Impakan Sturka TÂ BÎLA NANI
TÂ BÎLA NANI
Grik bîla ra naha wauhkataya nina ba Éxodo. Éxodo tânka ba “Mahka taki waia”, apia kaka, “plis kum ra takaski ailal si, baha wina plis wala ra impaki waia ba tânka sa.” Naha wauhkataya aiska ulbanka na, ai nina baku mâkisa. Kan nahara diara kau tara sturka aisi ba sika: Israel luhpia nani, Idsip tasbaya wina, mahka impaki taki wan ba, Moses bui ai tâ brin bamna. Moses ra Dawan bui ai tânka param takan, bara baku natka ra witin ba, bâk wahbi sakan; ai tawanka nani alba lâka ra iwi kan ba wina pri sakaia, bara Kenan tasbaya ra brih waia. Naha tasbaya ba, Dawan bui ai damika nani ra yabaia pramis daukan ba, utla uplika lalka nani bani ra.
Sturka aisanka na wan marikisa, nahki Gâd bui upla kwâra patitara piua ra, alba lâka ra kan ba wina, nisan kum daukisa, Moses bâk. Upla iwras tasbaya ra, kaina piua ra ai almukka nani wal lâ kum daukan kan ba, kli aisi raya daukisa; baku wina lâ ulbanka wauhkataya kum saki yabisa: nahki witin nani ai rayaka ba wapni bri kaia ba, Dawan bui wahbi sakan uplika nani baku; nahki Dawan wal witin nani asla kaia ba, baku sin, ai walka nani wal asla iwi kaia lâka nani ba.
Naha aisanka ra upla kum kau tara ba sika Moses: pri sasakra, tâ brabrira bara Israel luhpia nani tilara lâ dadaukra ba.
Wauhkataya ulbanka pîska pas ba (1.1—15.21). Israel luhpia nani Idsip ra, alba lâka ra iwi kan ba sturka nani dukiara aisisa, baku sin Moses aisubanka dukiara bara witin ai rayaka tâ krikan ba sturka nani aisisa; upla iwras tasbaya ra Moses ra Dawan bui paiwan ba sturka, king fero tataibra mapara bûi blahwan ba sturka, Insal luan Yua kulkan ba bara Idsip wina taki wan ba.
Ulbanka pîska wâl ba (15.22—24.18), naha pîska ra aisisa, upla iwras tasbaya ra impaki auya kan ba ra, pât ailal nani wal prawan ba, Sainai ilka ra wan ba kat.
Bara ulbanka pîska yumhpika ba (25.1—40.38) Dawan lâka ba, bara upla wal lâ daukan lâka nani ba, tânka nani aisisa, lâ kat iwi kaia ba, upla bui lâ nani paski dauki ba, bara sin lâ matawalsip ba ulban sa (sapta 20) bara sin param wan sakisa, Dawan wal aisaia tintka watla paskan ba, upla iwras tasbaya ra, baku sin kaliksan sakaia ba tânka nani.
Currently Selected:
Impakan Sturka TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua