Matayo 1
ABIBILIA

Matayo 1

1
Ngirora kata apaakeng a Yesu Kiristo
(Luka 3:23-38)
1Erai akitab naga aka ngirora lu ngika ta apaakeng a Yesu Kiristo alo erai ales a Daudi ka ales a Aburaam.
2Auruni Aburaam Isaka, touriu Isaka Yakobo, touriu Yakobo Yuda ka ngikaitotoi keng. 3Touriu Yuda Peres ka Sera (anyaritae itiokech Tamar). Touriu Peres Esiron. Touriu Esiron Ram. 4Touriu Ram Aminadab. Touriu Aminadab Nachon. Touriu Nachon Salimon. 5Touriu Salimon Boas (anyaritae itiokeng a Boas Raab). Touriu Boas Obed (anyaritae itiokeng a Obed Rus). Touriu Obed Yese. 6Touriu Yese ekapolon Daudi. Touriu Daudi Solomon (arai sek itiokeng a Solomon aberu a Uria).
7Touriu Solomon Reoboam. Touriu Reoboam Abija. Touriu Abija Asa. 8Touriu Asa Yeochapat. Touriu Yeochapat Yoram. Touriu Yoram Usia. 9Touriu Usia Yosam. Touriu Yosam Aas. Touriu Aas Esekia. 10Touriu Esekia Manase. Touriu Manase Amon. Touriu Amon Yosia. 11#2 Kapol 24:14-15; 2 Ngirwa 36:10; Yer 27:20 Auruni Yosia Yeoyakin ka ngikaitotoi keng ngikaru lu arikere Ngisirael nakwap a Babilon. 12Na arikorere ngitunga Babilon, touriu Yeoyakin Chealitiel. Touriu Chealitel Serubabel. 13Touriu Serubabel Abiud. Touriu Abiud Eliakim. Touriu Eliakim Asor. 14Touriu Asor Sadok. Touriu Sadok Akim. Touriu Akim Eliud. 15Touriu Eliud Eleasar. Touriu Eleasar Matan. Touriu Matan Yakobo. 16Touriu Yakobo Yosep ekile a Mariam ana arai itiokeng a Yesu alo enyaritae Kiristo.
17Nakaneni ayakasi ngalesea ngatomon ka ngoomwon napei ana Aburaam tanang Daudi. Ayakasi ngalesea ngache ngatomon ka ngoomwon napei ana Daudi tanang ngikaru lu arikere Ngisirael nakwap a Babilon. Ayakasi ngalesea ngache ngatomon ka ngoomwon napei alokaru alu arikonot kangulu tanang ngirwa lu edounere Kiristo.
Akidounet a Yesu Kiristo
(Luka 2:1-7)
18 # Luk 1:27 Ekoni akidounet a Yesu Kiristo nege. Anerit Yosep itiokeng a Yesu na enyaritae Mariam. Ani eringa kesi nyepero, apon Mariam toyenae atamar epoti ngesi ikoku kotere agogongu a Etau a Akuj. 19Yosep ngolo anerit ngesi asubeene jiik ngakiro nguna iyookino. Kona peasakea ngesi Mariam eriamuni ngileech, abu nyisileereu ngakiro nguna, tasak atiaka ka Mariam ekiilingat. 20Ani eringa ngesi itami ngakiro nguna, bu Emalaikat a Akuj nikeng kisuruja ngesi tama, “Iyong Yosep lo irai eka a ales a Daudi, nyiiker akuut Mariam, kainyo erai agogongu a Etau a Akuj apotio ngesi. 21#Luk 1:31 Idouni ngesi ikoku nisapat ni ilimokini iyong ekiro be Yesu, kainyo eyuuni ngesi ngitunga keng anasechesea kech.”
22Asubasi nugu daang sodi kiyookinotor nguna kolong alimuni Ekapolon Akuj alokadwaran keng tama: 23#Isa 7:14 “Epoti apese na nyepero ka ekile a ache kidou ikoku nisapat, ni enyarao Imanuel” (ngesi atamar, “Kirukit ngoni ka Akuj”).
24Na akienyunea Yosep kiuut Mariam loger lo alimokinea Emalaikat a Akuj. 25#Luk 2:21 Nyepero Yosep ka Mariam eringa idia nyidouno. Tolimok Yosep ngesi ekiro be Yesu.

BIBLE SOCIETY OF KENYA (c) 1999


Learn more about ABIBILIA NGAKIRO NAAJOKAK

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.