Matayo 1
1
Bonkokoolo wa Yesu Masiya
(Lk 3.23-38)
1Bonkanda wa lioci ja Yesu Masiya, bona owa Dawidi, bona owa Abalayama.
2Abalayama aotaki Yisaka; ko Yisaka aotaki Yakoba; ko Yakoba aotaki Yuda la batomolo lʼakuneʼakande; 3ko Yuda aotaki Pelese la Zela, bana ba Tamala; ko Pelese aotaki Eselone; ko Eselone aotaki Lama; 4ko Lama aotaki Aminadaba; ko Aminadaba aotaki Nasona; ko Nasona aotaki Salamona; 5ko Salamona aotaki Boaza, bona owa Laba; ko Boaza aotaki Obede, bona owa Luta; ko Obede aotaki Yisai; 6ko Yisai aotaki Dawidi Roi.
Ko Dawidi aotaki Solomo, bona owʼomoto oki waji owa Uliya; 7ko Solomo aotaki Labama; ko Labama aotaki Abiya; ko Abiya aotaki Asa; 8ko Asa aotaki Yosapata; ko Yosapata aotaki Yolama; ko Yolama aotaki Uziya; 9ko Uziya aotaki Yotama; ko Yotama aotaki Aza; ko Aza aotaki Izikiya; 10ko Izikiya aotaki Manase; ko Manase aotaki Amosa; ko Amosa aotaki Yosiya; 11ko Yosiya aotaki Yekonya lʼakuneʼakande ndʼekekʼekʼiyʼotombamaka nda Babulona.
12Ndʼafeka, akiʼyʼotombamaka nda Babulona, Yekonya aotaki Salatiele; ko Salatiele aotaki Zelubabela; 13ko Zelubabela aotaki Abiuda; ko Abiuda aotaki Eliyakima; ko Eliyakima aotaki Azola; 14ko Azola aotaki Sadoka; ko Sadoka aotaki Akimi; ko Akimi aotaki Eliuda; 15ko Eliuda aotaki Eleazala; ko Eleazala aotaki Matana; ko Matana aotaki Yakoba; 16ko Yakoba aotaki Yosefa bome owa Malia, ootaki Yesu, otangema Masiya.
17Elengʼeko ndatsa Abalayama la Dawidi baoci jom la banei; ko ndatsa Dawidi lʼekeke ekiʼyʼotombamaka nda Babulona baoci jom la banei; ko ndatsa ekeke ekiʼyʼotombamaka nda Babulona la Masiya baoci jom la banei.
Elotswelo ea Yesu
(Lk 2.1-7)
18Eotswelo eki Yesu Masiya eki ngone; aki nyango ekande Malia oandema la Yosefa, atafʼiyʼoamana waji lʼome, aki la jemi la Bolimo wʼoeko. 19Koko Yosefa, bome okande, aki bonto owa liongi, ko ntalanga jokyʼende nsoi lʼesayenge, asangya joimolʼende la lokuko. 20Lolo akiʼndʼokanela baoyiʼane, bala, ekima ea Nkolo aolenya elʼende nda liloto, aokela, Yosefa bona owa Dawidi, toangake lokola Malia wae ayaleme waji oke; ende ale la jemi la Bolimo wʼoeko. 21Ko ende ifoota bona owa jende, ko wifilʼende lina YESU; elʼende ifoikya bantʼakande limʼaoyiʼobe bakiyo. 22Baoyiʼane bauma baoliela wete baoyi baki Nkolo osangaka la boteli bakelame, aokela,
23Bala, bomoto otafoamana la jende
ifofoswa jemi,
ko ifoota bona owa jende ko
bifilʼende lina Imanwele;
lile wae Nzakomba ale lʼiso. 24Yosefa aoetswa limʼaisilo ko aokela ngoki ekima ea Nkolo olakaka, ko aokola waji okande; 25ko ntaamana Tende elaka nko aoota bona owa jende, ko aoloila lina Yesu.
Currently Selected:
Matayo 1: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987