Lucas 17
17
Jutsaman pitapis mana ishkitsinanpä Jesús ninqan
Mateo 18.6-7, 21-22; Marcos 9.42
1Tsaypitanam discïpulunkunata Jesús nirqan: <<Runa mayinta jutsaman ishkitsikuqkunaqa imaypis kayanqam. Peru ¡allaw, pitapis jutsaman ishkitsiq runa! 2Juk wamrallatapis jutsata ruratsiptinqa mas allim kanman mulinu rumita kunkanman watarkur lamarman jitarpuyaptin. 3¡Tsaynö kaykaptinqa cuidädutä pitapis jutsaman ishkitsiyankiman!
Runa mayintsikta perdonanapä Jesús yachatsinqan
<<Runa mayiki mana allita rurashuptikiqa llutanta ruraykanqanta tantiyatsinki. <Perdonaykallämay> niyäshuptikiqa perdonanki. 4Juk junaqllachö qanchis kuti contrayki mana allita ruraskir qanchis kuti <perdonaykallämay> nishuptikiqa perdonanki>>.
Mas yärakuq kayänanpä mañakuyanqan
5Tsaynam apostolninkuna Señor Jesústa niyarqan: <<Yanapaykayällämay mas yärakayämunäpä>>.
6Señor Jesúsnam nirqan: <<Ñäbuspa murunnö ichikllapis yärakuynikikuna kaptinqa kay sicómoro jachata <matsupita llukikaskir lamarman jawikay> niyaptikipis cäsuyäshunkimanmi>>.
Sirviqnölla kanapä Jesús ninqan
7<<Mayqaykipapis sirviqniki arunqanpita o mitsikunqanpita chämuptin manam <päsakamuy jamaykur mikunaykipä> niyankitsu. 8Tsaypa rantinmi niyanki: <Kusinakamuyrä qaramänaykipä. Mikur upur ushanqäyaq sirvimay. Tsaypitanam qamqa mikunki>. 9Tsaynö mandayanqaykita ruraykaptinpis ¿acäsu tsay sirviqnikita agradëcikuyankiku? Manam.
10<<Tsaynöllam qamkunapis Tayta Dios niyäshunqaykita cumplir niyankiman: <Noqantsikqa Diospa sirviqnin karmi mandamanqallantsikta ruraykantsik> >>.
Leprawan qeshyaq chunka runakunata Jesús allïtsinqan
11Jerusalénman aywaykarmi Samaria y Galilea lindërunpa Jesús päsarqan. 12Juk takshalla markaman chäyänanpä kaykaptinmi leprawan qeshyaq chunka runakuna tinkuyänanpä yarquyarqan. Manarä charmi karullapita 13qayakur niyarqan: <<Tayta Jesús, ¡kuyapaykayällämay!>>
14Paykunata rikaskirnam Jesús nirqan: <<Rikayäshunaykipä sacerdötikunaman aywayay>>.
Aywaykällarnam alliskiyarqan. 15Allïyanqanta tantiyaskirmi juk runallana Tayta Diosta jinchipa alabaraykar Jesús kaqman kutirqan. 16Chaykurnam urkunpis patsaman chanqanyaq Jesúspa puntanman qonquriykur <<¡gracias, taytay!>> nirqan. Tsay runaqa Samariapitam karqan.
17Jesúsnam nirqan: <<Alliqkunaqa ¿manaku chunkaq kayarquyki? ¿Maytä wakinkunaqa? 18Kay jäpa runallam Tayta Diosta agradëcikurnin kutimushqa>>.
19Tsay runatam nirqan: <<Sharkur aywakuy. Yärakamunqaykipitam Tayta Dios allïtsishurquyki>>.
Tayta Diospa mandakuynin imay chämunanpä kanqanta Jesústa tapuyanqan
Mateo 24.23-28, 36-41
20Juk kutim fariseukuna Jesústa tapur niyarqan: <<Tayta Diospa mandakuynin ¿imaytä chämunqa?>>
Jesúsnam nirqan: <<Tayta Diospa mandakuynin chämunanpäqa manam ima señaltapis rikayankitsu. 21Manam pipis ninqatsu <kaychönam> o <washachönam kaykan>. Tayta Diospa mandakuyninqa qamkuna kaqchönam kaykan>>.
Jesús manarä kutimuptin imanö kananpä ninqan
22Tsaypitanam discïpulunkunata nirqan: <<Shamuq watakunachömi Runapa Tsurin juk junaqllapis mandaq kanqanta rikayta munayanki, peru manam rikayankitsu. 23<Kaychömi kaykan> o <washachömi kaykan> niyäshuptikipis ama cäsuyankitsu ni rikaqpis aywayankitsu. 24Illaqukuptin ciëlupa juk kuchunpita jukaq kuchunyaq atsikyanqanta rikayanqannömi Runapa Tsurin kutimuptin llapanpis rikayanqa. 25Peru tsaykuna manarä päsaptinmi kanan tiempu runakuna payta chikirnin pasaypa ñakatsiyanqa.
26<<Noé kawanqan witsan runakuna kawayanqannömi#Gén. 6.5-8. Runapa Tsurin shamunqan witsanpis kawayanqa. 27Arcaman Noé yaykunqan junaqyaqmi runakuna mikur, upyar y casarar kayarqan. Tsaynö kaykäyaptinmi diluviu shamur llapan runakunata ushakätsirqan.
28<<Tsaynöllam Lot kawanqan witsanpis#Gén. 19.1-29. runakuna mikur, upyar, rantir, rantikur, murupakur y wayitapis shäritsir kayarqan. 29Peru Sodoma markapita Lot yarqunqan junaqmi azufriyuq nina ciëlupita tamyamur llapan runakunata ushakätsirqan. 30Tsaynöllam kanqa Runapa Tsurin kutimunqan junaqpis.
31<<Tsay junaqqa wayi jananchö kaykaqkuna#17.31 Tsay witsanmi wayita qatananpa rantin terrädu jananman tsaqllaskir mituwan lashtayaq. Tsay jananchönam awakuyaq, aqakuyaq y trïgutapis akrayaq. imaykantapis jipiq ama wayinman yaykuyätsuntsu. Chakrachö kaykaqkunapis ama wayinman kutiyätsuntsu. 32¡Yarpäyay Lotpa warminta ima päsanqantapis!#Gén. 19.17, 26. 33Kawayninta salvayta munaqkunaqa kawaynintam oqrayanqa. Kawayninta oqraqkunam sïqa kawayninta salvayanqa.#17.33 Tsaynö nirmi Jesucristo nirqan: <<Kikin munanqannö mana alli kawaqkunaqa manam salvakuyanqatsu. Noqa munanqänö kawaqkunam sïqa salvakuyanqa>>.#Mat. 10.39; Mar. 8.35; Juan 12.25.
34<<Noqam nï: Tsay paqasmi juk cämallachö ishkaq punuykäyaptin jukaqta pushanqa y jukaqtana dëjanqa. 35Maraychö ishkaq warmikuna aqakuykäyaptinmi jukaqta pushanqa y jukaqtana dëjanqa. 36[Ishkaq runakuna chakrachö aruykäyaptinmi jukaqta pushanqa y jukaqtana dëjanqa]>>.
37Tsaynö niptinmi tapuyarqan: <<Taytay, ¿maychötä tsayqa kanqa?>>
Jesúsnam nirqan: <<Maychöpis wanushqakuna jitaräyanqanmanmi wiskurkuna qorikäyanqa>>.#17.37 Tsaynö nirmi Jesucristo tantiyatsirqan ninqankuna maytsaychöpis päsananpä kanqanta.
Currently Selected:
Lucas 17: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.