Colosenses 4
4
1Patronkuna, qamkunapapis patronniki jana patsachömi kaykan. Tsaymi ashmaynikikunata kuyar imalawanpis yanapanki.#Efe. 6.9.
2Wawqi panikuna, Tayta Diosta agradëcikushpayki imaypis manakäriy.#Efe. 6.18-20; Fil. 4.6. 3Noqakunapaqpis Tayta Diosta manakuykulay Jesucristupa ali wilakuyninta wilakäriptï shumaq chaskikärinanpaq. Tsay wilakuyninta wilakushqäpitami carcilcho wataraykä. 4Tsaynöpis manakuykulay ali wilakuyninta pïmaytapis shumaq tantiyatsinäpaq.
5Jesucristuta mana chaskikuq runakunawan ali kawapäkuy.#Efe. 5.16. Alilata imaypis rurapäkuy. 6Pitapis parlaparqa ali shimilaykipa shakya shakyala parlapanki.
Carta ushanan
7Kuyay wawqintsi Tíquico#Hech. 20.4; 2Tim. 4.12. chayamurmi imano kaykashqätapis wilapäkushunki. Paypis Señor Jesucristupa wilakuqninmi kaykan. 8Tsaymi payta kachaykämü imano kaykashqätapis wilashunaykipaq. Paymi shakyätsishunki Tayta Diosman shumaq yärakärinaykipaq.#Efe. 6.21-22.
9Tíquicuwanmi Tayta Diosman yärakuq marka mayiki kuyay wawqintsi Onésimutapis kachaykämü. Paykunami wilapäkushunki kaycho ima pasashqankunatapis.
10Noqawan prësu kaykaq wawqintsi Aristarcumi#Hech. 19.29; 27.2; Film. 24. salüdunta apatsikamun. Tsaynömi Bernabépa prïmun#4.10 Reina Valera nishqan castellänu traduccionchöqa sobrinun nin. Marcuspis#Hech. 12.12, 25; 13.13; 15.37-39. salüdunta apatsikamun. Marcos chayamuptin yätsishqänöla shumaq chaskikärinki. 11Tsaynölami Justo nishqan Jesúspis salüdunta qamkunapaq apatsikamun. Aristarco, Marcos y Justumi Tayta Dios mandaykashqancho ali yanapamar shumaq shakyätsiman. Paykunalami Israel mayïkunapitaqa yanapaykäman.
12Jesucristupa sirviqnin marka mayiki Epafraspis#Col. 1.7; Film. 23. salüduntami apatsikamun. Paymi lapan shonqunwan qamkunapaq imaypis manakuykan Tayta Dios munashqanno ali kawapäkunaykipaq. 13Payqa pasaypami qamkunapaq lakikuykan. Tsaynölami lakikuykan Laodiceacho y Hierápolischo kaykaq wawqi panikunapaqpis.
14Kuyanakushqä doctor Lucaswan#2Tim. 4.11; Film. 24. Demaspis#2Tim. 4.10; Film. 24. salüduntami qamkunapaq apatsikamun.
15Laodiceacho kaykaq wawqi panikunatapis salüdüta qoykulanki. Tsaynöpis salüdüta qoykulanki Ninfasta y wayincho juntakaq wawqi panikunatapis.
16Kay cartata liyirkurna apatsipäkunki Laodiceacho#Apoc. 3.14-22. kaykaq wawqi panikunaman paykunapis liyinanpaq. Tsaynömi Laodiceaman apatsishqä cartata liyirkur paykunapis apatsimunqa qamkunapis liyinaykipaq.
17Wawqintsi Arquiputa kayno nipäkunki: <<Señor Jesucristo churashushqaykino mana qelanaypa payta sirviy>>.
18Kay salüdütaqa kikïmi qelqarkamü.#4.18 Pablo tsayno nirqan kay cartata juk qelqapashqa kaptinmi. Mana qonqaylapa Tayta Diosta manakäriy prësu kaykashqäpita yarqamunäpaq.
Tayta Dios lapaykita kuyapaykuläshunki. [Amén.]
Currently Selected:
Colosenses 4: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.