1 Timoteo 2
2
Tayta Diosta mañakunantsikpä yätsinqan
1Timoteo, wawqikunata y panikunata parlapay Tayta Diosta agradëcikur llapan runakunapä imaypis mañakuyänanpä. 2Tsaynölla Tayta Diosta mañakuyätsun reykunapä y wakin autoridäkunapäpis. Alli mandayänanpä Tayta Dios yanapaptinmi noqantsikpis tranquïlu Tayta Dios munanqannö kawashun. 3Llapan runakunapä mañakurqa salvamaqnintsik Tayta Dios munanqannömi mañakuykantsik. 4Payqa llapan runakuna alli willakuyninman criyir salvashqa kayänantam munan.
5Jukllayllam Tayta Diosqa.
Tayta Dioswan alli kawanantsikpä juk runallam amishtatsimantsik.
Tsay runaqa Jesucristum.
6Paymi wanushqa llapan runakunata salvananpä.
Tsaynö salvakuq kanqantaqa tiempu chämuptinmi Tayta Dios musyatsimarquntsik.#Mat. 20.28; Mar. 10.45; Gál. 1.4; Tito 2.14.
7Tsay alli willakuyta mana Israel runakunata willar apostolnin kanäpämi Tayta Dios churamashqa. Tsaymi yachaykätsï Diospa alli willakuyninta chaskir Jesucristuman yärakuyänanpä.#2Tim. 1.11. Mana llullakuypam [Jesucristupa jutinchö] rasun kaqta nï.
8Noqa munä maychö qorikarpis mana rimanakuypa mana chikinakuypa wawqikuna makinkunata joqarkur Tayta Diosta mañakuyänantam.
Warmikunapä ninqan
9Warmikunapis shumaq jatikuyätsun. Penqakuypä röpakunataqa ama jatikuyätsuntsu. Ama yarpachakuyätsuntsu aqtsanta alläpa allitsakuyänanpä ni qoriwanpis ni perlaswanpis adornakuyänanpä. Alläpa chanin röpakunatapis ama jatikuyätsuntsu.#1Ped. 3.3. 10Tsaypa rantinqa Tayta Dios munanqannö kawaq warmikunanö allikunata rurar kawayätsun.
11Qorikäyanqaykichö yachatsiyanqankunata warmikuna upällalla yachakuyätsun. 12Noqa manam munätsu warmikuna ollqukunata yachatsiyänanta ni mandayänanta. Mas bien upällalla kakuyätsun. 13Tsaynö nï Adánta kamaskirrä#Gén. 2.7. Evata kamashqa kaptinmi.#Gén. 2.21-22. 14Manam Adántatsu Satanásqa engañarqan, sinöqa Evatam.#Gén. 3.1-6. Engañaptinmi jutsa rurayman ishkirqan.
15Peru warmikunaqa wamrankunata shumaq wätayätsun, Tayta Diosman criyikuyätsun, pïmaytapis kuyayätsun, shumaq tantiyakuyätsun y Tayta Dios munanqannö kawayätsun.#Fil. 2.12. Tsaynöpam salvakuyanqa.
Currently Selected:
1 Timoteo 2: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.