Matayo NAKESIAUNAK
NAKESIAUNAK
Akitab a Ngakiro a Naajokak egiri Matayo, igiritae atamar Yesu ngesi Kiristo alimunitoe atamar ebuni. Ngesi ngolo etemokinio Akuj ngakichikakinet nakolong echikakini ngitunga keng Anachamunet Anangorot. Meere Ngakiro Naajokak nugu ngaka Ngiyaudi make alu kolong edoikinio Yesu kiruko ka kesi. Eraakasi ngakiro nugu ngaka ngitunga kadaang anakwapea kadaang.
Eretae akitab a Matayo lokojokon. Isiakinit kotere akidouno a Yesu, kisisau akibatiso keng ka akiningo. Ani erumor kisisau eger lo eruoror Yesu ngakiro a Akuj, ka akitatam ta akitangalenokin ngidekesinei a ngitunga alo Galilaya. Arumoret kanguna, igiritae nakitab naga alotoru a Yesu alo Galilaya tanang Yerusalem. Egiritae nabo dang ngakiro na asubasi awikit na esal ayarea Yesu, tasalu anaramakino keng napir ka akiteyaruno.
Idodiunit akitab naga atamar erai Yesu Eketataman Loapolon, lo epedori akikobun etal a Akuj, kitatami ngakiro a apolou a Akuj. Etiakitae ngakitatamet keng ngatiaket ngakan: (1) Akitatam alomoru, na iruoro epit a ngitunga alu a Apolou a Akuj, ka ngitichisio kech, ka ngakiro na eanyunete ta ni esalunea alotoru kech. (2) Ngakiro na echikichikio ngirukitos lutomon ka ngiarei kotere etich kech (ekidor loa 10). (3) Ngakitadapet a Apolou a Akuj (ekidor loa 13). (4) Akitatam eger a arukit a ngikiristoi (ekidor loa 18) (5) Esal a ngirwa alu tokona kalu ka abunere a Apolou a Akuj (ngidorin lua 24–25)
Eger lo erekinitere na eyakasi
Ngalesea ka akidouno a Yesu Kiristo 1:1–2:23
Etich a Yoana Ekebatisan 3:1-12
Akibatiso ka akiningo a Yesu 3:13–4:11
Etich lo asubea Yesu ngitunga alo Galilaya 4:12–18:35
Awikit na esal alo Yerusalem ka diyete Yerusalem 21:1–27:66
Ayarun ka atakanuun a Ekapolon 28:1-20
Currently Selected:
Matayo NAKESIAUNAK: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999