Miqueas TÂ BÎLA NANI
TÂ BÎLA NANI
Miqueas ba prapit nani walhwal kau tara kulkan lâka bri kan ba tila wina kumika sa, mani nani 800 Kraist kainara ai warkka daukan. Sakuna Aiseya wal lika, sim piua ra dahra aisi smalki kan.
Miqueas ba pain pali ai dahra wali kan, Juda ra dîa takaia ba, kan tasbaya dawanka sa bara sin tasbaya pîska sirpi kum ra smalkisa; Israel ra dîa takan ba baku Juda ra takbia Emus smalkanka ba kat (sapta 1—3). Baku aisisa, Gâd lâka karna nani balaia ba prapit nani ai smalkanka saki ba, holi iwi kaia lâka nani, kasak lâka ba bara Dawan tasba aiska ra bâra ba tânka param smalki natka ra. Baku sin, Gâd kupia pihni lâka bribia dukiara kli kli aisi smalkisa: Gâd lâ karna nani daukisa, sakuna witin sin pâtka ban swih tiki Gâdka sa. Baku ba mita param maisa pakisa, tnata piua ra kli diara sut dawanka takaia ba, bara naika piua ra kupia kumi kingka lâka iwbia ba (sapta 4,5). Wauhkataya na, smalkanka kum tânka nani wal prakisa: kupia kraukanka baku, bara sin bîla kaikanka kum naika kli wan dukia briaia ba.
Ai maisa pakanka ba, king tara kum Debit kiamka wina, bîla kaiki ba bara bâk sakan ba, Betlehem Efrata ra aisubi takbia (5.2-5a), Matiu wauhkataya ra marikisa (sapta 2.6) Jisas Kraist baha tasbaya ra aisubi takaia ba.
Currently Selected:
Miqueas TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua