MALEAKHI 4
4
Andau Tuhan akan dumah
1Koan Tuhan Je Jaton Tikas Kuasae. “Akan sampai katikae uras oloh bajoho tuntang darhaka inusul sama kilau tampilai. Hong andau te ewen kareh inusul lepah, tuntang jaton je batisa bara ewen. 2Tapi akan keton je manumon auh-Ku, kuasang-Ku je manyalamat kareh lembut kilau matanandau, tuntang kalawae mimbit karigas. Keton kareh mardeka tuntang hanjak kilau anak sapi je harue impalua bara karambang. 3Hong andau te Aku kareh mambaleh, tuntang keton kareh mapakalah kare oloh papa, sampai ewen kilau kawo je impijak-inandik keton.
4Ingat kare auh ajar rewarku Moses, ingat kare atoran tuntang kare parentah je inenga-Ku akae intu bukit Sinai uka inumon awi hapus ungkup Israel.
5 #
Mat. 11:14, 17:10-13; Mrk. 9:11-13; Luk. 1:17; Yoh. 1:21 Tapi sahelo bara andau je manarewen tuntang je manyabanen je inukas-Ku te sampai, kareh inyoho-Ku Nabi Elia talih keton. 6Ie kareh manjadian kare bapa tuntang kare anak hinje atei, mangat Aku dia dumah mambinasa lewun keton.”
Currently Selected:
MALEAKHI 4: NIJ
Highlight
Share
Copy
Want to have your highlights saved across all your devices? Sign up or sign in