Jasua TÂ BÎLA NANI
TÂ BÎLA NANI
Jasua ba, Moses watlika ra sakan nina ba yan sa, naha wauhkataya na baku, Israel sturka pîska wala nani ba ulban sa. Jasua bui tawan uplika nani ra alki silak ra mangkisa, war aiklabanka tara piua ra, bara baku sin Kenan tasbaya ba aiklabi pura brisa (sapta 1—12). Diara tara nani, witin pura lui daukan ba tilara kau kulkanka bri nani ba sika; Jordan awala luan ba, Jeriko bara ai tawanka nani batakan ba, Hasor ra alki priskan ba, bara tasba wala nani sut ra war aiklabi pura luan ba.
Sapta nani 13—22 ra aisisa, nahki Kenan ba ai kiamka tilara yui brin ba, baku sin nahki yukuwaia tawanka nani paskan ba. Libait nani tawanka yaban, sakuna tasba yuan ba tilara, tasba lika yaras kan.
Lâs sapta wâl nani ba ra aisisa, Jasua lakula bîla nani witin pat almuk kan bamna Siquem ra kiamka nani asla takan ba, lâ wal daukan ba kli aima wala raya daukaia dukiara, pramis munan tasbaya ra kan bamna. Jasua tawan dîa win ba kat lâ ba daukan, bara pramis taki banhwan Dawan warkka daukaia bara bîla sin wawalra kaia.
Wauhkataya na prakisa, Jasua pruanka bara bikan ba tânka aisi, baku sin prîs Eleazar, Aram luhpia pruanka ba dukiara sin.
Currently Selected:
Jasua TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua