Oseas TÂ BÎLA NANI
TÂ BÎLA NANI
Oseas ba prapit tara wala kum sa, 800 mani nani piua ra iwi kan, Kraist kainara. Israel luhpia nani ra smalki kan, lalma tani kingka, Emus smalki luan ningkara.
Oseas ai smalkanka tara ba, wan marikisa nahki waitna kum bara mairin kum wal marit takan ningkara, trabil saura brin ba, prapit manis ban lukisa naha ba, Oseas witin ai wîna kat takan dahra aisisa. Ban kra witin mairin kum kasak apia, ai maya waitna ra kulkanka yaras mairka kum wal brin ba tâka mita, baku witin ra takan sa, naha mairka ai maya nakra praprakra ba, ai saurka sut dauki ba tila kat Oseas bui padin muni ban ai maya brisa.
Prapit Oseas ba, aidul lâka upla nani dauki ba mapara kan, ban sin dahra saki kan, baku sin praki kaikanka dauki kan, ningkara Jirimaya daukbia ba, marit lâka sauhkaia natka kum wal. Baha tâka mita, Israel purara balbia, Gâd lâka tara ba. Sakuna, Gâd ba latwan lâka tnata âpu ba sika, ai uplika nani saura dauki ba ra ban latwan kaikisa, baku ba ra plikisa, saurka ban swih tikisa, kli alki bukisa, bara witin ai uplika baku dauki brisa.
Baha aisanka tihuka ba sika, Oseas ulbanka ra wan smalki ba. Wauhkataya na pîska yumhpa ra baiki sakan sa: (1) Oseas marit takan bara pât saura nani wal prawan ai maritka lâka tila kat, baha wan aisisa (sapta 1—3). (2) Israel mapara aisi ba ulbanka nani (sapta 4—13). (3) Paiwanka daukisa wan kupia lakaia bara lâs piua kat kli wal uplika takaia pramiska nani dauki ba, ulbanka nani (sapta 14).
Currently Selected:
Oseas TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua