MATIUS 1

Manga arannu iupungngu al᷊amona Mawu Yesus Kristus

(Luk. 3:23-38)

1Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

2-6ai Abraham,

i Ishak,

i Yakub,

i Yehuda wuṛṛu manga tuṛṛangnge,

i Peres wuṛṛu i Zerah (inangngi mangitou aranne i Tamar),

i Hezron,

i Ram,

i Aminadab,

i Nahason,

i Salmon,

i Boas (inangnge i Rahab),

i Obed (inangnge eteudde i Rut),

i Isai,

wuṛṛu i Ratu Daud.

6b-11Wuassi Daud na'oman sara tempom balahannu Israel niṛṛuumanna su Babel nawoṛṛetta manga aranna ereindi:

i Salomo (inangnge eteudde inawal᷊uanni i Uria),

i Rehabeam,

i Abia,

i Asa,

i Yosafat,

i Yoram,

i Uzia,

i Yotam,

i Ahas,

i Hizkia,

i Manasye,

i Amon,

i Yosia,

i Yekhonya wuṛṛu manga tuṛṛangnge.

12-16Wuassu tempom balahannu Israel niṛṛuumanna su Babel na'oman sara asasungkangngu Mawu Yesus, nawoṛṛetta manga aranna ereindi:

i Yekhonya,

i Sealtiel,

i Zerubabel,

i Abihud,

i Elyakim,

i Azur,

i Zadok,

i Akhim,

i Eliud,

i Eleazar,

i Matan,

i Yakub,

i Yusuf awingngi Maria.

Wuṛṛu wuassi Maria uddewe nasungkangke Mawu Yesus apan isassaggo lai Kristus.

17Nariaddi wuassi Abraham na'oman sara i Daud, sarangkanambone mapul᷊o appatta su rawanne, wuassi Daud na'oman sara walahannu Israel niṛṛuumanna su Babel, udde lai mapul᷊o appatta su rawanne. Wuassu tempon Israel niṛṛuumanna su Babel na'oman sara asasungkangngu Mawu Yesus Kristus udde lai mapul᷊o appatta su wageangnge.

Asasungkangngu Mawu Yesus Kristus

(Luk. 2:1-7)

18Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.) 19I Yusuf, tunangane udde, eteudde sangkatou apan sidutu tuttuṛṛutta titan agama. Nariaddi i tou mappulute mamassutta patatunangan tarua, arawe ringannu mal᷊anna-l᷊annaba, tadea'u i Maria tawe masili su saruannu awadaalla. 20Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata. 21I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

22Sarangkanambone udde mariaddi aroddi, tadea'u matipusse apa apan suete niwisara Mawu sulal᷊ummu nabi-Ne, eteudde, 23“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

24Napawe i Yusuf napu'ote, i tou tinumuṛṛutte su ereapa apan suete niwatti'u mala'ekattu Mawu si tou. I tou naawingke Maria. 25Arawe tantal᷊anna Maria taambe nangunsiwen ana'a udde, Yusuf taambe naammulli Maria. Wuṛṛu napawe ana'a udde nasungkangke, i Yusuf nanaggoten ana'a udde Yesus.

Currently Selected:

MATIUS 1: LAITLD

Highlight

Copy

Want to have your highlights saved across all your devices? Sign up or sign in

@ LAI 2003

Learn more about WUKE SUSI WATTI'U AL᷊AL᷊USASSA

MATIUS 1

Popular Bible Verses from
MATIUS 1

Bible:

Talaud

Version: WUKE SUSI WATTI'U AL᷊AL᷊USASSA - LAITLD

MATIUS 1

MATIUS 1

Popular Bible Verses from MATIUS 1

Bible:

Talaud

Version: WUKE SUSI WATTI'U AL᷊AL᷊USASSA - LAITLD

MATIUS 1

Popular Bible Verses from
MATIUS 1