Hibru Nani TÂ BÎLA NANI
TÂ BÎLA NANI
Lâs ra naha ulbanka na, kasak wauhtaya kum ulbanka baku sa. Laki kaikuya ba ra, wauhkataya na diara kum dukiara aisisa, apia kaka smalkanka kum baku tânka brisa.
Dîa ulban ba tânka kat, naha wauhkataya na, Ju kristianka nani wark yamni daukras bara mapara babura wisa dahra saki kan, bara mahka ai kristian lâka ra kasak luki kan ba swi si, kainara witin nani dîa ai natka kat iwi kan ba kli daukaia luki nani ra ulban talia sa.
Naha wauhkataya smalkanka lalka pali ba lika (1.1-3), Jisas Kraist ba, Gâd ai lilka param marikan tânka kum kau tara sa.
Ningkara naha tânka dukiara asla dauki smalkisa: Jisas ba, Gâd Luhpia ban kaia ra ba; witin, bîla walhwal ra takan sa pât saura nani ailal brin ba ni, witin ba kau tara sa, ai prapitka nani wal baman apia (1.1), sakuna insal nani ai sturka kwahki nani ba wal sin (1.4—2.18), Moses pali wal sin, baku Jasua wal (3.1—4.13), prîs tara nani blasi piua ra, Gâd pali bui ban kaia ra prîs lâka ra mangkan nani ba wal sin witin ba kau tara sa (4.14—7.28). Witinka bâk, Gâd lâ raya kum kau yamni ba bapan (8.1—9.28). Kraist witin pali ai wîna tara ba sakripais daukan, bîp bul kum, apia kaka guts wainhka kum iki sakripais dauki ba wal kau tara kata, witin ba prîs kum ban kaia ra aimakan kata, ya ya witin kat kasak lukbia ba ai pâtka sut wina pri sakan kabia, sibrin kaia lâka wina, baku sin pruaia lâka ba wina. Witinka wina sika swaki sakan lâka kasak aihwa pali ba brisa, bara blasi piua ra daiwan iki, angki sakripais dauki kan lâka ba, marikanka kum baman kau naika piua ra bal takaia ba lilka kum baku (10.1—31).
Baha prika lâka ba, kasak lukan tânka wal baman sip sa briaia, âiulbra ba Ju nani dahra wina tânka kum kum marikisa, sut tâura ba kasak lukan lâka ba. Baku bamna kristian nani ra kupia krauki wisa, kasak bapi bûi kaia lâs ba kat, Jisas Kraist ra baman kaiki, dîa pâtka saura balbia sut ba pura luaia. (sapta 13) Bara prakisa naha ulbanka na kupia kraukanka manis wal, makabanka nani bara lakula bîla nani wal.
Currently Selected:
Hibru Nani TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua