu oong'e në Yesu wayatendie na usëya, 2faka itiku në mweeso arë wahowa uenda girunde. Narë wahowa uenda girunde mweeso agavaraghëëya ukëërëa Mwahu Mweru gwa atumami në mweeso wavahwaniye. 3Nënaa makhasëko akëa, gwa matiku makumi ane agagiraghëëra daaji mëhënjo mingë gwa asëywi vakwe mwino chuu mweeso mufanga. Agavakhanëa sayu a utemi wa Muungu. 4Itungo nënaa këë wë itambëëmwe inawe agavaraghëëya atumami vakwe gwa nguu, gwa nkhani chiyi: “Mutaheghe uYerusalemu ëgweeso mwindëe iraghano ramwa Tata në nee namukhanëe nyee. 5Gusoko Yohana wavabadisiye antu gwa majë ëgweeso gwa matiku makei nëëjie mujie ubadiswa na Mwahu Mweru.”
Yesu Uguhorwa Gunto Girunde
6Uvii itungo në arë atumami vataana itambëëmwe ina Yesu, veeso vëgamuwëëya, “Müküü, itungo ërëi unë waja uvasuchëya va Isiraeli utemina?” 7Yesu agavasucha, “Muungu inamurekea nyee mumanye matungo nanë inyinga, në Tata wane gutufu nëuguramwua në matungo kë në mantu ayaa ajie udwëëra. 8Ëgweeso nyenye muhanga nguu itungo në Mwahu Mweru wamusimëa gunto anyu; na mutendeka vamasudanga vane uYerusalemu, nanë u ng'ë oong'e a uYudea nanë uSamaria nanë u mpeo a ng'ë.” 9Nënaa wadaha urighëëtya ukhani uruu asëywi naavëmuraavie, Muungu agamutenda ahowe gunto girunde, irunde rëgamufiha usonge a miho awe. 10Naarë veeso vakhamëchiye miho unto girunde mwino mweeso arë ugwenda winjë, raava, antu vavëë naarë vayaëte masaa në meru vëgaëmëka fifë inao. 11Vëgahanya, “Antu va uGalilaya asikë në mwemëkie muraavie unto girunde? Yesu uyi nëwahowa gunto ufuma kunë nyee, ujie viuyi viuyi mwino mwamuune mweeso winjë gunto girunde.”
Matiasi wahwaniwa Ahore Ikhondo ramwa Yuda
12Vëgasuka uYerusalemu ufuma u gëtanto ga mëtë a meseituni unë fifë na uYerusalemu, urifu wa kilomita ëmwe ufuma umujini. 13Narë vafika umujini vëgaingëa u nyumba na vëganatëa u chumba#1:13 Chumba: Ganyumba ganyughuu nëgëmukhatëkhatë a nyumba a gunto. ga gunto. Kuuko arë vërë va Fetero; Yohana, Yakobo, Anderea, Filifo nanë Tomaso, Batolomayo nanë Matayo, Yakobo mwana wamwa Alifayo, nanë Simoni Selote nanë Yuda mwana amwa Yakobo. 14Avai voong'e, gwa nkhoo ëmwedu arë vëgihangwëye itambëëmwe vëuromba itambëëmwe na akhema nanë Mariamu nyinya amwa Yesu nanë aruna vamwa Yesu.
15Matiku makei narë akëa (arë gwina mwirundo wa ahuvëi fifë antu ighana na makumi avëë,) na Fetero agaëmëka mukhatë awe na agahanya, 16“Aruna ane, arë inoneye Maandëko në Meru akhondekeke, në Mwahu Mweru, gwa nkhani yamwa Daudi nëwaraghue mbee sayu amwa Yuda nëagaatongeera vasaa nëvëgamukwata Yesu. 17Gusoko naarë wahwaniywe atende mwëmo itambëëmwe nasee, na arë wë mwiburi ritu.” 18(Muntu uyuu agaghura mughunda gwa hela nëagayihanga gwa ntendo akwe në mbë. Agagwa na agagihomeya agatamuka nda mala ëgahunuka unji. 19Antu voong'e va uYerusalemu vëgamanya sayu ëyëë, na gwa ndëghëtya ao vëgawëtaana mughunda wasuu “Akelidama,” ryana rayo “Mughunda fana saghami ahunukie.”) 20Gusoko ëandëkiwe mu gëtabu ga Saburi, “Nyumba akwe ësaghe ikumuu, ‘Muntu mba umwedu atagikhae mung'ë ayo, na, Mwëmo wakwe uhowe na muntu ungëja.’ 21Uvii umwedu wa aghosya në arë wëitambëëmwe nasee itungo narë Müküü Yesu ugwenenda itambëëmwe nasee, 22ufuma ubadiso wamwa Yohana faka, itiku në Yesu agahowa ufuma kunë sese. Umwe wa aghosya inoneye atendeke wëitambëëmwe nasee na masudanga wa ufëtyo wa Müküü Yesu.”
23Na vëgahwania mina a aghosya vavëë Yosefu nënaa wina mina avëë, Barisaba na rina ra ikuta Yusito Matiasi. 24Vëgaromba vëgahanya, “Müküü, veve umanyie nkhoo ya antu voong'e. Na uvii, Müküü guraghëëre nëwafe gwa avaa në vavëë nëwamuhwania 25ahore mwëmo na utumami në Yuda waurekie agaenda kunë winjë.” 26Uvii vëgavakhuëra kura, kura ëgamugwëa Matiasi, na agaongeeywa mu vasaa nënaa vikumi na umwe.
Currently Selected:
Nte 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.