Luk 3
3
Jan was utuhyang kauhmak wanilang yakat
(Mt 3:1-12; Mk 1:1-8; Jn 1:19-28)
1King tanit nuhni Tiberio king kana kurih 15 laihna yakat, Poncio Pilato laih Judea kabamintni kāwadai, Herod laih Galilea yakat kabamint kāwadai, wirahni Pilip laih Iturea dawi Traconite yakat kabamint kāwadai, dawak Lisanias laih Abilinia yakat kabamint kāwadai. 2Anás dawak Caifás karak laih sumalyang nunuhni dai. Kidika mani yakat, Papang yaklau Zacarías walanibis Jan yakat yulkalbauna dai kauhmak wanilang yakat, 3dawak Jan laih Jordán wasni yaihnit yakat pa balna kidika bitik yakat kawi bayakna dai, dawak muih balna yakat diyulna dai witingna Papang yakat wiryaklana atninna dawak bik was di-utuhna atnin, Papang yaklau witingna dutnina dawak disnin yulni. 4Adika dini kalahna dai kat prapit Isaías yaklau aput ulna dai bahang:
“Yul as yulwi sarahwikauhmak wanilang yakat:
‘Dawan tani kidika ridi yamtanauh;
ta as barangni yamta kalatanauh.
5Asang sar balna bitik laihuhwi bahngna karang,
asang nunuhni dawak asang ububulni balnabitik laih sahwi papatni yamna karang,
ta balna awaihni kidika laihbarangni yamna karang,
dawak ta balna papatni awas kidikalaih papatni yamna karang.
6Muih balna bitik kidikaPapang yaklau laihwi yaknin lanisihwa kidika tatalna karang.’ ”#Is 40:3-5.
7Muih balna kidika Jan yaklau was di-utuhna atnin kalalahwa mani kat, witing yaklau aput diyulwadai: “¡Bil sulani balna!#Mt 12:34; 23:33. ¿Wais yaklau manna yakat manayulnayah wah yamadangni kaiwa kidika kaupak ira lawanama kidika?#3.7 ¿Wais yaklau manna yakat manayulnayah...ira lawanama kidika?: wirlana ūk yakat laih aput yulwi: ¿Wais yaklau manna yakat manayulnayah...kallaihyakta alahwanama kidika? 8Manna Dawan yakat wirlawanamana kat di balna yamtamana kidika lāih yamtanauh, dawak manna pasmangna yakat aput yuyulwinih: ‘¡Mayang laih Abraham sulani mayang!’;#Jn 8:33. kat barangni manayultayang Papang yaklau adika kinipala balna kat bik sipki Abraham sulani balna yamna atnin. 9Baisa kidika minit yakat, ki kidika laih uman ridi ki pan balna riknina kau dakna atnin. Pan balna minik yamni yayakwas kidika laih bitik dakwi kuh pasyakat ruhmwi āwi.”#Mt 7:19.
10Bahang muih balna yaklau kalyulwi dakakana:
—¿Ais yamnikna sipyah?
11Jan yaklau nangnitnalana:
—Wais prak bu dutaman kat, as bik dis muihni yakat as kalatah; dawak wais kasnin dini dutaman kat, dis muihni karak wayahta kastah.
12Roma dini tunan minit dadakwa balna dai kidika#Lc 7:29. kaupak bik buas Jan yaihnit yakat uina dai wassina atnin yulni, dawak Jan yakat kalyulwi dakakana:
—Sumalyang, ¿yangna ais yamnikna sipyah?
13Jan yaklau diyulna:
—Baisa tunan minit daknamna kidika kaupak dadakwinih.
14Soldado balna bik buas kalyulwi dakakana:
—Dawak yangna laih, ¿ais yamtanakiyah?
Nangnitnalana:
—Muih as kau bik dini dakyayakwinih, īnin lani dawak di as bik yamwas kat yulni yaknin lani karuk bik; dawak manna mamatna manawa kidika karak ismangnalak kaldakanauh.
15Muih balna kidika laih tahanin lani nuhni karuk bangdai, dawak biri biri yulwi dakakawadai Jan kidikapa Mesías; 16kaunah Jan yaklau muih balna bitik yakat diyulna: “Rahm yang laih, was kau was mana utuhtayang; kaunah yang uskit yakat as kaiwi witing laih Spirit Holi kau dawak kuhpau kau bik was mana utuhwi yakna karang. Yang karak witing kauh parasni nuhni duwi, susni balna wahni kat bik uluhnik sip-awasyang. 17Witing wingni kidika laih tingni yakat duaiwi, plawar minik kidika dibasta balna kaupak silp yakna atnin. Plawar minik balna kidika laih di puwa ūni yakat puna karang, kaunah dibasta balna kidika laih sip piwas kuhni as karak busna karang.”
18Kaput karak dawak yul balna ūk mahni karak bik, Jan laih muih balna yakat yul balna yamni kidika diyulwadai. 19Baisa kidika minityakat kabamint kayang Herod yakat bilna dai, kat witing wirahni Felipe yalni Herodías yakat duwadai kidika yulni, dawak di dudutni balna ūk bik yamna dai kidika yulni; 20kaunah Herod witing di dudutni balna yamna kidika minityakat baisa ūk minit lakna dai: Jan yakat silak āna dai.#Mt 14:3-4; Mk 6:17-18.
Jisas was utuhwi yakna kidika
(Mt 3:13-17; Mk 1:9-11)
21Jan yaklau muih balna bitik yakat was di-utuhwa yakwa sak mani, Jisas bik was utuhwi yakna dai; dawak witing minit yulwa sakkat, kisang kidika apahna dai 22dawak Spirit Holi kidika laih talna lāih witing minityakat kaiwi bukna dai, sihm buhtuku kapat, dawak kisang kaupak yulni as aput yulwakat dakana:
—Man kuduh yang Walakibis dalani, yang lawik waltik yaknayang kidika.#Gn 22:2; Sal 2:7; Is 42:1; Mt 3:17; Mk 1:11; Lc 9:35.
Jisas Krais muihnibararak balna
(Mt 1:1-17)
23Jisas witing kurih 30 duwadai warkni balna yamna mani kat. José walanibis kapat kalkulna dai. José laih Elí walanibis dai, 24Elí laih Matat walanibis dai, Matat laih Leví walanibis dai, Leví laih Melqui walanibis dai, Melqui laih Jana walanibis dai, Jana laih José walanibis dai, 25José laih Matatías walanibis dai, Matatías laih Amós walanibis dai, Amós laih Nahúm walanibis dai, Nahúm laih Esli walanibis dai, Esli laih Nagai walanibis dai, 26Nagai laih Maat walanibis dai, Maat laih Matatías walanibis dai, Matatías laih Semei walanibis dai, Semei laih Josec walanibis dai, Josec laih Judá walanibis dai, 27Judá laih Joanán walanibis dai, Joanán laih Resa walanibis dai, Resa laih Zorobabel walanibis dai, Zorobabel laih Salatiel walanibis dai, Salatiel laih Neri walanibis dai, 28Neri laih Melqui walanibis dai, Melqui laih Adi walanibis dai, Adi laih Cosam walanibis dai, Cosam laih Elmadam walanibis dai, Elmadam laih Er walanibis dai, 29Er laih Jisas walanibis dai, Jisas laih Eliezer walanibis dai, Eliezer laih Jorim walanibis dai, Jorim laih Matat walanibis dai, 30Matat laih Leví walanibis dai, Leví laih Simeón walanibis dai, Simeón laih Judá walanibis dai, Judá laih José walanibis dai, José laih Jonam walanibis dai, Jonam laih Eliaquim walanibis dai, 31Eliaquim laih Melea walanibis dai, Melea laih Mena walanibis dai, Mena laih Matata walanibis dai, Matata laih Natán walanibis dai, 32Natán laih Devid walanibis dai, Devid laih Isaí walanibis dai, Isaí laih Obed walanibis dai, Obed laih Booz walanibis dai, Booz laih Sala walanibis dai, Sala laih Naasón walanibis dai, 33Naasón laih Aminadab walanibis dai, Aminadab laih Admin walanibis dai, Admin laih Arni walanibis dai, Arni laih Esrom walanibis dai, Esrom laih Fares walanibis dai, Fares laih Judá walanibis dai, 34Judá laih Jacob walanibis dai, Jacob laih Isaac walanibis dai, Isaac laih Abraham walanibis dai, Abraham laih Taré walanibis dai, Taré laih Nacor walanibis dai, 35Nacor laih Serug walanibis dai, Serug laih Ragau walanibis dai, Ragau laih Peleg walanibis dai, Peleg laih Heber walanibis dai, Heber laih Sala walanibis dai, 36Sala laih Cainán walanibis dai, Cainán laih Arfaxad walanibis dai, Arfaxad laih Sem walanibis dai, Sem laih Noé walanibis dai, Noé laih Lamec walanibis dai, 37Lamec laih Matusalén walanibis dai, Matusalén laih Enoc walanibis dai, Enoc laih Jared walanibis dai, Jared laih Mahalaleel walanibis dai, Mahalaleel laih Cainán walanibis dai, 38Cainán laih Enós walanibis dai, Enós laih Set walanibis dai, Set laih Adán walanibis dai, Adán laih Papang walanibis dai.
Currently Selected:
Luk 3: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998