1 Juan 4
4
Llutan yachatsikuqkuna imanö kanqanpis
1Kuyay wawqikuna y panikuna, kay patsachö atskaqmi llulla profëtakuna puriykäyan. Tsaynö kaykaptinqa pipis <<Espíritu Santum tantiyatsimashqa willakunäpä>> nir chämuptin shumaqrä tantiyayay Tayta Diospa willakuqnin kanqanta o mana kanqantapis. 2Tayta Diospa willakuqnin karqa Jesucristo kay patsaman shamur rasunpa runa kanqantam yachatsin.#4.2 Jesucristo Dios kanqanta criyirpis wakin runakuna manam criyiyarqantsu rasunpa runa kanqanta, sinöqa runanölla kanqantam yarpäyarqan. 3Jesucristo rasunpa runa kanqanta mana yachatsirqa manam Tayta Diospa willakuqnintsu, sinöqa anticristum. Anticristo shamunanpä kanqanta musyayanqaykinöllam kananqa anticristukuna kay patsachö puriykäyan.#Mat. 7.15; 2Juan 7.
4Kuyay wamräkuna, Tayta Diospa wamrankunam kaykäyanki. Qamkunachö kaykaq Espíritu Santuqa kay patsachö kaykaq espïritupitapis mas poderyuqmi. Pay yanapashuptikim tsay llutan yachatsikuqkunata chaskiyankitsu. 5Paykunaqa Diospa wamran mana karmi yarpayninkunallapita yachaykätsiyan. Tsaymi paykunataqa Diosta mana cäsuq runakunalla chaskiyan.#Juan 15.19.
6Noqakunaqa Diospa willakuqninmi kaykäyä. Tsaymi willakuyanqäta chaskikuqkuna Tayta Diosta reqiyan. Willakuyanqäta mana chaskikuqkunaqa manam Tayta Diospa willakuqnintsu kayan. Tsaynöpam musyantsik mayqan runa rasun kaqta yachatsinqanta y mayqan runa llutanta yachatsinqanta.
Tayta Dios kuyamanqantsiknö kuyanakunantsikpä ninqan
7Kuyay wawqikuna y panikuna, Tayta Dios kuyakuq kaykaptinqa juknintsik juknintsikpis kuyanakushun. Kuyanakurqa Diospa wamran karmi payta reqintsik. 8Peru mana kuyanakurmi sïqa Diosta reqintsiktsu. Tayta Diosqa kuyakuqmi.
9 Mana ushakaq kawayta tarinantsikpämi Tayta Dios japallan Tsurinta kay patsaman mandamurqan. Tsaynöpam pasaypa kuyamanqantsikta musyatsimarquntsik.#Juan 3.16. 10Rasunpa kuyakuyqa manam noqantsik Tayta Diosta kuyanqantsiktsu, sinöqa noqantsikta pay kuyamanqantsikmi. Jutsata ruranqantsikpita sacrificiu kananpämi Tsurin Jesucristuta mandamurqan. Tsaymi rasunpa kuyakuyqa.
11Kuyay wawqikuna y panikuna, Tayta Dios tsaynö kuyaykämashqaqa noqantsikpis juknin jukninwan kuyanakur kawashun. 12Tayta Diosta manam pipis rikashqatsu.#Juan 1.18. Tsaynö kaptinpis kuyanakushqam noqantsikwan kaykan. Tsaymi yanapaykämantsik pay kuyakuq kanqannö noqantsikpis kuyakuq kanantsikpä.
13Espíritu Santuta chaskishqa karmi Tayta Dios noqantsikwan kaykanqanta y noqantsikpis paywan kaykanqantsikta musyantsik.#Rom. 8.9; 1Juan 3.24. 14Kikïkunam rikayarqü Diospa Tsurin Jesucristo kay patsachö kaykaqta. Tsaymi willakuyä runakunata salvananpä Tayta Dios payta mandamunqanta.#Juan 3.17. 15Jesucristo Tayta Diospa Tsurin kanqanta pipis criyirqa Tayta Dioswanmi kaykan y Tayta Diospis paywanmi kaykan.
16Kananqa Tayta Dios kuyamanqantsikta musyarmi payman yärakuntsik. Tayta Diosqa kuyakuqmi. Noqantsikpis kuyanakurqa paywanmi kaykantsik y paypis noqantsikwanmi kaykan. 17Tsaynöpam Tayta Dios munanqannö kuyanakuntsik. Tsaynö kuyanakur kawar y Jesucristo kay patsachö kawanqannö kawarqa juiciu finalchö manam mantsarishuntsu. 18Tayta Dios kuyamanqantsikta mana tantiyarmi castigamänantsikpä kanqanta yarpantsik. Tayta Dios kuyamanqantsikta tantiyarmi sïqa mana castigamänantsikpä kanqanta musyar mantsantsiktsu.
19Puntata pay kuyamashqam noqantsikpis [payta] kuyantsik. 20Pipis <<Tayta Diostam kuyä>> nikar runa mayinta chikirqa llullakuykanmi. Runa mayintsikta rikaykar mana kuyarqa ¿imanöparä mana rikanqantsik Tayta Diosta kuyashwan? 21Tayta Diospa mandamientunchömi nimantsik: <<Tayta Diosta kuyarqa runa mayikitapis kuyay>>.#Mar. 12.29-31.
Currently Selected:
1 Juan 4: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.