1 Kronikas TÂ BÎLA NANI
TÂ BÎLA NANI
Kronikas wauhkataya wâl nani ba ra, tânka aiska ba lika aisanka raya nani sa; pîska nani kum kum ra tânka prahni ra ulban sa, pîska wala nani ba yari pali sa; Samuil bara King nani wauhkataya ra dîa dîa takan ba dukiara aisi ba.
Ban sakuna, baha wauhkataya nani ra sturi nani takan dahra ulbi swin ba wina, tila manis ba tikan apia sa. Baha nani kli laki kaiki nani ba sin naha ba natka wala ra laki kaiki tânka brisa.
Tani kum ra, king Debit bara Salaman wal kingka lâka dukiara kau aisi, bara tempelka ra ai mayunra nani dauki ba bara ai prîs lâka dukiara sin.
Ningkara naha asla daukanka bara warkka nani ra kau kulkanka tara yaban sa. Baku sin Debit ra kasak kulkisa, tempel ba dauki mayuni ba sin; ban sakuna tempel papaskra pali ba lika Salaman sika.
Josafat, Ezequías bara Josías kat ba, naha ulbanka ra wan marikisa, witin nani ba sampla kum kasak kata, Israel luhpia nani Gâdka ra lukaia ba, bara piua saura karna nani aula taim, witin nani ba, bawikira makakabra nani kata; upla nani lukanka ba, namhpa namhpa ra watawi piua ra, witin nani bui kli alki tempel bilara brih bali bara ai lâka wapni mangki kata.
Naha wauhkataya âiulbra ba, trai pali munisa wan marikaia, Israel bara Juda wal purara sauhki tikanka tara nani balan, ban sakuna Gâd lika dîa ai pramiska tawan nani ra daukan ba, ban ai tâ kat paski brih auya kata. Baha dukia nani ba, Gâd ra kasak luki mayuni kan ba mita sip kata.
Pas tâura sapta 9 nani ba wauhkataya ulbanka pas ba wina, bahara ulban sa upla kiamka sâtka nani ba, naha wina bal takan, bara nina nani ulbanka ba. Naha ulbanka dahra pali ba, tâ krikisa Saúl pruanka wal (sapta 10); ulbanka pîska wala nani (sapta 11—29) kat ba, king Debit kingka lâka dukiara aisisa, pât sâtka nani brin bara pura luanka ba sin. Debit tempel watla mâkaia ridi daukan bara tara kulkanka yabisa baha ba Salaman ra daukbia wisi ningkara yan ba, bara baha nani dukiara, tânkira pali aisisa, (lâs sapta 8 nani ba).
Currently Selected:
1 Kronikas TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua