Param Marikanka TÂ BÎLA NANI
TÂ BÎLA NANI
Reveleshan tânka ba “Param marikan”. Tânka laki kaikan bara naha wauhkataya na, lâs pali ulban Testament Raya ra. Diara aihka kaikan ba aisisa bara param marikan ba tânka sin. Kwâra tara lilka marikisa bara twisa nani aisinka sâtka; baha piua ra aisi kaiki uplika ba baha wal tânka brin; sakuna wala nani mapara lika tihmu sa, baku sin diara aihka yukuwan ra baku sa; baha yua ra baku kan, naiwa sin ban baku sa, naha aisi kaikanka tila nani. ¿Sakuna dîa muni naha smalkanka ulbanka na tânka tihu ra sa? Kan ulban sa baha piua ra serts ba pât wahwi kan nina bliki kan, sauhkanka lâka karna muni kan Rom kingka ba mita.
Aitani kan kasak lukan lâka ba, bara kasak lalukra nani ba tâ baikan kaia, marikisa kwala pihni ingnikira lilka wal praki, param marikan tânka ba, saura muni pura luanka ba, nahki tnata yua nani ra pura lubia ba, baha ba Gâd bara Kraist Dawan wina kabia, baku kaia pât wahwi, rausauhkan nani tilara ban kasak bapi bûi kaia tnata kat.
Tânka praki kaikisa, bara marikisa, tâ sakaia bîla nani ningkara (1.1-8) tasba ra aula diara aihka kaikan Kraist prana tara ba, bara serts 7 ra ulbanka ba (1.9—3.22), tâ krikisa kasbrika pura tânka ba wal (sapta 4,5). Pas 7 sîl nani wal daukan ba (6.1—8.1); pas tâura lilapas ba wal prakisa (sapta 7) Gâd sîlka nani ba. Wala ba trumpit nani 7 ba bara inanka nani yumhpa ba (8.2—14.20), wala bâra sa lila kat aimaki ba (10.1—11.13). Yumhpika ba 7 kâp nani ba tânka (15.1—16.21). Yumhpika lilapas ra aimaki ba, ban sa daukanka yumhpa mariki, bara tnata lâs balaia sainka nani brisa (17.1—20.15). Ningkara kau diara tara kabia ba lika Jerusalem raya ba (21.1—22.15), bara kau pali aisi ba “¡Bal, Dawan Jisas!”
Param marikan na aisisa, nahki kan ba, baha piua nani ra diara aihka nani bal taki kan ba, baha yua nani ra dîa ulban ba takbia wan yua nani ra. Kaikram nahki baha yua kristian nani ra takaia ba sturka ulban sa. Wauhkataya ulban pali tânka sika, maisa nihkaia, pât wahwanka tilara bapi bûi kaia, tnata yua nani ra kau piua karna nani balbia. Saurka karnika ba, ban kra pura lubia. Piu kum yari, pura lui ban kaia ba lika, Gâd wina Jisas Kraist bâk sika.
Currently Selected:
Param Marikanka TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua