Miqueas 3
3
Wihtka saura nani mapara dahra aisanka
1Man nani wihtka nani,
Israel tâ uplika nani aimakisma ba,
nanara yang aisanki na wals:
¿Kasakka lâka tânka briaia ba,
man nani warkkam sa apia?
2Sakuna man nani lika
yamni ba misbara kaikisma,
bara saura ba latwan kaikisma;
upliki nani dusa ba raya taya takbi,
wîna ba kalki saki dusa baman dauki swisma.
3Upliki nani ra raya kan pîsa,
ai taya kalki sakisa,
bara dusa nani ba sin krikisa;
sim wîna dikwa ra auhbi piakaia klaki dauki ba baku daukisa.
4Yu kumi man nani bui Dawan ra winma,
sakuna Dawan bui man nani ra mai walbia apia.
Witin baha yua ra, man nani wina yukuwbia
saurka nani daukram ba tâwan.
5Yang tawanki uplika nani ba lika,
yabal saura bara tiwan bâk impakisa,
prapit kunin muni ba tâka mita.
Baha nani ya bui plun yabi nani ra,
kupia kumi lâka dukiara aisi wisa;
sakuna war aiklabaia lâka bukisa,
baha nani bui witin ra plun yabras ba mapara.
Dawan ba mita baha prapitka nani ra wisa.
6“Man nani prapit kuninkira nani,
kli tihmia yapi kaikma apia,
baku sin naika takaia dahra wima apia tihmu tilara.
Lapta ingnika ba, baha prapitka nani wina tiwbia,
bara kakna ingnika ba sin, tihmia tara iwbia.”
7Baha nani ai nakra ni kaiki
bara diara mangki kaiki ba,
tanis swira lâka ra tawbia.
Witin nani sut ba, ai bîla sâp takan kabia,
Gâd wina pana witin nani ra diara aisaras kabia bamna.
8Ban sakuna, yang maipara
lika, Dawan spiritka mita karnika ni ai banhkisa,
kasakka lâka tânka kaikaia karnika aikisa;
bara kupi lukanka karnika ba sin,
Israel, Dawan mapara bûi ba tânka param wiaia,
ai saurka nani ba sin, ai mawanra kabia.
9Bamna naha na wals,
Israel tâ brabrira bara wihtka nani,
man nani kasakka lâka ra waihla kaikisma ba,
bara wapni lâka ba, warbanka lâka ra lakisma ba:#Em 5.7.
10Man nani Jerusalem paskisma,
Saion ilka tawanka ba.
Upla tâlia laiki bara watawi lâka nani dauki ba
playka purara.#Ab 2.12.
11Lâ wihtka nani ra, lalah aibapi
ai lâka pliki ba baman ra raitka yabisa,
tawan wihtka nani ba,
prîs nani ba sin,
ai mana briaia dukiara baman smalkisa,
bara prapit nani ba
lalah mana baman dahra aisisa,
ai raitka briaia dukiara blahwi aisisa,
Dawan bui witin ra ai tâ baikisa,
bara naku wisa:
“Diara saura yawan ra balbia apia,
kan Dawan yawan wal sa.”
12Baku bamna, man nani saurkam tâka mita,
Jerusalem tawanka Saion ilka ra ba,
insla daukaia tasbaya takbia,
tawan slingwan bara aisawan tara kum kabia.
Dawan ra pura sunaia watla ilka ra,
inma kiaya pali man pâwi kabia.#Jir 26.18.
Currently Selected:
Miqueas 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua