Malaki 4
4
Mbila ea eyelo ea Nkolo
1Bala, mbilʼeko eoya, efetaka lʼofetako ngole efetelo ea tsa: ko baʼeloloko bauma, lʼiyʼakamba belemo biʼobe bifoyalema o bailo: ko mbilʼeko esʼoya ifotumbʼako, wete efaocikelʼako la wili lʼetafe nye. Yawe ea beloi aokela ngoko. 2Lolo jefa ja liongi lifokyelʼinyʼaanga lina likami, la loiko ndʼafafu bakande: ko inyo lifola ko lifotamba ngole bana ba ngombo ndʼilombe. 3Yawe ea beloi akela, Ko inyo lifomatela bantʼobe: iyo bifoyalema o betoko ndʼase ba ntanda eʼakaka bakinyo nda mbile ekambʼemi.
4Inyo lofwaka bisekyelo bia Mose bosali okami, bikiʼmʼosiselakʼende nda Olebe ndʼeloko ea Ba-Yisalaele bauma, wete besise la bitenelo biʼakambo.
5Bala, njifotomʼelʼinyo Eliya boteli, atafa mbile eʼenene la ea booma ea Yawe oya. 6Ko ende ifokengolʼotema wa baise ele bana, ko lʼotema wa bana ele baise; nyangʼemi mpoya okundʼokili la wambo wa tu.
Currently Selected:
Malaki 4: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987