Colosenses 4
4
1Patronkuna, qamkunapapis ciëluchömi patronnikikuna kaykan. Tsaymi serviyäshuqnikikunata imaykachöpis alli kawakuyänanpaq yanapayänayki.#Efe. 6.9.
2Wawqikuna y panikuna, Dios Yayata agradëcikur imaypis mañakuyay.#Efe. 6.18-20; Fil. 4.6. 3Noqakunapaqpis Dios Yayata mañakuykuyällay Jesucristupa alli willakuyninta willakuyaptï chaskiyänanpaq. Tsay willakuyninta willakunqäpitam carcelchö qaykuraykä. 4Tsaynölla mañakuykuyällay alli willakuyninta shumaq tantiyatsinäpaq.
5Mana creyikuq runakunawan alli kawakuyay.#Efe. 5.16. Imaypis allikunallata rurayay. 6Piwanpis parlarqa alli shimillaykipa kushi kushilla parlapäyanki.
Cartapa ushanan
7Kuyay wawqintsik Tíquico#Hech. 20.4; 2Tim. 4.12. chämurmi imanö kaykanqäta willayäshunki. Paypis Señor Jesucristupa willakuqninmi kaykan. 8Paytam kachamü imanö kaykanqäta willayäshuptiki musyayänaykipaq. Paymi Dios Yayaman mas creyikuyänaykipaq animatsiyäshunki.#Efe. 6.21-22.
9Tíquicuwanmi marka majikikuna imaykachöpis cumplïdu kuyay wawqintsik Onésimutapis mandamü. Paykunam willayäshunki kaychö ima päsaykanqantapis.
10Paqtä prësu kaykaq wawqintsik Aristarcum#Hech. 19.29; 27.2; Film. 24. saludayämushunki. Tsaynöllam Bernabépa prïmun#4.10 Reina Valera niyanqan castellänu traduccionchöqa sobrinun ninmi. Marcuspis#Hech. 12.12, 25; 13.13; 15.37-39. saludayämushunki. Yätsiyanqaqnöllä Marcos chämuptin shumaq chaskiykuyällay. 11Tsaynöllam Justo niyanqan Jesúspis saludayämushunki. Aristarco, Marcos y Justum Dios Yayapa mandakuyninchö alli yanapayämar mas animatsiyäman. Paykunallam Israel majïkunapita yanapayäman.
12Jesucristuta serviqnin marka majikikuna Epafraspis#Col. 1.7; Film. 23. saludayämushunkim. Paymi llapan shonqunwan qamkunapaq imaypis mañakun Dios Yaya munanqannö alli firmi kawakuyänaykipaq. 13Qamkunapaqmi alläpa yarpachakun. Tsaynöllam yarpachakun Laodiceachö y Hierápolischö kaykaq wawqikunapaq y panikunapaqpis.
14Kuyanakuyanqä doctor Lucaswan#2Tim. 4.11; Film. 24. wawqintsik Demaspis#2Tim. 4.10; Film. 24. saludayämushunkim.
15Laodiceachö wawqikunata y panikunatapis saludaykuyay. Tsaynölla saludaykuyay Ninfasta y wajinchö qorikaq wawqikunata y panikunatapis.
16Kay cartata liyiskir apatsiyanki Laodiceachö#Apoc. 3.14-22. wawqikuna y panikunapis liyiyänanpaq. Tsaynöllam Laodiceaman apatsinqä cartata liyiskir paykunapis apatsiyämunqa qamkunapis liyiyänaykipaq.
17Wawqintsik Arquiputa niyanki: <<Señor Jesucristo churashunqaykinö mana qeläkur payta serviy>>.
18Kay salüdütaqa kikïmi qellqamü.#4.18 Pablo tsaynö nirqan kay cartata juk qellqapushqa kaptinmi. Mana qonqaypa Dios Yayata mañakuyay prësu kaykanqäpita yarqamunäpaq.
Dios Yaya llapaykiman bendicionninta churaykallämutsun. [Amén.]
Currently Selected:
Colosenses 4: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.