2 Pedro 3
3
Jesucristo kutimunanpä kanqan
1Kuyay wawqikuna y panikuna, kaywanqa ishkay kutinam cartakamü. Ishkan cartachöpis alli kawayänaykipämi yätsiykä. 2Tsaynöllam yätsiykä santu profëtakuna willakuyanqanta y salvamaqnintsik Señor Jesucristupa mandamientunta mana qonqäyänaykipä. Tsay mandamientutaqa apostolninkunam yachatsiyäshurqayki.
3Musyantsikmi ultimu tiempuchö Tayta Diosta mana cäsukuq runakuna yurimunanpä kanqanta. Tsay runakunaqa asipäyäshurnikim#2Tim. 3.1-5; Jud. 18. 4niyanqa: <<¿Imanirtä Jesucristo <kutimushämi> niskirpis kutimunrätsu? Paywan puriqkunapis shuyaykäyanqallanchömi wanuyashqa. Kay patsapis qallanqanpita kanqannöllam kaykan>>.#Eze. 12.22.
5Tsaynö nir manam tantiyayantsu kay patsatapis ciëlutapis Tayta Dios <<tsaykuna kayätsun>> nir kamanqanta. Kamaptinmi yaku rurinpita tsaki patsa yarqamurqan.#Gén. 1.6-9; Sal. 24.2. 6Tsaypitanam kay patsata diluviuwan ushakätsirqan.#Gén. 7.11. 7Tsaynöllam juiciu finalchö Tayta Dios niptin kay patsa, rupay, killa y llapan qoyllurkunapis ninawan ushakäyanqa. Tsay junaqmi jutsa ruraq runakunapis ushakäyanqa.
8Kuyay wawqikuna y panikuna, shumaq tantiyakushun: Tayta Diospäqa juk junaq waranqa (1,000) watanömi y waranqa watapis juk junaqnöllam kaykan.#Sal. 90.4. 9Tsaynö kaykaptinqa wakin runakuna yarpäyanqannö ama yarpäshuntsu Señornintsik Jesucristo mana kutimunanpä kanqanta. Payqa manam munantsu pipis jutsanchö wanunanta. Tsaymi shuyaraykan runakuna jutsankunata dëjayänanta.#Eze. 18.23; 33.11.
10Peru Señor Jesucristupa kutimuyninqa [paqaspa] illaqpita suwa shamunqannömi kanqa.#Mat. 24.43; Luc. 12.39; 1Tes. 5.2; Apoc. 16.15. Pay shamuptin rupaypis, killapis y llapan qoyllurkunapis mantsariypä qayararrämi ninawan rupaykar ushakäyanqa. Tsaynöllam kay patsapis y kay patsachö kaqkunapis rupaykar chipyaq ushakäyanqa.
11Imaykapis ushakänanpä kaykaptinqa jutsata mana ruraypa Tayta Dios munanqannö santu kawayay. 12Tsaynö kawar shuyaykaptikim Tayta Dios juzganan junaq rasllana chämunqa. Tsay junaqmi rupayta, killata y qoyllurkunatapis nina rupar ushanqa. Tsaynöllam llapan imaykapis tsulluykar ushakäyanqa. 13Peru noqantsikmi sïqa Tayta Dios awninqannölla mushuq ciëluta y mushuq patsata shuyaykantsik. Tsaychöqa Tayta Dios munanqannömi llapanpis alli kanqa.#Isa. 65.17; 66.22; Apoc. 21.1.
14Tsaymi kuyay wawqikuna y panikuna, tsaykunata shuyaykarqa jutsa ruraykunata dëjaskir pïmaywanpis alli kawayay. Tsaynöpam Jesucristo kutimur jutsaynaqta tariyäshunki. 15Yarpäyay Señor Jesucristo imanir manarä kutimunqanta. Payqa shuyaraykan runakuna salvakuyänantam. Tsaytaqa kuyay wawqintsik Pablupis Tayta Dios tantiyatsiptinmi qellqashqa. 16Llapan cartankunachömi tsayta qellqarqan. Tsay cartankunachö aja tantiyaypä kaptinmi yachaq tukuqkuna y Tayta Diosman janan shonqulla yärakuqkuna llutanta yachatsiyan. Tsaynöllam llutanta yachatsiyan Tayta Diospa palabranchö wakin yachatsikuykunatapis. Tsay runakunaqa infiernuchömi ñakayanqa.
Cartapa ushanan
17Kuyay wawqikuna y panikuna, kay ninqäkunata musyaykarqa cuidädutä chaskiyankiman llutan yachatsikuqkunapa yachatsikuyninta. Tayta Diosman alli yärakuykäyanqaykichö cuidädutä qepaman kutiyankiman. 18Tsaypa rantinqa qoyay qoyay tantiyakuyay kuyapäkuq y salvakuq Señornintsik Jesucristo munanqannö kawayänaykipä. ¡Payqa kananpis y imayyaqpis alabashqa kaykullätsun! Amén.
Currently Selected:
2 Pedro 3: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.