Colosenses 3
3
Mushuq kawayta chaskinqantsik
1Jesucristuwan kawamushqana kaykarqa gloriachö kaqkunata#Fil. 4.8; Col. 3.12-17. ashiyay. Tsaychömi Dios Yayapa derëcha kaq lädunchö Jesucristo jamaykan.#Sal. 110.1; Heb. 1.3. 2Kay patsallachö kawayänaykipaq yarpachakuyanqaykipa rantin gloriachö kawayänaykipaq yarpachakuyay. 3Qamkunaqa jutsa ruraypaq wañushqana karmi#Col. 2.20; Rom. 6.2, 6; Gál. 2.20. Jesucristuwan Dios Yayapa puntanchö kawaykäyanki. Tsaynö kawayanqaykita runakuna kanan mana rikarpis 4kawayta qaramaqnintsik Jesucristo kutimuptinmi qamkunapis paqtan gloriachö kayanki.
5Tsaynö kaykaptinqa manana jutsata rurar kawakuyay. Fornicación jutsata ama rurayaytsu ni shonquykikuna mana allikunata munanqanta rurayaytsu. Rïcuyayllapaq ama yarpäyaytsu. Rïcuyayllapaq yarparqa ïdulukunata adoraqnömi kaykäyanki. 6Tsaynö jutsa ruraqkunatam Dios Yaya rabyar castiganqa.#Efe. 2.3.
7Ñawpatam qamkunapis tsaynö kawayarqayki. 8Peru kananqa ama pitapis rabyapäyaytsu ni chikiyaytsu. Ama pipa contranpis rimayaytsu ni manakaqkunata parlayaytsu. 9Tsaynölla jukniki juknikipis llullakuyaytsu. Makwa llatapata dëjaqnö unay kawayanqaykita dëjaskir#Efe. 4.22. 10pay qarayäshunqayki mushuq kawaytana kawakuyay.#Efe. 4.24. Mushuq kawayta chaskiyaptikim kamamaqnintsik Dios Yaya waran waran tantiyatsiyäshunki pay kanqannö kayänaykipaq. 11Tsaymi Israel o mana Israel karpis, señalashqa o señalanni karpis, mana yachayyuq karpis, juklä nacionpita karpis, servikuq o libri karpis Jesucristuman creyikur llapantsikpis poderninchö kawaykantsik.
12Dios Yaya akranqan y kuyanqan santu runakuna kaykarqa jukniki juknikipis llakipänakur kawakuyay. Tsaynölla yanapanakuyay, mana yachaq tukur kawakuyay, pïmaypaqpis alli shonqu kayay y pacienciakuyay.#Efe. 4.2. 13Imallapitapis rabyayanqaykipa rantin awantakuyay. Jaqayätsinakurqa jukniki juknikipis perdonanakuyay. Jesucristo perdonayäshunqaykinölla qamkunapis perdonanakuyay.#Efe. 4.32. 14Imanö karpis kuyanakur jukniki juknikipis juk shonqulla kawakuyay.
15Jesucristupita#3.15 Wakin qepa kaq griego copiakunachömi Diospita nin. alli kawayta chaskishqa kaykarqa pïmaywanpis shumaq kawakuyay. Juk shonqulla kawakuyänaykipaqmi Dios Yaya qayayäshushkanki. Tsaynölla Dios Yayata imaypis agradëcikuyay. 16Jesucristupa alli willakuyninta imaypis yarparäyay. Tsay willakuyninta shumaq tantiyatsinakur yachatsinakuyay y cäsukuyänaykipaq animatsinakuyay. Salmukunata, cantukunata y cörukunata cantar llapan shonquykikunawan agradëcikur Dios Yayata alabayay. 17Imata rurarpis y imata parlarpis Señor Jesucristupa shutinchö rurayanki y parlayanki. Jesucristo salvayäshunqaykipita Dios Yayata imaypis agradëcikuyay.#Efe. 5.19-20.
Jesucristuman creyikuqkuna imanö kawakuyänanpaq ninqan
18Warmikuna, Señor Jesucristuta chaskishqana kaykarqa ollquykikunata cäsuyay.
19Ollqukuna, warmikikunata kuyayay. Ollqu tupäyanqaykipa rantin alli shimillaykikunapa tantiyatsiyay.
20Wamrakuna, taytaykikunata y mamaykikunata imaypis cäsuyay. Tsaynö cäsuyänaykitam Señor Jesucristo munan.#Efe. 6.1.
21Taytakuna, wamraykikuna mana jaqayäyänanpaq ama alläpa piñapäyaytsu.
22Servikuqkuna, kay patsachö kaq patronnikikuna mandayäshunqaykita rurayay. Rikäyäshuptikillaqa ama aruq tukuyaytsu, sinöqa Dios Yayapita mantsakur llapan voluntänikikunawan aruyay. 23Imata rurarpis runakunata serviqnöqa ama rurayaytsu, sinöqa Señor Jesucristuta serviqnö llapan shonquykikunawan kushishqa rurayay. 24Musyayankim Señor Jesucristupita gloriachö herenciata chaskiyänaykipaq kanqanta. Señor Jesucristum rasunpa patronnikikunaqa. 25Mana alli ruraqkunataqa pï kaptinpis mana llakipaypam Dios Yaya castiganqa.#Efe. 6.5-8.
Currently Selected:
Colosenses 3: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.