Malaki 4
4
AWURADE kyẽa ne
1Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne. 2Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ. 3Na ɛmɔkotiatia bɔnefoɛ mɔ so; ofikyɛ kyẽa bɔ ngɔyɔ sɔ ne, bɛkɔyɛ nzoen wɔ ɛmɔ gya bo, Asafo AWURADE noa dwirɛ ɛne.
Kɔkɔbɔlɛ ne bɔhyɛlɛ
4“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye. 5#Mat 17.11; Mak 9.12 Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa. 6#Luk 1.17 Na ɔkɔma mmaa mɔ bɛkɔla seɛ mɔ b’ahone nwo, ná seɛ mɔ koso bala mmaa mɔ b’ahone nwo, amaa ɔnate so mamma mambrapra ɛnomalɛ mangua aseɛ ne aso.”
Currently Selected:
Malaki 4: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.