MATHAYO 2
2
Kũthoka kwa andũ oĩ
1 #
Lk 2.1–7. Na Yesũ asaĩwe Mbethelemu nthĩ ya Yutia matukũ ma mũsumbĩ Elote, sisya, andũ oĩ kuma wumĩlonĩ wa syũa mooka Yelusaleme, makyasya, 2#Mot 24.17.Aĩva ũla wasyaiwe Mũsumbĩ wa Ayuti? Nũndũ nĩtwoonie ndata yake wumĩlonĩ wa syũa, na nĩtwooka kũmũthaitha. 3Na ũla mũsumbĩ Elote eew’a ũu, aũũya, na Yelusaleme yonthe vamwe nake. 4Na oomban’ya athembi anene onthe na aandĩki ma andũ, amakũlya vala Klĩsto wĩsyaĩwa. 5#Mika 5.2; Yoa 7.42.Nao mamwĩa, Nthĩnĩ wa Mbethelemu nthĩ ya Yutia: nũndũ nĩw’o kũandĩkĩtwe nĩ mwathani,
6Naku Mbethelemu, nthĩ ya Yuta,
Ndwĩ mũnini nongi katĩ wa atongoi ma Yuta:
Nũndũ kwaku we kũkauma ngavana,
Ũla ũkaĩthya andũ makwa Isilaeli.
7Nĩvo ĩndĩ Elote wametie ala andũ oĩ kĩmbithĩ, na amanyĩthw’a nĩo vyũ ĩvinda yĩla ndata ĩsu yonekie. 8Na amatũma ku Mbethelemu, na asya, Endai mũkekuũe vyũ ũndũ wa kala kana; na mwakona mũndetee ũvoo, nĩ kana nyie nakwa nĩthi nĩkathaithe. 9Nao, meew’a ndeto sya mũsumbĩ, makwata nzĩa mathi; na sisya, ndata ĩla moonie wumĩlonĩ wa syũa yamatongoesya, mũvaka yooka yalũma ĩũlũ wa vala ve kala kana. 10Na moona ĩla ndata, matana ũtanu mũnene mũno. 11#Sav 72.10,15; Isa 60.6.Na malika nyũmba nthĩnĩ na moona kana vamwe na Meli inyia wako, na mavalũka nthĩ na makathaitha; na mathasya mĩio yoo yĩ vata mũno makanenga mĩthĩnzĩo, thaavu na ũvumba na manemane. 12Nao mooniw’e nĩ Ngai ndotonĩ maikamũalũkĩle Elote, mathi kwoo na nzĩa ĩngĩ.
Kũkĩĩa Misili
13 #
Kuma 2.15. Na asu mathi, sisya, mũlaĩka wa Mwĩaĩi amumĩlĩla Yosevu ndotonĩ, akyasya, Ũkĩla wose kala kana na inyia wako, noikĩa ũthi Misili, ũkekale kw’o mũvaka yĩla ngaũtavya: nũndũ Elote nũkilĩlye kũmantha kala kana akoae. 14Nake ookĩla oosa kala kana na inyia wako ũtukũ, athi kũvika Misili; 15#Osea 11.1.na ekala kw’o mũvaka Elote akw’a: nĩ kana kwĩanĩw’e ũla waneeniwe nĩ Mwĩaĩi na kanyw’a wa mwathani, akyasya, Kuma Misili nĩnamwĩtie mwana wakwa.
Kũawa kwa syana ngenge sya Mbethelemu nĩ Elote
16Na ĩndĩ Elote, oona kana nũnavũthiw’e nĩ ala andũ oĩ, athata mũno, na atũma andũ moae tũvĩsĩ tw’onthe tũla twaĩ Mbethelemu, na ndee syonthe syayo, tũla tũvikĩtye myaka ĩlĩ na ĩtina wa vau, kwĩanana na ĩvinda yĩla wamanyĩthiw’e vyũ nĩ ala andũ oĩ. 17#Yel 31.15.Nĩvo ĩndĩ weanĩiw’e ũla waneeniwe nĩ mwathani Yelemia, akyasya,
18Wasya nĩweew’ĩkie Lama,
Kĩĩo na kĩmeto kĩnene,
Lakeli akĩĩĩa syana syake;
#
Mwa 35.19. Na ndetĩkĩla kũkiakiw’a, nĩkwĩthĩwa itivaĩ.
Kũsyoka kuma Misili
19Ĩndĩ Elote akw’a, sisya, mũlaĩka wa Mwĩaĩi amumĩlĩla Yosevu ndotonĩ na ku Misili, akyasya, 20#Kuma 4.19.Ũkĩla wose kana na inyia wako, ũthi nthĩ ya Isilaeli: nũndũ nĩ akw’ũ ala mamanthaa thayũ wa kana. 21Nake ookĩla, oosa kana na inyia wako, na athi nthĩ ya Isilaeli. 22Ĩndĩ eew’a kana Alikelau nũsumbĩkĩte ĩũlũ wa Yutia vandũ va Elote ĩthe wake, akĩa kũthi kw’o; na oonw’a nĩ Ngai ndotonĩ, eelelũka athi ngalĩ sya Kalilii, 23#Lk 1.26; 2.39; Isa 11.1; 53.2; Yoa 1.46.na athi atũa ndũanĩ yĩtawa Nasaleti; nĩ kana kwĩanĩw’e ũla waneeniwe nĩ athani, kana we aketwa Mũnasaleti.
Currently Selected:
MATHAYO 2: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956