MATAYO KUKHURAANJILILA
KUKHURAANJILILA
Ivanjeli Khuli Yahandikwa na Matayo, yivaalanga makhuva malahi ndi Yesu neye Muhonyinyi wali niyalaakwa, woyo wachila Nyasaye narweshitsa khuvirila muye lilaaka lia yali niyalomba na vandu veve mu Lilakano Likhulu. Makhuva malahi yaka shikali ka Vayahudi vonyene vutswa, va Yesu yivulwamu khandi namenyamu tawe, navutswa ni ka vandu voosi mu shivala.
Shitabu shia Matayo, shialoshitswa vulahi muno. Shiranganga khwivaala makhuva khulondokhana khu livulwa lia Yesu, libatiswa lielie nende khuchelitswa khwekhwe. Shivaalanga khandi makhuva khulondokhana khu muhinzilu kwa Yesu ku khwilwatsa, khwechitsa nu khuhonyinya vandu mu lusomo lwa Galilaya. Yaka nikamali khwikholekha, Ivanjeli yivaalanga makhuva khulondokhana khu luchendo lwa Yesu khurula Galilaya khutsia khutukha Yerusalemi; khandi vindu viakholekha khu Yesu mulisitsa lielie liukhumalilikha, viachila navambwa khandi niyisimushitswa khurula mu likhutsa.
Ivanjeli iyi imanyinyanga Yesu khuli ali mwechitsi mukali, uli nu vunyali vu khwivaala vulahi Malako ka Nyasaye, khandi wechitsanga makhuva khulondokhana khu Vwami vwa Nyasaye. Mechitso keke manyishi kavikhwa halala mu vikha vikali viranu: (1) Milwatso ku khu Shikulu, khulondokhana khu mwiima, mihinzilu, vukhala, khandi makhuva kaliitsa khwikholekha khu vandu vamenyanga mu Vwami vu mwikulu (miliango 5-7); (2) Mivaalo khu veechi veve likhomi na vavili khulondokhana khu mihinzilu chiavo (muliango 10); (3) Tsinganu khulondokhana khu Vwami vu mwikulu (muliango 13); (4) Liechitso livaalanga shivune shiu khuva mwechi (muliango 18); khandi (5) Liechitso khulondokhana khulimalilikha lia matukhu kanu, nende khwitsa khu Vwami vu mwikulu (miliango 24-25).
Kalimu Muvwimbi
Lwivulu nende Livulwa lia Yesu Kristo 1:1—2:23
Muhinzilu kwa Yohana Mubatisi Yakhola 3:1-12
Libatiswa nende Khuchelitswa khwa Yesu 3:13—4:11
Muhinzilu kwa Yesu Yakhola Havulavu mu Galilaya 4:12—18:35
Khurula Galilaya khutukha Yerusalemi 19:1—20:34
Lisitsa lia Yesu Liukhumalilikha mu Yerusalemi khandi himbi Yerusalemi 21:1—27:66
Khwisimushitswa nende Khulolekha khu Mwami 28:1-20
Currently Selected:
MATAYO KUKHURAANJILILA: LLLPRO
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013