1 Yohana 1
1
Ukhani Nëugufunya Ufanga
1Sese gumwandëkëa nyenye nëëghokee Ukhani, në ugwetaa ufanga. Ukhani uruu arë urëfo ufuma mwandyo wa utanantya Sayu Njija. Sese gwawutegheeye, sese aghonjo gwawughune, na miho itu endie uwurarava. Sese gwendie uwukwatanga gwa mëkhono itu. 2Ukhani uruu nëugwetaa ufanga wa khae na khae, waraghëërwe, na sese gwawughunë na sese gwawusudangëe na uwutanantya kunë nyenye. Ukhani uruu arë wëitambëëmwe na Tata na mweeso agawuraghëëra kunë sese. 3Ukhani uruu sese gwawughune na gwawutegheeye na sese guwutanantya noo kunë nyenye, gusoko nyenye mudahe uhanga ukhuvëi itambëëmwe na sese. Ukhuvëi witu wëitambëëmwe na Tata nanë itambëëmwe na Mwana wakwe Yesu Kiristo. 4Na sese gumwandëkëa nyenye ërëë gusoko uyanjo witu udahe utenda ukhondekie.
Muungu unë Weru
5Ëyëë në sayu në sese gwamëtegheeye mweeso ugurighiitya, na sese gumëtanantya kunë nyenye mwino Muungu unë weru na mukhatë akwe gutie kiti mbanduvë. 6Nësa sese guhanya gukweti ukhuvëi itambëëmwe na mweeso na këë sese gugwenenda mu kiti, sese gugwegheegha na gutiuduvaa gwa uhonga na tutë. 7Ëgweeso nësa sese gugwenenda mung'ë a weru uruuro mwino mweeso wë mung'ë a weru sese gukweti ukhuvëi itambëëmwe na mu muntu na muyakwe, na saghami amwa Yesu Mwana wakwe ëuguhegheeya sese mahutye oong'e. 8Mbesa guhanya gutikweti mahutye, sese gugikhonga aghonjo, sese gutikweti tutë. 9Nësa sese gwinjë ufea mahutye itu usonge a Muungu, mweeso në wa uhuvëwa na wa tutë na winjë uguhegheya mahutye itu na ugutenda sese gwë veru ufuma u mantu në mavë. 10Nësa sese guhanya gwinatendaa mahutye, gumutenda mweeso mwegheeghe, na ukhani wakwe utifo mukhatë itu.
Currently Selected:
1 Yohana 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.