1 Tesalonicenses 1
1
Apóstol Pablo saludakunqan
1Tesalónica markachö#Hech. 17.1. creyikuqkuna:
Noqa Pablum, wawqintsik Silvanuwan#1.1 Silvanupa jukaq shutinmi Silas (Hech. 15.22, 40). y Timoteuwan kay cartata apatsikayämü. Qamkunam Taytantsik Dios Yayapa y Señor Jesucristupa poderninchö kaykäyanki. Dios Yaya [y Señor Jesucristo] llakipäyäshurniki alli päsakuychö kawakuyänaykipaq yanapaykuyälläshuy.
Dios Yaya munanqannö kawayanqan
2Qamkunapaq Dios Yayata mañakurmi imaypis agradëcikuyä 3payman creyikur allillata rurayanqaykipita, pïmaywanpis kuyanakuyanqaykipita y imaykata sufrirpis Señornintsik Jesucristo kutimunanta shuyaräyanqaykipita.
4Wawqikuna y panikuna, musyayämi Dios Yaya kuyayäshurniki akrayäshunqaykita. 5Tsaytam musyayä alli willakuyninta Espíritu Santupa poderninwan willakuptï chaskiyaptiki. Qamkunapis musyayankim kuyayanqaqta y Dios Yaya munanqannö kawakuyanqätapis.
6Conträkuna y Señor Jesucristupa contran shäriyanqannömi qamkunapapis contraykikuna shäriyan. Alläpa sufrirpis Espíritu Santu yanapayäshuptikim Jesucristupa willakuyninta kushishqa cäsuykäyanki. 7Tsayta musyarmi Macedonia y Acaya provinciakunachö llapan wawqikuna y panikuna tantiyakuykäyan qamkunanö cäsukuyänanpaq.
8Qamkuna kaqpita aywarmi Señor Jesucristupa willakuyninta Macedonia y Acaya provinciakunapa päsar maytsaychöpis willakuyan. Willakuyninta willakuyanqannöllam shumaq creyikuyanqaykitapis willakuyan. Tsaymi mayman chäyaptïpis parlayan Dios Yayaman creyikuyanqaykita. Mana willakuyaptïpis 9maytsaychömi musyaykäyan shumaq creyikuyanqaykita y ïdulukunata adorayanqaykipa rantin imayyaqpis kawaq Dios Yayatana adorayanqaykita. Paymi rasunpa kaq Diosqa.
10Tsaynöllam musyayan Dios Yayapa Tsurin Jesucristo gloriapita kutimunanpaq kanqanta shuyaykäyanqaykita. Paytam Dios Yaya wañunqanpita kawatsimushqa. Paymi día del juiciuchö castïgupita salvamäshun.
Currently Selected:
1 Tesalonicenses 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.