Jona 1
1
Jona Dawan wina plapan ba
1Dawan bui Amitai luhpia waitna Jona ra#2 Ki 14.25. aisin, bara naku win: 2“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”#Nah 1.1; 3.1-19.
3Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra#Tarsis: Mediterráneo kabu ra duri tara nani praki wilki tawanka. Baha piua ra Israel luhpia nani luki kan Tarsis ra waia ba tasba tâ wala kau laihura pali ra auya. waia, bara ai pâska aibapi aimakan. 4Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat. 5Bara duri waki nani ba sut sibrin pali takan, kumi bani ai gâdka ra ai pura sunan. Bara diara nani ba sut kabu ra lulkan duri ba ingni daukaia. Witin nani baha dauki kan ba ra diara auhban ba tilara Jona lika bahara ai âuyapah pali yapi kan sakan. 6Bara duri kiaptinka ba witin lama kat wan, bara win:
—Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.
7Duri ra wark taki nani ba lika ai tilara aisi banhwi kan:
—Kaisa lat lulki kaikpi, baku lika ya pâtka mita naha trabilka tara wan alki na yawan kaikbia.
Witin nani lat ba lulkan bara pât ba Jona ra kauhan. 8Witin nani Jona ra win:
—Param ai wis, ¿dîa muni naha pâtka tara na yawan ra balan sa? ¿Man dîa warkka dauki nâra balram? ¿Ani wina aulma? ¿Ani kuntrika wina sma? ¿Man dîa nisanka sma?
9Jona pana naku win:
—Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.
10-11Jona ai dahra ba witin nani ra param win, witin Dawan wina plapisa. Witin nani baha walan bara sin kaiki kan, kabu ripka ba kau tara taki kan; witin nani kau sibrin daukan, bara kli witin ra makabi walan:
—¿Man dîa muni baku daukram? ¿Man wal yang nani dîa daukrika, kabu na lamni takbia?
12Jona pana aisin:
—Man nani kabu ra ai lulks, bara lamni takbia. Daira walisni yang pâtkira sna. Baha mita naha payaska karna wan purara balan sa.
13Duri wawakra nani ba un ra waia luki karna kwahi kauban, sakuna sip apia takan, kabu ripka ba kau tara tilwi kan bamna. 14Bara witin nani winan: “Dawan, naha waitnika pâtkira na dukiara, yang nani pruamnara. Witin ba pâtkas sa kaka, pruya pâtka ba yang nani ra ai kulkpara, kan, Dawan, man kupiam lâka kat daukisma bamna.”
15Baku aisin ba ra, Jona ba kabu ra lulkan, bara kabu ba lamni takan. 16Duri wawakra nani ba baha kaikan bara Dawan ra kulkanka tara yaban bara sakripais dauki ai pura suni pramis nani daukan.
17 #Naha borska nani 1.17—2.10 na bors. wala 2.1-11 ra kli baku ulban sa, baku Hibru nani ulbanka baku sa. Witin nani baha dauki kan ba ra, inska tarka tara kum Dawan mita blikan Jona langkaia. Bamna tihmia yumhpa bara kakna yumhpa, Jona ba inska tara ba klungka ra kan.#Mt 12.40.
Currently Selected:
Jona 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua