Colosenses 3
3
Mushuq kawayta chaskikushqantsi
1Jesucristuwan kawarimushqana kaykarqa gloriacho kaqkunata#Fil. 4.8; Col. 3.12-17. ashipäkuy. Tsaychömi Tayta Diospa alawqa kaq nawpancho Jesucristo jamaraykan.#Sal. 110.1; Heb. 1.3. 2Kay patsalacho kawanaykipaq yarpachakärinaykipa trukanqa gloriacho kawanaykipaq yarpachakäriy. 3Qamkunaqa jutsa ruraypaq wanushqana karmi#Col. 2.20; Rom. 6.2, 6; Gál. 2.20. Jesucristuwan Tayta Diospa nawpancho kawarkaykanki. Tsayno kawapäkushqaykita runakuna kanan mana rikarpis 4kawayta qomaqnintsi Jesucristo kutimuptinmi qamkunapis paywan gloriacho kankipaq.
5Tsayno kaykaptinqa jutsata mana ruraypa kawapäkuy. Fornicación jutsata ama rurapäkuytsu ni jutsata ruranaykipaq shonquyki rapipa rapiptinpis ama rurapäkuytsu. Rïcu kanalaykipaq ama yarpachakäriytsu. Rïcuyaylapaq yarpachakurqa ïdulukunata adoraqnömi karkaykanki. 6Tsayno jutsata ruraqkunataqa Tayta Dios rabyashpanmi castiganqa.#Efe. 2.3.
7Qamkunapis nawpataqa tsaynömi kawarqayki. 8Kananqa pitapis ama rabyapaytsu, nanaparaytsu ni chikipäkuytsu. Pipa wasantapis ama rimapäkuytsu ni manakaqkunata parlapäkuytsu. 9Tsaynöpis jukniki jukniki amana lulapänakäriytsu. Makwa röpata jitariqno unay kawashqaykita kacharir#Efe. 4.22. 10pay qoshushqayki mushuq kawaytana kawapäkuy.#Efe. 4.24. Mushuq kawayta chaskikuptikimi kamamaqnintsi Tayta Dios waran waran tantiyaykätsishunki pay kashqanno qamkunapis kanaykipaq. 11Tsaymi Israel runa karpis o mana Israel runa karpis, señalashqa o señaläni karpis, mana yachaq karpis, jäpa runa karpis, ashmay o libri karpis Jesucristuta chaskikurqa lapantsi paypa makinchöna kawaykantsi.
12Tayta Dios akrashqan y kuyashqan santu runakuna kaykarqa jukniki juknikipis kuyapänakur kawapäkuy. Tsaynöpis yanapanakäriy, mana yachaq tukuypa kawapäkuy, pïmaypaqpis ali shonqu kapäkuy y imapitapis pacienciakäriy.#Efe. 4.2. 13Imalapitapis rabyakunaykipa trukanqa awantakäriy. Jaqayätsinakurqa perdonanakäriy. Jesucristo perdonashushqaykinöla qamkunapis perdonanakäriy.#Efe. 4.32. 14Imano karpis kuyanakur jukniki juknikipis juk shonqunöla kawapäkuy.
15Jesucristupita#3.15 Wakin qepa kaq griego copiakunachöqa Diospita ninmi. ali kawayta chaskikushqana kaykarqa pïmaywanpis ali kawapäkuy. Juk shonqunöla kawapäkunaykipaqmi Tayta Dios qayashushqanki. Tsaynöpis Tayta Diosta imaypis agradëcikäriy. 16Jesucristupa ali wilakuyninta imaypis yarparay. Tsay wilakuyninta shumaq tantiyakuykur yachatsinakäriy y cäsukunaykipaq shakyätsinakäriy. Salmukunata, himnukunata y cörukunata cantar Tayta Diosta lapan shonquykiwan agradëcikur alabapäkuy. 17Imata rurarpis y imata parlarpis Señor Jesucristupa jutincho rurapäkunki y parlapäkunki. Jesucristo salvashushqaykipita Tayta Diosta imaypis agradëcikäriy.#Efe. 5.19-20.
Jesucristuta chaskikuqkuna imano kawananpaqpis nishqan
18Warmikuna, Señor Jesucristuta chaskikushqana kaykarqa runaykita cäsukäriy.
19Runakuna, warmikita kuyapäkuy. Olqüpänaykipa trukanqa ali shimilaykipa tantiyatsipäkuy.
20Wamrakuna, mamaykita y taytaykita imaypis cäsukäriy. Tsayno cäsukunaykitami Señor Jesucristo munan.#Efe. 6.1.
21Wamrayuq kaqkuna, wamraykikuna mana jaqayänanpaq lutalaqa ama olqüpaytsu.
22Ashmaykuna, kay patsacho kaq patronniki nishushqaykita rurapäkuy. Rikashunalaykipaqqa ama aruq tukäriytsu, sinöqa Tayta Diosta mantsakur lapan voluntänikiwan arupäkuy. 23Imata rurarpis runakunapaqnölaqa ama rurapäkuytsu, sinöqa Señor Jesucristupaqno lapan shonquykiwan rurapäkuy. 24Musyankimi Señor Jesucristupita gloriacho herenciata chaskipäkunaykipaq kashqanta. Señor Jesucristumi rasunpa kaq patronnikiqa kaykan. 25Mana alita ruraqkunataqa pï kaptinpis mana kuyapaypami Tayta Dios castiganqa.#Efe. 6.5-8.
Currently Selected:
Colosenses 3: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.