MATHAYO 1
1
Mosyaanĩo ma Yesũ
(Luka 3.23–38)
1 #
1 Mav 17.11; Mwa 5.1; 22.18. Ĩvuku ya mosyaanĩo ma Yesũ Klĩsto, mwana wa Ndaviti, mwana wa Avalaamu. 2#Mwa 21.3,12; 25.26; 29.35; 49.10; 1 Mav 1.34.Avalaamu asyaie Isaka; na Isaka asyaa Yakovo; na Yakovo asyaa Yuta na ana‐a‐ĩthe make; 3#1 Mav 2.5,9; Mwa 38.29,30; Lu 4.18–22.na Yuta asyaĩwa Velesi na Nzela nĩ Tamalu; na Velesi asyaa Esiloni; na Esiloni asyaa Lamu; 4#1 Mav 2.10–12.na Lamu asyaa Aminatavu; na Aminatavu asyaa Nasoni; na Nasoni asyaa Salumoni; 5#Lu 4.13–17.na Salumoni asyaĩwa Mboasi nĩ Laavi; na Mboasi asyaĩwa Oveti nĩ Luthi; na Oveti asyaa Yese; 6#2 Sam 12.24.na Yese asyaa mũsumbĩ Ndaviti.
Na Ndaviti asyaĩwa Solomoni nĩ mũka ũla waĩ wa Ulia; 7#1 Mav 3.10–14.na Solomoni asyaa Leovoamu; na Leovoamu asyaa Aviya; na Aviya asyaa Asa; 8na Asa asyaa Yeosavati; na Yeosavati asyaa Yolamu; na Yolamu asyaa Usia; 9na Usia asyaa Yothamu; na Yothamu asyaa Aasu; na Aasu asyaa Esekia; 10na Esekia asyaa Manase; na Manase asyaa Amoni; na Amoni asyaa Yosia; 11#1 Mav 3.15,16.na Yosia asyaa Yekonia na ana‐a‐inyia make, ĩvinda ya kũthamĩĩw’a Mbaviloni.
12 #
1 Mav 3.17; Esa 3.2. Na ĩtina wa kũthamĩĩw’a Mbaviloni, Yekonia asyaa Sealitieli; na Sealitieli asyaa Nzeluvaveli; 13na Nzeluvaveli asyaa Aviuti; na Aviuti asyaa Eliakimu; na Eliakimu asyaa Asoli; 14na Asoli asyaa Satoki; na Satoki asyaa Akimu; na Akimu asyaa Eliuti; 15na Eliuti asyaa Eleasali; na Eleasali asyaa Mathani; na Mathani asyaa Yakovo; 16#Mt 27.17,22.na Yakovo asyaa Yosevu mũũme wa Meli ũla wasyaie Yesũ, nake nĩwĩtawa Klĩsto.
17Na ĩndĩ nzyawa syonthe kuma Avalaamu kũvika Ndaviti nĩ nzyawa ĩkũmi na inya; na kuma Ndaviti kũvika kũla kũthamĩĩw’a Mbaviloni nĩ nzyawa ĩkũmi na inya; na kuma kũthamĩĩw’a Mbaviloni kũvika Klĩsto nĩ nzyawa ĩkũmi na inya.
Ĩsyawa ya Yesũ
(Luka 2.1–7)
18 #
Lk 1.35. Na kũsyawa kwa Yesũ Klĩsto kwailyĩ ũũ: Yĩla Meli inyia wake wevaĩtw’e nĩ Yosevu, matambĩte kũtwaana, ooneka e na ĩvu ya Veva Mũtheu. 19Na Yosevu mũũme wake, nĩkwĩthĩwa aĩ mũndũ mũlũngalu, na ndaenda kũmũsonokya mbee wa andũ, enda kũmũeka kĩmbithĩ. 20Ĩndĩ akĩsũanĩa maũndũ asu, sisya, mũlaĩka wa Mwĩaĩi amumĩlĩla ndotonĩ, akyasya, Yosevu, we mwana wa Ndaviti, ndũkakĩe kũtwaa Meli mũka waku; nũndũ kũitava kwake nĩ kwa Veva Mũtheu. 21#Lk 1.31; 2.21; Meko 4.12.Nake akasyaa kavĩsĩ; naku ũkaketa syĩtwa yako YESŨ; nũndũ nĩwe ũkatangĩĩa andũ make kuma naĩnĩ syoo. 22#Isa 7.14.Na ũu w’onthe ũtw’ĩkĩte, nĩ kana wĩanĩw’e ũla waneeniwe nĩ Mwĩaĩi na kanyw’a wa mwathani, akyasya,
23Sisya, mwĩĩtu akethĩwa e ĩvu, na akasyaa kavĩsĩ,
Nako syĩtwa yako makaketa Imanueli;
na ũalyũlo wayo nĩ, Ngai vamwe naitũ. 24Na Yosevu ookĩla kuma toonĩ, na eeka o tondũ wĩaĩwe nĩ mũlaĩka wa Mwĩaĩi, na atwaa mũka wake; 25#Lk 2.7.o na ndaamũmanya mũvaka asyaa kavĩsĩ: nake aketa syĩtwa yako YESŨ.
Currently Selected:
MATHAYO 1: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956