Jona 2
2
Jona ai pura sunan ba
1Bara Jona inska tara klungka ba wina Dawan ai Gâdka ra ai pura suni, 2naku aisin:
“Yang pâtki tara tila wina,
Dawan, man ra winri,
bara man pana yang ra aisaram.#2 Sa 22.7; Law 18.6; 120.1.
Prura tihuka tara nani ba wina
man ra winri, bara man bui yang ra walram.#Law 130.1; Ina 3.55.
3Kabu tihuka pali ba ra ai lulkram,
lî aubra warbrika nani tila kat.
Kabu tilrika tara nani blikram ba
yang purik lui kan.#Law 42.7; 88.3-7.
4Yang lukri man lamam wina
ai saki ai lulkram;#Law 31.22.
tempelkam holikira ba kli kaikamna apia wîri.
5Lî nani ba kir ai kutban;
tihuka tara ba yang purira ai bikan;
inska pata tâiwa ra blaki kan.
6Tihuka tara pali mununhtara ai rungkram;#Law 69.2.
baha kat yang daira walri,
silak watla ra ban bâra kaia ai mangkram ba.
Sakuna man, Dawan, yang Gâdki,
prura wina swaki ai sakram.#Law 30.3.
7Daira walri bara pat prui kapri ba ra,
Dawan, man ra kupi tanh krawan;
bara puri sunra ba man kat ulan,
tempelkam watla holikira ba kat.
8Gâd bahki nani nina bliki banhwi ba,
man ra kasak lukaia lâka ba mahka swisa;
9sakuna yang lika, tingki mai wiaia
sakripaiska ba dauki maikamni;
dîa dauki maikaia mai wîri ba daukamna.#Law 22.25.
¡Dawan, man baman
upla swaki sakaia sip sma!”
10Bara Dawan mita ban baku daukan, inska tara ba Jona bri si ai bîlak aikabi sakaia kabu un ra.
Currently Selected:
Jona 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua