Mat 1
1
Gyisɛse Kelaese abusua ɛlɔnwɔne ne
(Luk 3.23-38)
1 #
2 Arl 24.14-15; 2 Edk 36.10; Gyɛ 27.20 Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.
2Ebileham wole Ayezeke, Ayezeke wole Gyekɔbo, Gyekɔbo wole Dwuda nee ɔ mediema ne mɔ. 3Dwuda wole Pɛlɛze nee Zila (bɛfɛlɛ bɛ nli Teemaa), Pɛlɛze wole Hɛzelɔn, Hɛzelɔn wole Relam, 4Relam wole Amenadabe, Amenadabe wole Nahyɔn, Nahyɔn wole Salemɔn, 5Salemɔn wole Bowaze, (bɛfɛlɛ ɔ nli Releehabe); Bowaze wole Obɛde (bɛfɛlɛ ɔ nli Wulutu), Obɛde wole Gyɛsi, yɛɛ 6Gyɛsi wole Belemgbunli Devidi.
Devidi wole Sɔlɔmɔn (ɔ nli a le raalɛ ne mɔɔ Yulaya gyale ye bie la), 7Sɔlɔmɔn wole Rilihɔbowam; Rilihɔbowam wole Abaegya, Abaegya wole Esa, 8Esa wole Gyɛhɔhyafate, Gyɛhɔhyafate wole Gyɛholam, Gyɛholam wole Ɛzaya, 9Ɛzaya wole Dwotam, Dwotam wole Ehaze, Ehaze wole Hɛzikaya, 10Hɛzikaya wole Manasɛ, Manasɛ wole Amɔn, Amɔn wole Dwosaya, 11Dwosaya wole Gyɛhɔyakɛn#1.11 Gyɛhɔyakɛn anzɛɛ Gyɛkonaya. nee ɔ mediema ne mɔ. Mekɛ ɛhye anu yɛɛ Babelɔnoma hyele Dwuda maanlema dɔɔnwo hɔle nlɔnu a.
12Bɛvale bɛ bɛhɔle Babelɔn la nzinlii Gyɛhɔyakɛn wole Hyealeteɛle, Hyealeteɛle wole Zɛlɛbabɛle, 13Zɛlɛbabɛle wole Abayude, Abayude wole Yilayakem, Yilayakem wole Ezɔ, 14Ezɔ wole Zeedɔko, Zeedɔko wole Ekem, Ekem wole Yilayɛde, 15Yilayɛde wole Ɛlieza, Ɛlieza wole Matan, Matan wole Gyekɔbo, 16Gyekɔbo wole Dwosefi, mɔɔ ɔ ye a le Mɛle mɔɔ wole Gyisɛse, mɔɔ le Kelaese ne la.
17Zɔhane ati, ɔvi Ebileham anwo zo toonwo mɔɔ badwu Devidi anwo zo la le awolɛndoazo bulu nee nna, yɛɛ ɔvi Devidi anwo zo toonwo mɔɔ badwu mekɛ mɔɔ bɛhyele Dwuda maanlema bɛhɔle Babelɔn la le awolɛndoazo bulu nee nna, yɛɛ ɔvi mekɛ zɔhane mɔɔ badwu Kelaese#1.17 Kelaese: anzɛɛ Mɛzaya ne. ne awolɛ nu la le awolɛndoazo bulu nee nna.
Gyisɛse Kelaese awolɛ ne
(Luk 2.1-7)
18 #
Luk 1.27
Kɛ Gyisɛse Kelaese awolɛ ne yɛle la ɛne. Mekɛ mɔɔ Dwosefi yiale Mɛle, mɔɔ le Gyisɛse ɔ nli ne, na ɔtɛnyianle ɔtɛyɛle ɔ nwo debie la bɛnwunle kɛ Mɛle lua Sunsum Nwuanzanwuanza ne anwo zo ɛva ɛkolɛ. 19Kɛmɔ ɛnee Dwosefi le sonla mɔɔ di pɛlepɛle na yeangulo kɛ ɔkɛbɔ ye anyiemgba la, ɔdwenlenle nwolɛ kɛ ɔfa ahane yeahɔye ɔ nloa wɔ ɔ nwo. 20Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a. 21#Luk 1.31 Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”
22Ɛhye mɔ amuala zile amaa mɔɔ Awulae luale ye kpɔmanvolɛ ne anwo zo hanle la ayɛ nɔhalɛ kɛ, 23#Aye 7.14 “Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)
24Ɛhye ati mɔɔ Dwosefi vi nla nu dwazole la, ɔyɛle ye kɛmɔ Awulae soanvolɛ ne zele ye la na ɔgyale Mɛle. 25#Luk 2.21 Noko yeanva ɔ nwo yeanga Mɛle toonwo ɔhɔkpulale mekɛ mɔɔ ɔwole ye belamunli ralɛ nrenya ne la. Na Dwosefi donle ye Gyisɛse.
Currently Selected:
Mat 1: NB
Highlight
Share
Copy
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.