Eclesiástico 2
2
Kupia alki takaskanka bara kasak lukanka lâka ba
1Luhpi, Dawan dukia daukaia lukisma kaka,
traika kaikanka briaisma ba dukiara ridi taks.#2.1-5 Je 1.2-4; 1 Pi 1.6-7; 4.12; Par M 2.10.
2Wilinkam lâka ba karna dauksbara kupiam karna bris,
trabil saura balbia taim sibrinmai alkbia apia dukiara.
3Dawan ra dihbi alki bris, barawitin wina tnaya ra tawpara;
baku lika, lâs piua ra pâwanka lâka brima.
4Dîa dîa man ra balbia ba sut alki bris;
bara rayaka bui panis lâka nani maikbia kaka,
kupiam alki takaski bri bas.
5Kan gul mana praiska bapauta aswan ra angki kaikisa,
bara Gâd bui yamni kaiki uplika nani ba lika
panis wahwanka laptika ra praki kaikisa.
6Gâd ra kasak luks, bara witin bui hilp mai munbia;
wapni lâka kat tauki, witin ra bîla kaiki bas.
7Man nani, Dawan ra kulkanka yabisma ba,
ai kupia pihnika lâka ra kasak luki banhs;
yabal wapni ba wina tnaya ratawi banhpara, kauhaia apia dukiara.
8Dawan ra kulkanka yabisma ba,
witin ra kasak luki banhs,
bara prisant briras lika takaski banhma apia.
9Dawan ra kulkanka yabisma ba,
pâwanka lâka ba, lilia ban kaia ra
bara Gâd latwanka ba bîla kaiki banhs.
10Piua wala nani ra takan dukia nanira aman pali kaiki banhs:
Dawan ra kasak luki nani ba sutsari lâka bri banhras kata;
witin ra kasak kulki bani ba lulki swiras kata;
witin ra makabi banhwan ba sutra, witin bui pain walata.
11Kan Dawan ba lika kupiaswapni bara kupia pihnikira sa;#2.11 Cf. Imp St 34.6-7; Law 103.8; 145.8-9; Je 5.11.
saurka lâka nani ba ban swih tikisa
bara sari piua ra lika swaki sakan lâka yabisa.
12Sakuna, ¡kupia sasibrira nani bara
mihta sringwaskira nani maparalika saura pali kabia!
¡Saura lâka dadaukra nani ai rayaka ba
natka wâl brih iwi ba mapara saura pali kabia!
13¡Kupia wîk nani bara kasaklukanka âpu ba mapara saura pali kabia!
¡Gâd bui baha nani ra kaina kahbia apia!
14¡Kupiam alki takaski pât wahwi
lan âpu nani sma ba mamparasaura pali kabia!
¿Dawan bui traika kaikankanani maikbia taim, man nani dîa daukma?
15Dawan ra kulkanka yabi nani ba,
witin adar yabi dukia nani ba bîla wali daukisa;
witin ra latwan kaiki nani ba lika,
witin kupia lâka ba kat dauki banhwisa.
16Dawan ra kulkanka yabi nani ba,
witin dîa lihki ba kat daukaia traimuni banhwisa;
witin ra latwan kaiki nani ba, witinLâka ba liliakira bîla wali banhwisa.
17Dawan ra kulkanka yabi nani ba lika
piu bani wilinkira banhwisawitin mawanra bawikira kaia.
18Kaisa Dawan mihta ra aimakaia,
sakuna upla nani mihta ra lika apia;
kan Gâd latwanka lâka ba
ai prana lâka tara wal lika sim baku sa.
Currently Selected:
Eclesiástico 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua