MATAYO 1
1
Ara yiyo Yeso Kristo*
(Luk 3:23-38)
1Nyï kï kitapu tötut pö ara yiyo Yeso Kristo nyo kipö ara Daudi nyo pö ara Apraam. 2Kiyï Apraam Isak, kïyï Isak Yakopo, kïyï Yakopo Yuda nko werkökwa. 3Kiyï Yuda Peres nko Sera nyo ki kame Tamar. Kiyï Peres Esron, kïyï Esron Ram, 4kïyï Ram Aminadap, kïyï Aminadap Nasyon, kïyï Nasyon Salmon, 5kïyï Salmon Poas nyi ki kame Raap. Kiyï Poas Oped nyo ki kame Rus, kïyï Oped Yese, 6kïyï nyu Yese pöytoghin Daudi. Kiyï Daudi Solomon nyo kiyichï koko Uriya. 7Kïyï Solomon Reopoam, kïyï Reopoam Apiya, kïyï Apiya Asa, 8kïyï Asa Yeosyapat, kïyï Yeosyapat Yoram, kïyï Yoram Usia, 9kïyï Usia Yotam, kïyï Yotam Aas, kïyï Aas Esekia, 10kïyï Esekia Manase, kïyï Manase Amon, kïyï Amon Yosia, 11#2Pöy 24:14; 2Ot 36:10; Yer 27:20. kïyï Yosia Yekonia nko werkökwa. Ompö osis cho kikïrang pipö Yaudi kïpa koro Papilon kïrötote.
12Kiyï Yekonia Syealtiel otini kikikerang pipö Yaudi kïpa koro Papilon, kïyï Syealtiel Serupapel. 13Kïyï Serupapel Apiud, kïyï Apiud Elyakim, kïyï Elyakim Asor, 14kïyï Asor, Sadok, kïyï Sadok Akim, kïyï Akim Elyud, 15kïyï Elyud Eleasar, kïyï Eleasar Matan, kïyï Matan Yakopo, 16kïyï Yakopo Yosep nyo kilïkwï santa Marya yoto Yeso, nyo kïkuro Masiya.*
17Kïlenyona kilïkwï pïnwöyi löwïr taman nko angwan kïngeta Apraam ntökwït Daudi akïlïkwï pïnwöy taman nko angwan kïngeta Daudi ntökïtenö kerang pich kïpa Papilon kï rötote akïlïkwï pïnwöy taman nko angwan kïngeta atoni ntökïtenö keyï Kristo.
Yiyo Yeso Kristo
(Luk 2:1-7)
18 #
Luk 1:27. Lenye nyï wölo kikïyiytö Yeso Kristo. Otini kilotokïn Yosep Marya wölo kitomönye kïchömisyö, kesöwï lö, kimirsïyi ompö owesyo Mïkulögh nyo Tïlil. 19Kïmach Yosep nyo kikikulotokïn nyinte kïpïstö ompö sison, ompöwölo ki chi pö man kimömöchönye kutöni Marya arasï ompö tawu pich. 20Wölo otini kitökïmi kunonsïyi, kungwïnchï nyinte malaykayanta Echotyon ompö kirwotïtogh akïlenchï, “Yosep, wero Daudi, mewagh ip korkengu Marya, ompöwölo kömirsyö nyinte monïng ompö owesyo Mïkulögh nyo Tïlil. 21#Luk 1:31. Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.” 22Kighisyö ngalechï löwïr kïpïntö lö man ngölyon nyo kimwa Echotyon ompö kuti werkoyon lö 23#Isa 7:14. “Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”
24Nyini kingeta Yosep rïwön, kwigh le nyaye kömwochï malaykayanta Echotyon, kwip Marya kïlïkwï korkenyi. 25#Luk 2:21. Wölo kimörikyïcha kegh ntökïtenö kïyï Marya. Kikurö Yosep kaynenyi Yeso.
To cho kipkana Kongasis
Currently Selected:
MATAYO 1: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019